Waziri wa Maji, Jumaa Aweso ameelekeza Wakala wa Maji Vijijini (RUWASA) Sumbawanga Mkoa wa Rukwa Wilaya ya Sumbawanga kurekebisha mabomba yaliyoharibiwa Kijiji cha Mayonje, Kata ya Milepa katika Halmashauri ya Sumbawanga Vijijini, ndani ya wiki moja ili kurejesha huduma.
Aweso ametoa malekezo hayo kupitia kwa Meneja wa RUWASA Mkoa, Eng Boazi Piusi Matundali ikiwa ni baada ya Mdau wa JamiiForums.com kueleza kuwa Wakazi wa eneo hilo wanapitia changamoto ya kukosa huduma ya maji tangu mwezi wa 11, 2025 mwanzoni baada ya Uchaguzi Mkuu.
Mhandisi Matundali amesema “Kulitokea uharibifu wa mabomba na kilichochelewesha matengenezo ni kwa kuwa suala hilo lilikuwa linafanyiwa uchunguzi na Mamlaka za Kiusalama, lakini utaratibu umefanyika na tayari Waziri Aweso ameshatoa maelekezo ya matengenezo ambayo yatafanyika ndani ya wiki moja.
Pia soma ~ Kijiji cha Mayonje (Sumbawanga), tangu Novemba 2025 hatuna maji baada ya bomba kupasuka