KERO Watumishi Kada afya katika Halmashauri ya Wilaya ya Ikungi hatupati stahiki zetu kwa wakati

[Anonymous]

Wafanyakazi wa afya katika Halmashauri ya Wilaya ya Ikungi tunaomba mamlaka husika, hususan TAMISEMI na Wizara ya Afya, kusikiliza kilio chetu kuhusu stahiki zetu za kikazi.

Licha ya kufanya kazi katika mazingira yenye changamoto na kutumia muda wa ziada kuhudumia wananchi, bado wafanyakazi wengi wa afya hatupati stahiki zetu kwa wakati na kwa mujibu wa taratibu za utumishi wa umma.

Baadhi yetu tangu tulipoajiriwa tumepokea fedha za kujikimu kiasi cha shilingi 200,000 pekee, wakati gharama halisi za kuhamia vituo vya kazi, kupanga makazi na kuanza maisha katika maeneo mapya ya kazi ni kubwa zaidi. Hali hii imekuwa ikituongezea mzigo wa kifedha na kuathiri ustawi wetu pamoja na uwezo wetu wa kutekeleza majukumu kwa ufanisi.

Tunajiuliza kama hali hii ni ya haki kwa watumishi ambao wanatoa huduma muhimu za afya kwa wananchi mchana na usiku, mara nyingi wakifanya kazi zaidi ya muda wa kawaida kutokana na uhaba wa watumishi katika vituo vya afya.

Tunaziomba mamlaka husika kutoa ufafanuzi kuhusu suala hili na kuhakikisha kuwa wafanyakazi wa afya wanalipwa stahiki zao zote kwa mujibu wa sheria, kanuni na taratibu za utumishi wa umma. Haki za watumishi zinapaswa kuheshimiwa ili kuongeza morali ya kazi na kuboresha utoaji wa huduma za afya kwa wananchi.

Tunaamini kuwa kilio hiki kitafikishwa kwa wahusika na kufanyiwa kazi kwa haraka ili kuondoa changamoto zinazowakabili watumishi wa afya katika Wilaya ya Ikungi na maeneo mengine yenye mazingira kama haya.

 

[Anonymous]

Watumishi wa hospitali ya wilaya ya Ikungi hali ni mbaya hatulipwi extra duty licha ya kufanya kazi muda wa ziada hali inayopelekea kupata depression na kupunguza morale ya kazi

 

[Anonymous]

Changamoto iliyopo ni ukosefu wa posho au Motisha kwa wafanyakazi hii inapelekea wafanyakazi kushindwa kutimiza majukumu ya o Kama inavyopaswa wafanyakazi wanalazimika kutembea KM 3 kufika kazini kwa sababu ya kushindwa kumudu gharama za maisha inayochangiwa na migodi

 

[Rog chimera]

Watumishi punguzeni kelele, hiwezi kazi jiajiri uuze ata mboga mboga

 

[Anonymous]

Wafanyakazi wa Halmashauri ya Ikungi(hospitali ya wilaya ) tuna Hali mbaya sana hatulipwi stahiki zetu kwa wakati kama pesa za kujikimu,extra duty,mbaya zaid kuna watu tangu waajiliwe mwaka 2003 hawajawahi kulipwa nauli za likizo Tamisemi tunaomba uchunguzi ufanyike tujue shida ni nini? Hii ndo Hali ilivyo