Wasira: Hatukuunda tume ya jaji Chende ikaichunguze serikali, uwajibikaji hauwezi kuwa mikononi mwa serikali pekee

Wasira: Hatukuunda tume ya jaji Chende ikaichunguze serikali, uwajibikaji hauwezi kuwa mikononi mwa serikali pekee

The Watchman

JF-Expert Member
Joined
Nov 7, 2023
Posts
2,186
Reaction score
4,940
Makamu Mwenyekiti wa Chama Cha Mapinduzi (CCM) Bara, Stephen Wasira, amepuuza madai kuwa Tume ya Jaji Mkuu Mstaafu Mohamed Chande Othman inaweza kuwa na upendeleo kwa Serikali, akifafanua kuwa lengo la tume hiyo si "kuichunguza serikali" bali ni kuchimbua chanzo cha ghasia zilizotokea wakati na baada ya uchaguzi wa Oktoba 2025.

Katika mahojiano na gazeti Mwananchi, Wasira amewatetea wajumbe wa tume hiyo, akisema viapo vyao vya utumishi havikuwahi kuwa na utiifu kwa Rais bali kwa Jamhuri na Katiba.

“Hao wanaosema hayo maneno, ukiwasikiliza vizuri, wao wanadhani tumeunda tume ya kuichunguza serikali, ile tume haikuundwa ili kuchunguza serikali, ile tume imeundwa ili kuchunguza kilichotokea, chanzo halafu mengine yote ndio yatokanayo”, amesema Wasira.

Akijibu hoja kuhusu uadilifu wa Jaji Chande, Wasira amekumbusha kuwa Jaji huyo anaaminiwa na dunia nzima, akiwahi kuteuliwa na Umoja wa Mataifa (UN) kuchunguza kifo cha aliyekuwa Katibu Mkuu wa UN, Dag Hammarskjöld. Ameongeza kuwa hata kama Rais ndiye aliyewateua, majaji wastaafu ni watu huru ambao hawaajiriwi tena na serikali na hawawezi kupewa maelekezo ya namna ya kuandika ripoti.

Wasira ameeleza kusikitishwa kwake na vifo vilivyotokea, akisema kuwa haki namba moja ya binadamu ni haki ya kuishi, na ghasia zinapotokea, haki hiyo inapotea. Amesisitiza kuwa kilichotokea mtaani kilikuwa ni uhalifu uliopangwa na si maandamano ya kawaida ya kisiasa.

Hata hivyo, amesisitiza kuwa lazima kuwe na uwajibikaji si kwa serikali tu, bali kwa viongozi na makundi yaliyowaingiza vijana mtaani kufanya uharibifu.

“Uwajibikaji katika jambo hili haiwezi kuwa mikononi mwa serikali pekee yake, ni pamoja na wale walio-organize maana huwezi kulimaliza bila kujua lakini hawa watoto hawa waliingia mtaani, waliingizwa na nani? Hivi hao wenyewe hawawajibiki? Waliowaingiza? nani aliwaingiza? Maana hawawezi kuzuka tu wakaingia mtaani wakafanya uharibifu walioufanya”, ameeleza Wasira.

Cc Jambo TV
 
Back
Top Bottom