GE2025 Waziri Bashungwa: Polisi boresheni doria mtandaoni kama mnavyofanya mitaani ili kudhibiti wanaotaka kuvuruga amani

GE2025 Waziri Bashungwa: Polisi boresheni doria mtandaoni kama mnavyofanya mitaani ili kudhibiti wanaotaka kuvuruga amani

Matukio, Taarifa, Habari na Mijadala ya Wananchi WAKATI wa Mchakato wa Uchaguzi Mkuu 2025

McLaren

JF-Expert Member
Joined
Feb 19, 2025
Posts
1,170
Reaction score
3,743
Akiwa anazungumza leo, Waziri Bashungwa amemtaka IGP na Jeshi La Polisi kwa ujumla waboreshe "doria za mtandaoni" kama ambavyo wanafanya doria mtaani.

Amesema Doria za mtandaoni zitasaidia kuondoa utapeli pamoja na kukamata wahalifu ambao wanania ya kuvunja amani

=========
​
BASHUNGWA AMUAGIZA IGP KUDHIBITI WAHALIFU WANAOTUMIA MITANDAO KUVURUGA AMANI.
Waziri wa Mambo ya Ndani ya Nchi, Innocent Bashungwa, amemuagiza Mkuu wa Jeshi la Polisi nchini (IGP), Camillus Wambura, kuhakikisha Jeshi la Polisi kwa kushirikiana na vyombo vingine vya usalama linaimarisha doria mtandaoni (online patrol) kwa lengo la kudhibiti baadhi ya wahalifu wanaotumia mitandao kuvuruga amani na utulivu wa nchi, pamoja na kukabiliana na uhalifu unaofanyika kwa njia ya mtandao.

Bashungwa ametoa agizo hilo leo, tarehe 6 Agosti 2025, wakati wa hafla ya uzinduzi wa Kituo kipya cha Polisi cha "Daraja B" kilichopo Sanya Juu, Wilaya ya Siha, mkoani Kilimanjaro, ikiwa ni sehemu ya juhudi za Serikali kuboresha miundombinu ya majengo na vitendea kazi ndani ya Jeshi la Polisi.
WhatsApp Image 2025-08-06 at 17.05.09_c314b800.jpg

WhatsApp Image 2025-08-06 at 17.05.06_6626e8cd.jpg
“IGP, kwa sasa baadhi ya wahalifu wamehamia kwenye mitandao. Kama mnavyofanya doria za kawaida, vivyo hivyo tuimarishe doria mtandaoni ili kudhibiti wizi wa kifedha na wahalifu wanaolenga kuvuruga amani na utulivu wa nchi yetu kupitia mitandao,” amesisitiza Bashungwa.

Aidha, Waziri Bashungwa amelielekeza Jeshi la Polisi kuendelea kutekeleza maagizo mbalimbali ya Mheshimiwa Rais wa Jamhuri ya Muungano wa Tanzania, Dkt. Samia Suluhu Hassan, yanayohusu kupambana na uhalifu, udhibiti wa madereva wazembe, pamoja na kuondoa vyombo vya moto visivyokidhi viwango vinavyosababisha ajali barabarani.

Bashungwa amelitaka Jeshi la Polisi kushirikiana na Wakala wa Barabara Tanzania (TANROADS) kubaini maeneo hatarishi katika barabara kuu ambazo zimekuwa zikiripotiwa kusababisha ajali mara kwa mara, ili yafanyiwe upembuzi yakinifu na kutengewa bajeti kwa ajili ya kutafutiwa suluhisho la kudumu.
WhatsApp Image 2025-08-06 at 17.05.15_4a534c06.jpg

WhatsApp Image 2025-08-06 at 17.05.11_311da04c.jpg
Katika hatua nyingine, Bashungwa amelitaka Jeshi la Polisi kuendelea kushirikiana na madereva wa pikipiki (boda boda) kwa kukutana na viongozi wao katika ngazi ya wilaya na mikoa ili kuwapa elimu ya usalama barabarani na kuweka mikakati ya pamoja ya kupunguza ajali nchini.

Kadhalika, Bashungwa ameviagiza vyombo vyote vya usalama vilivyo chini ya Wizara ya Mambo ya Ndani ya Nchi kuendelea kushirikiana katika kuimarisha amani, usalama na utulivu, hasa katika kipindi cha kuelekea Uchaguzi Mkuu wa mwaka 2025 na baada ya uchaguzi.

