Wakati mataifa mengi ya Afrika Mashariki yakihangaika kuboresha mifumo yao ya elimu, wabunge kutoka Uganda wamegeukia Kenya kutafuta mafunzo kuhusu mageuzi yanayoweza kuboresha sekta hiyo nchini mwao.
Ujumbe wa Kamati ya Elimu na Michezo ya Bunge la Uganda ulifanya ziara katika Bunge la Kenya, ukiwa na lengo la kujifunza kuhusu mishahara ya walimu, utekelezaji wa mtaala, ufadhili wa elimu pamoja na namna ya kuboresha mazingira ya walimu na wanafunzi.
Miongoni mwa masuala yaliyovutia ujumbe huo ni mfumo wa Kenya wa kuwalipa walimu kupitia Teachers Service Commission (TSC) na jinsi majukumu ya usimamizi wa walimu yalivyowekwa chini ya taasisi maalum.
Wabunge hao pia walitaka kuelewa uzoefu wa Kenya katika utekelezaji wa mageuzi ya mitaala, hasa mabadiliko yaliyofanywa katika miaka ya hivi karibuni na changamoto zilizojitokeza katika utekelezaji wake.
Ziara hiyo inaonyesha jinsi nchi za Afrika Mashariki zinavyoweza kutumia uzoefu wa majirani zao kutafuta suluhu za matatizo yanayofanana katika sekta ya elimu.
Hata hivyo, hatua ya Uganda kuja kujifunza kutoka Kenya inaweza kuzua mjadala mwingine nyumbani: Je, mfumo wetu wa elimu umefanya vizuri kiasi cha kuwa mfano wa kuigwa, au majirani zetu wanakuja kujifunza pia kutokana na makosa na changamoto ambazo Kenya imepitia?
Ujumbe wa Kamati ya Elimu na Michezo ya Bunge la Uganda ulifanya ziara katika Bunge la Kenya, ukiwa na lengo la kujifunza kuhusu mishahara ya walimu, utekelezaji wa mtaala, ufadhili wa elimu pamoja na namna ya kuboresha mazingira ya walimu na wanafunzi.
Miongoni mwa masuala yaliyovutia ujumbe huo ni mfumo wa Kenya wa kuwalipa walimu kupitia Teachers Service Commission (TSC) na jinsi majukumu ya usimamizi wa walimu yalivyowekwa chini ya taasisi maalum.
Wabunge hao pia walitaka kuelewa uzoefu wa Kenya katika utekelezaji wa mageuzi ya mitaala, hasa mabadiliko yaliyofanywa katika miaka ya hivi karibuni na changamoto zilizojitokeza katika utekelezaji wake.
Ziara hiyo inaonyesha jinsi nchi za Afrika Mashariki zinavyoweza kutumia uzoefu wa majirani zao kutafuta suluhu za matatizo yanayofanana katika sekta ya elimu.
Hata hivyo, hatua ya Uganda kuja kujifunza kutoka Kenya inaweza kuzua mjadala mwingine nyumbani: Je, mfumo wetu wa elimu umefanya vizuri kiasi cha kuwa mfano wa kuigwa, au majirani zetu wanakuja kujifunza pia kutokana na makosa na changamoto ambazo Kenya imepitia?