Waziri Mkuu, Kassim Majaliwa: Tunaboresha maslahi ya Wafanyakazi, sio lazima tuseme hadharani

[beth]

Waziri Mkuu, Kassim Majaliwa amesema Serikali imejifunza kuwa inapotangaza hadharani kuhusu kupandishwa mishahara, kumekuwa kunatengeneza gharama kubwa na kusababisha ugumu wa maisha ya wengine.

Ameeleza hayo wakati akijibu swali la Mbunge wa Konde (ACT-Wazalendo) Khatib Haji aliyehoji ni lini Wafanyakazi wa Tanzania watapandishiwa mishahara na kuboreshewa maslahi.

Waziri Mkuu amesema, "Eneo la Wafanyakazi peke yake ukitangaza hadharani kwamba tumepandisha mishahara kwenye masoko, vituo vya mabasi na huduma nyingine zote zinapanda".

Amekiri ni kweli wafanyakazi wengi wanasubiri kusikia kupanda kwa mishahara akisema hilo likifanyika linatengeneza ugumu wa maisha, hivyo bado Serikali inaendelea kutafuta njia nzuri ya kuongeza maslahi ya mtumishi.

Aidha, Waziri Mkuu ameeleza kuwa maslahi ya wafanyakazi hayapo kwenye mishahara tu bali pia kwa kuwapandisha daraja na kupunguza kiwango cha kodi.

 

[WAIKORU]

Walimu wana roho mbaya sana.

 

[Mzingo]

Kutetea uongo kazi sana.

Halafu tangu lini mpenda sifa akatoa kitu kimya kimya?

 

[issenye]

Mwambieni aende kuwadanganya wale shangazi zake ambao jiwe alisema atawapiga

 

[Kinoamiguu]

Arejee shairi la " mpaka lini"

 

[Tate Mkuu]

Wasiongeze hiyo mishahara yao! Watupandishe tu madaraja yetu. Huu upuuzi wa kutudhulumu kwa zaidi ya miaka 5, unaleta maudhi yaliyo pitiliza.

 

[issenye]

Walimu wana roho mbaya sana...

Kassimu na Yohana wamekuja kuidhalilisha kada ya ualimu

 

[VAPS]

Tuendelee kula mtori nyama tutazikuta chini.

 

[Angel Nylon]

Mmmhhh

 

[mr mkiki]

Tumekubali kuolewa!!! Lakini Mungu yupo.

 

[MtamaMchungu]

Hamna mwenye shida ya kutangaziwa ongezeko la mshahara. Ongezeni hata kimya kimya, si wataona wenyewe

 

[Ilisolokobwe]

Kwa ujumla walimu wana roho ngumu, omba usiongozwe nao. wamezoea maisha ya kujibana.

 

[Simba zee 33]

Acha longo longo amesema Hivi.

 

[Angel Nylon]

Mwenye shibe maisha yote hamjui mwenye njaa

 

[MINOCYCLINE]

Dawa ya Uzuzu tuliyopewa Watanzania na Watawala wetu tokea Uhuru huenda ikawa inafanya Kazi kuliko hata Kinga kadhaa za Corona zilizopo duniani kwa sasa.

 

[ki2c]

Hizo hela ambazo hazijaongezwa kwenye mishahara na madaraja ya watumishi wa serikali,kwanini wasizitumie hata kuajiri wafanyakazi wengine?
Au ajibu tu kua pesa zote zinatupiwa kule Nyerere dam,SGR na kwingineko,tujue.

 

[Don Nzoko]

Waziri Mkuu, Kassim Majaliwa amesema Serikali imejifunza kuwa inapotangaza hadharani kuhusu kupandishwa mishahara, kumekuwa kunatengeneza gharama kubwa na kusababisha ugumu wa maisha ya wengine...

Swali ni je huku kupanda kwa mafuta,cement,ngano n.k walitangaza nn mpk vikawa hivyo?awamu ya roho mbaya hii

 

[balimar]

Napenda na wao wajue hali huku kitaa kwa Walimu sio khali
Makato ya 35% kwenye gross salary ya mtumishi hasa mwalimu na ile bodi ya mkopo khali ni tete

 

[Faana]

Waziri Mkuu amesema, "Eneo la Wafanyakazi peke yake ukitangaza hadharani kwamba tumepandisha mishahara kwenye masoko, vituo vya mabasi na huduma nyingine zote zinapanda"...

Mwanangu cheza hapahapa nyumbani jioni nitakuletea pipi na biskutiiii... umesikia!!!!

 

[Benjamini Netanyahu]

Waziri Mkuu, Kassim Majaliwa amesema Serikali imejifunza kuwa inapotangaza hadharani kuhusu kupandishwa mishahara, kumekuwa kunatengeneza gharama kubwa na kusababisha ugumu wa maisha ya wengine....

Huyu mzee mwanzo nilikuwa namuona ni bonge la kiongozi kumbe naye ni hovyo kabisa