GE2025 Wasimamizi wa Uchaguzi Mwanza na Mara Watakiwa Kushirikisha Vyama vya Siasa Kikamilifu

GE2025 Wasimamizi wa Uchaguzi Mwanza na Mara Watakiwa Kushirikisha Vyama vya Siasa Kikamilifu

Matukio, Taarifa, Habari na Mijadala ya Wananchi WAKATI wa Mchakato wa Uchaguzi Mkuu 2025

Mkalukungone Mwamba

JF-Expert Member
Joined
Aug 29, 2022
Posts
3,141
Reaction score
7,205
Maafisa na wasimamizi wa uchaguzi katika mikoa ya Mwanza na Mara wametakiwa kuhakikisha wanavishirikisha vyama vya siasa kikamilifu katika mchakato wa uchaguzi, huku wakizingatia sheria na kuiepuka migogoro inayoweza kuibuka wakati wa uchaguzi mkuu unaotarajiwa kufanyika Oktoba mwaka huu.

Wito huo umetolewa na Mjumbe wa Tume Huru ya Taifa ya Uchaguzi, Jaji Asina Omary, wakati wa ufunguzi wa mafunzo ya kuwajengea uwezo maafisa na wasimamizi hao, yaliyofanyika jijini Mwanza.

Aidha, amesisitiza umuhimu wa kuweka mazingira rafiki kwenye vituo vya kupigia kura, hasa kwa watu wenye ulemavu ili kuhakikisha kila raia anapata haki ya kushiriki mchakato wa kidemokrasia kwa usawa.

Katika mafunzo hayo ambayo yamepewa kaulimbiu ya “Kura Yako, Haki Yako – Jitokeze Kupiga Kura”, washiriki wameeleza kuwa yamewapa mwanga mpana kuhusu wajibu wao katika kuhakikisha uchaguzi unakuwa huru, haki na wa kuaminika.

 
Kwa nini mpaka leo tarehe ya uchaguzi haijatangazwa? Inapaswa kuingizwa katika mpya. Kwa mfano, uchaguzi utafanyika kila baada ya miaka mitano, jumamosi ya mwisho ya mwezi Oktoba.

Amandla...
 
Back
Top Bottom