Freeman Mbowe (MB): Ni lini mtaruhusu vyama vya siasa vifanye wajibu wake wa uenezi ili kujiandaa na Uchaguzi Mkuu na Serikali ina mpango gani wa kuwezesha taifa kuwa na Tume Huru ya Uchaguzi ili uchaguzi huu uwe wa haki na halali.
Waziri Mkuu: Kwanza nataka nikanushe Serikali haiongozi kibabe, Mbowe ni kiongozi tunazungumza na kubadilishana mawazo na lengo ni kulifanya taifa liwe salama, Watanzania wanahitaji maendeleo na hakuna Mbunge au Diwani aliyezuiliwa kufanya mikutano kwenye maeneo yake.
Waziri Mkuu, Kassim Majaliwa: Vyama vya siasa havijazuiliwa kufanya shughuli zake ila tumeweka taratibu muhimu kwa wale viongozi waliopata ridhaa kwenye maeneo yao, ratiba za uchaguzi zitatolewa na kueleza lini shughuli za kampeni zitaanza.
Waziri Mkuu: Tume ya Uchaguzi imeundwa kwa mujibu wa sheria na chombo hiki hakipaswi kuingiliwa na chombo chochote awe Rais wa Nchi au chama chochote, chombo hiki kipo huru.