Mkalukungone Mwamba
JF-Expert Member
- Aug 29, 2022
- 3,141
- 7,205
Mtandao na Muungano wa Mashirika ya Kiraia, Watetezi wa Haki za Binadamu na Wanaharakati barani Afrika (The Pan-African Solidarity Network- PASNET) umelaani vikali kile ulichokieleza kuwa ni kutekwa kwa mwanaharakati wa Tanzania na mwanachama wa Chama cha Demokrasia na Maendeleo (CHADEMA), Twaha Mwaipaya, huku ukitaka Mamlaka nchini Kenya kuchukua hatua za dharura kuokoa maisha yake.
Akizungumza na waandishi wa habari leo Oktoba 26, 2026, Mtetezi wa Haki za Binadamu, Alex Mukasa, amebainisha kuwa Mwaipaya alitekwa Oktoba 25, 2026 katika eneo la Kamulu, Kaunti ya Machakos nchini Kenya, nchi ambayo alikuwa amekimbilia kutafuta hifadhi na usalama.
Kwa mujibu wa taarifa za PASNET na mashirika ya haki za binadamu (ikiwemo Amnesty International), Mwaipaya alitekwa majira ya asubuhi akiwa safarini kwenye teksi kwenda kuwatembelea marafiki zake, ambapo watu waliomteka walikuwa wakitumia magari matatu, likiwemo gari la aina ya Toyota Land Cruiser Hardtop
Soma Pia: Twaha Mwaipaya atekwa na watu 'wasiojulikana' jijini Nairobi, Kenya
“Kenya haiwezi kuendelea kuwa kitovu cha utekaji katika Afrika Mashariki. Mamlaka za Kenya zinapaswa kuingilia kati kwa dharura kuokoa maisha ya Twaha na kuhakikisha anaachiwa mara moja", ameeleza Mukasa.
