SoC03 Wosia wa Baba

[Fide Simbili]

Wanangu nawasalimu, Salamu ziwafikie,
Niko hoi baba yenu, Naomba mlitambue,
Ninalo jambo muhimu, Natamani mlijue,
Nitaposhusha kalamu, ujumbe muusikie,

Amani kitu muhimu,wanangu mnielewe,
Aliyasema Mwalimu, Amani iendelee,
Tusilete udhalimu, Amani ipotelee,
Bora tutoe elimu, Amani isipotee,

Amani kitu adimu, Vyema tuishikilie,
Tusije piga alamu, Taifa liteketee,
Bunduki nayo mabomu, ili tusiyasikie,
Amani kwetu ni Tunu, naomba isififie,

Muache uchakaramu, mengine msisikie,
Wakija wendawazimu,mengine mtupilie,
Watawatoa fahamu, nchi yenu mkimbie,
Mwisho mtajilaumu,Hasara ni kwetu sie,

Tusije kujigharimu, Amani ipotelee,
Nchi kujawa na damu, Taifa liangamie,
Wala tusije hukumu, Amani yetu ipae,
Waambie na binamu, Amani iendelee.

 

[Numbisa]

nice

 

[Kaka Ibrah]

Kura yako hapa Thread 'Umuhimu wa kamera za ulinzi (cctv camera) katika vyombo vya usafiri wa umma na vituo vyake hapa nchini' SoC03 - Umuhimu wa kamera za ulinzi (cctv camera) katika vyombo vya usafiri wa umma na vituo vyake hapa nchini