Watumiaji wa Barabara ya Ipoipo kwenda mpaka Kihonda Sekondari hapa Morogoro Mjini, iliharibika baad aya awali kuwa na lami, Serikali ikachimbua-chimbua kipindi Mwenge unakuja Morogoro na kuiacha hivyo.
Sasa imekuwa kero kwa watumiaji wa barabara hii na wafanyabiashara waliopo pembezoni, kwani inazalisha vumbi jingi sana ambalo linaathiri biashara za watu, bidhaa zinaharibika na hata mama ntilie waliopo kwenye barabara hii vyakula vyao vinakuwa si salama tena.
Watumiaji hata ukiwa umepanda bajaji vumbi linatimka mpaka unaweza kuhisi upo porini, Serikali haina hata uratibu wa kumwaga maji kupunguza vumbi na ukizingatia kipindi hichi ni cha kiangazi.
Tunaomba irekebishwe, inatuathiri wafanyabiashara bidhaa zetu zinachakaa kila siku kuzifuta vumbi.