Ndugu zangu Watanzania,
Nawaombeni kwa unyenyekevu na heshima kubwa sana kila mmoja kwa imani yake tupige Magoti na kujinyenyekeza mbele za Mwenyezi Mungu kumuombea Mtanzania Mwenzetu Profesa Mohammedi Janabi,mzalendo wa kweli aliyejitolea na kujitoa Maisha yake katika kulitumikia Taifa letu katika secta ya Afya.
Aweze kushinda uchaguzi wa Kujaza nafasi ya Mkurugenzi Mkuu wa WHO kanda ya Afrika. Nafasi iliyoachwa wazi na kubakia wazi kufuatia kifo cha Dkt Faustine Ndugulile aliyetangulia mbele za haki miezi michache kabla ya kushika rasmi na kukalia kiti hicho.
Soma Pia: Prof. Mohamed Janabi Miongoni mwa Wagombea wa Ukurugenzi wa WHO Kanda ya Afrika
Uchaguzi huo unakwenda kufanyikia Geneva Uswiswi siku ya kesho kutwa yaani Tarehe 18-5-2025. Ushindi wa Profesa Janabi utakuwa ni ushindi wetu sote watanzania,itakuwa ni heshima kwetu watanzania, itakuwa ni ushindi kwa Taifa na itaendelea kututengenezea njia watanzania wengine kushika nafasi mbalimbali kimataifa. Kupitia ushindi wake itatusaidia watanzania kupata nafasi ya kufanya kazi katika shirika hili la Afya Duniani,tutapata fursa mbalimbali kama nchi na kama Taifa.
Itatuongezea Sauti katika maamuzi ,mipango , mikakati,mijadala na maazimio ya kimataifa. kila fursa itakayojitokeza tutakuwa na nafasi kubwa ya kuiona na kuipata . Vijana wetu na wataalamu wetu mbalimbali watapata fursa ya kukuza ujuzi na uzoefu wao kwa kufanya kazi na shirika hili la kimataifa .
Ndio Maana nawaombeni sana na kwa moyo wa unyenyekevu tuunganisheni Maombi yetu kumuombea heri na ushindi Mtanzania Mwenzetu ambaye anakwenda kuipeperusha Bendera yetu kimataifa. Tujue kuwa Profesa kalibeba Taifa letu mabegani mwake na sisi watanzania tunapaswa kuwa nyuma yake kumuombea kila la heri na ushindi mnono.
Mpaka sasa kama Taifa kupitia viongozi wetu mbalimbali wakiongozwa na Rais wetu Mstaafu na Mwana diplomasia mbobevu na mwenye uzoefu na ushawishi barani Afrika na Duniani kwote Mheshimiwa Daktari Jakaya Mrisho Kikwete amefanya kazi kubwa ya kuzunguka Bara zima la Afrika kuwasilisha ujumbe wa Rais wetu Mpendwa na kipenzi chetu watanzania Mheshimiwa Daktari Mama Samia Suluhu Hasssan juu ya kuomba uungwaji mkono kwa mgombea wetu.
Lakini pia Mheshimiwa Rais wetu kipenzi alizungumza na Bara la Afrika kwa video yenye kueleza kwa kina juu ya Profesa Mohammedi Janabi na ni mtu wa namna gani na amefanya nini katika secta ya Afya na watarajie nini endapo atachaguliwa kushika nafasi hiyo. Ambapo mpaka sasa tunaendelea kumshukuru Mungu kwa kuwa ushindi upo Mikononi Mwetu na mataifa mbalimbali yanaendelea kutuunga mkono na kumuunga mkono mgombea wetu.
Kila nchi ina imani na Tanzania na watanzania. Hasa kwa kuzingatia historia ya Tanzania katika kulitetea Bara la Afrika na wa Afrika tangia wakati wa ukoloni,hali iliyosaidia nchi nyingi kujipatia uhuru wao kwa jasho na Damu ya watanzania. Kwa hiyo heshima hii ambayo tulijijengea kwamoyo wa upendo ,uaminifu ,huruma , unyenyekevu na kujitolea kwetu imeendelea kutupatia heshima sana mpaka leo hii na kupelekea kuungwa mkono kila tunapoomba nafasi za kimataifa.
Tumekuwa washindi wakati wote kwa sababu tunaaminika sana machoni pa wa Afrika wenzetu na Duniani kwote kwa ujumla wake. Hatujawahi kuwa wasaliti wala ubaguzi. kwetu sisi Binadamu wote ni sawa na wanastahili heshima na kuheshimiwa utu wao pasipo ubaguzi wa aina yoyote ile na kwa misingi ya aina yoyote ile.
View attachment 3336400
Kazi iendelee, Mama Ametufikia na kuwafikia watanzania kwa utumishi wake uliotukuka wa kugusa Maisha ya watanzania wanyonge wasio na Sauti.
Lucas Hebel Mwashambwa, Mama ANATOSHA kuendelea kuliongoza Taifa letu kwa muhula wa pilhapo unabubujikwa
