Wauza chips wahukumiwa Jela Miaka mitatu au Faini 6M kwa kutotoa risiti ya EFD

[Roving Journalist]

Raia wa China Xu Fuyu mwenye umri wa miaka 39 na mfanyakazi wake wa mgahawa wa Kibonge uliopo Kariakoo Dar esSalaam, Blandina Mwalutola mwenye miaka 24 wamehukumiwa kulipa faini ya Sh milioni sita au kifungo cha miaka mitatu jela kwa kushindwa kutoa risiti ya kielektroniki, baada ya kutoa huduma ya chipsi kuku, sahani ya baga, sahani ya wali na vinywaji.

Aidha, imedaiwa kuwa washtakiwa hao walikamatwa, wakati maofisa wa Mamlaka ya Mapato Tanzania (TRA), wakiwa katika utafiti na upelelezi kuhusianana na utoaji wa risiti za kielektroniki, waliagiza chakula na vinywaji ila walipewa risiti za mkono.

Washtakiwa wote wameshtakiwa Kinyume na Kifungu cha 97(1)(b) cha Sheria ya Usimamizi wa Kodi [Sura ya 438 Toleo la 2023], kikisomwa pamoja na Vifungu vya 96 na 97 vya Sheria ya Fedha Na. 6 ya mwaka 2024.

Hukumu hiyo, imetolewa Mei 08, 2026 na Hakimu Mwandamizi wa Mahakama ya Wilaya Ilala Kinyerezi, Dar es Salaam Mhe. Mohamed Burhani, baada ya washtakiwa kukiri mashtaka mawili kushindwa kutoa risiti za kielektroniki kinyume na sheria za kodi.

Hakimu Burhani alisema kesi kama hizo lazima adhabu zitolewe ili kuzuia makosa hayo yasitendwe na watu wengine.

"Kwa mujibu wa sheria sitawapa adhabu ya Magereza nitawaacha huru iwapo mtalipa faini kwa sababu mmekiri mashtaka yenu, shtaka la kwanza kila mmoja atalipa faini ya Sh milioni mbili na shtaka la pili ambalo linamkabili Fuyu peke yake atalipa Sh milioni mbili," alisema Hakimu Burhani

Hata hivyo, Hakimu Burhani aliwaeleza washtakiwa kuwa wakishindwa kulipa faini hiyo kila mmoja atatumikia kifungo cha miaka mitatu jela, ambapo waliweza kulipa faini hiyo na kuachiwa huru.

Awali, Wakili wa Serikali Salome Assey akisoma hati ya mashtaka, alidai kuwa washtakiwa hao Machi 24, 2026 katika Mtaa wa Gerezani, eneo la Kariakoo, Wilaya ya Ilala, Mkoa wa Dar es Salaam, wakiwa watoa huduma za chakula na vinywaji katika Kampuni ya Dicos (Mgahawa wa Kibonge), walishindwa kutoa risiti ya kielektroniki walipotoa huduma ya chakula ambayo ni sahani moja ya baga yenye thamani ya Sh.13,000.

 

[The mission 2017]

Kila anae uza inatakiwa atoe risiti, nakila anae pata fedha alipe kodi.

Shida iliopo ni matumizi ya KODI. Inakata stimu sisi wananchi(Wawekezaji) kulipa kodi.

 

[Kennedy]

😂😀😄😆

 

[abudist]

Kwa hiyo mchina yuko Tanzania kwa kufanya mradi wa kuuza chips na wali?

 

[AYnay]

Aiseee

 

[hydroxo]

Kwa hiyo mchina yuko Tanzania kwa kufanya mradi wa kuuza chips na wali?

Muwekezaji huyo.

 

[P didi]

Mbona wenye maduka ya nguo Kariakoo hawatoi risiti au kwa kuwa hyu ni mgeni?

 

[mwekwa ntandu]

Si walishakatazwa hawa kufanya biashara ambazo zinaweza kufanywa na wazawa!!?? Huyo mchina anatakiwa afungwe kifungo cha maisha hiyo adhabu waliyompa ni ndogo sana.Sema tatizo la nchi yetu Kila mtumishi kwenye nafasi yake anataka rushwa unaweza kuta hao maafisa wa TRA wamenyimwa rushwa mara kadhaa Kwa hiyo wameamua wamuharibie,NCHI INANUKA RUSHWA HII NA IMEHALARISHWA NA MAJAMBAZI YA CCM (Kila mtu ale kwa urefu wa kamba yake)

 

[Smart911]

Ajali kazini...


Cc: Mahondaw

 

[ManchoG]

Wawapikie kitimoto kilo 3 na bia za kutosha na maji ya zamzam ya kurudi nayo nyumbani kesi inakwisha kiroho safi

Wasisahau ndizi mzuzu

 

[Tui]

Mbona wenye maduka ya nguo Kariakoo hawatoi risiti au kwa kuwa hyu ni mgeni?

Blandina Mwalutola nae ni mgeni?Wacha sheria ifuate mkondo wake.Ukivunja sheria bila kujali wewe ni mgeni au mwenyeji uchukuliwe hatua kwa mujibu wa sheria.Angeachwa ungesema ameachwa kwa sababu ni mgeni?

 

[The Icebreaker]

Hivi kwa mfano mshtakiwa akishindwa kulipa hiyo faini kisha akaenda jela,halafu baada ya kama mwezi mmoja hivi au zaidi,ndugu zake wakapata hiyo hela ya faini,wanaweza kuilipa ili mtu wao atoke jela? au hua kuna time limit ya kulipa hizo faini?

Wajuzi msaada wenu unahitajika hapa.