Kwa upande wake, Mkuu wa Jeshi la Polisi nchini (IGP), Camillus Wambura, ametoa wito kwa wananchi kuendelea kushirikiana na Jeshi la Polisi ili kudumisha amani na utulivu, huku akiwatoa hofu Watanzania kwa kuwahakikishia kuwa nchi ipo salama na itaendelea kuwa salama.

Naye Mkuu wa Mkoa wa Kilimanjaro, Nurdin Babu, amesema kuwa kituo cha Polisi cha Wilaya ya Siha kimejengwa kwa fedha za Serikali kupitia Jeshi la Polisi, kwa kushirikiana na michango ya wananchi wa wilaya hiyo.
WhatsApp Image 2025-08-06 at 17.04.55_f051b1f9.jpg

WhatsApp Image 2025-08-06 at 17.04.57_2b4e6c01.jpg
 

Attachments

  • BASHUNGWA AMUAGIZA IGP KUDHIBITI WAHALIFU WA MTANDAO KUVURUGA AMANI.mp4
    83.4 MB
of course, kama nia ni kulinda taifa lisiingie kwenye machafuko, tuishi kwa amani, naunga mkono, doria ziwepo na sijui kwa nini zimechelewa. ila kama ni kutafuta wanaokosoa au kutoa changamoto tena kwenye mambo ya kweli, sidhani kama ni kitu kizuri. hata wananchi wasipokukosoa kama unafanya mambo mabaya, Mungu atashughulika na wewe. ogopeni zaidi Mungu kuliko watu/raia. and in fact, hata wakiwanyamazisha watanzania, hawataongea hapa, watawapa wenzao diaspora huko kwenye uhuru, nao watarusha tu mambo ya kukosoa. cha muhimu tuishi kwa amani, tuache uonevu na wizi na uuaji na utekaji.
 
Huyu domo zege anajisumbua tuu, huu utawala wa hovyo wa mama hautaacha kukosolewa...sa100 mwenyew kilazaa kila akiongea lazima atoe boko!!.
 
Waziri kivipi?
Bunge limevunjwa anaendeleaje kuwa Waziri wakati ili uwe Waziri ni lazima uwe mbunge?
 
Sahihi kabisa, watoe namna ya kuwaripoti wahuni
 
Hizi Banana Republics zinashida kwa kweli.

Yani nyie mnaoshindwa hata kuwa na umeme ambao haukatwi katwi hovyo hamna kazi za kutosha.

Focus on the real issues.

Kwa watu wengi ambao hawana makando kando hii nchi haikaliki.

Uonevu kila mahali.

Na mnauongeza kila siku.

Utaongezaje uchumi hamna umeme unaoeleweka.

Hata mtu akisema aanze kuuza ice cream fridge itawaka mfululizo kweli ? Biashara kubwa zaidi ndio usiseme.

Halafu mnakataga umeme kama TANESCO inakisirani, kama inajaribu kuua vitu vya watu makusudi.

Hamwezagi kukata moja kwa moja mpaka ukate urudishwe ukate urudishwe. Na tuliosomaga na mishuma kwa sababu ya mascandal ya serikali tunakumbuka.

Home affairs -- baki na kulinda wananchi -- wananchi wananyanyaswa sana -- watu serikalini wanaabuse raia -- what do you do about it ?

Mnafanya nini kukomoa ufisadi serikalini ambao mpaka mtaani sasa imetegeneza culture ya watu kutokuwa waaminifu -- watu wakiona watu wenye madaraka wanafanya vitu ambavyo hawapaswi kufanya -- nawao wanapata signal kuwa utapeli unakubalika kote.
 
Katiba niliyosoma mimi imeandikwa kuwa uwaziri unakoma rasmi pale Rais mpya anapoapishwa, if other factors remain constant.
Ibara ya 55 (4) inasema Mawaziri na Manaibu Waziri watatokana miongoni mwa wabunge.

Labda niambie Bashungwa ni Mbunge wa wapi saivi na Bunge limevunjwa?
Screenshot_20250806-172853_Chrome.jpg
 
Ibara ya 55 (4) inasema Mawaziri na Manaibu Waziri watatokana miongoni mwa wabunge.

Labda niambie Bashungwa ni Mbunge wa wapi saivi na Bunge limevunjwa?
View attachment 3433968
Endelea kusoma zaidi, pia imeandikwa kuhusu kukoma wadhifa wa uwaziri.
Pia tafuta kujua wakati Kikwete anamalizia awamu yake ya mwisho Baraza la Mawaziri lilivunjwa lini.
 
Back
Top Bottom