Yajue makundi ya watu Kisaikolojia, wewe unalijua kundi lako?

[Elias Msuya]

Wanadamu wamegawanyika katika makundi manne kisaikolojia yaliyo katika mafungu mawiliyaani Introverts na Extroverts.

Makundi haya haya manne ya tabia (tempraments) yana asili yake katika falsafa ya Ugiriki ya Kale, hasa kupitia kwa tabibu Hippocrates na baadaye Galen. Yanaeleza jinsi watu wanavyotofautiana katika hisia, mtazamo wa maisha, na namna wanavyotenda.

Katika makundi haya manne ya tabia za kisaikolojia, yamegawanyika katika pande mbili kuu za mtazamo wa kisaikolojia: Extrovert (watu wanaopata nguvu zao kutoka nje na kupitia mwingiliano na watu) na Introvert (watu wanaopata nguvu zao kutoka ndani kupitia utulivu na kutafakari).

Makundi ya Extrovert (Watu wa Nje)

• Sanguine (Mchangamfu na Mjadala)

Sifa kuu: Ni extrovert wa kijamii. Watu wenye furaha, uwazi, hupenda ushirika, na wana nguvu za kijamii. Wana uwezo mkubwa wa kujenga urafiki haraka na kufurahia wakati uliopo.

Uzuri: Wafanisi katika Mawasiliano, wenye matumaini, na wavumbuzi wa mawazo mapya.

Changamoto: Wanaweza kukosa umakini wa muda mrefu, kusahau kwa urahisi, au kukosa nidhamu ya kukamilisha majukumu.

Choleric (Kiongozi na Mwenye Shauku)

Sifa kuu: Ni extrovert wa utendaji na uongozi. Watu wenye msimamo mkali, malengo, ujasiri, na uwezo wa kuongoza. Hupenda kuchukua hatua haraka na kutatua matatizo.

Mema: Wafanya maamuzi madhubuti, wavumilivu katika kukabili vikwazo, na wenye maono.

Changamoto: Wanaweza kuonekana wakali, wenye kutawala, na kukosa uvumilivu na hisia za wengine.

Makundi ya Introvert (Watu wa Ndani)

• Melancholy (Mtafakari na Mwenye Makini)

Sifa kuu: Ni introvert wa kitafakari na kihisia. Watu tulivu, wenye kufikiri kwa kina, umakini wa hali ya juu, na wanaopenda ukamilifu (perfectionism).

Mema: Waaminifu, wenye mpangilio mzuri, na uwezo mkubwa wa kuchanganua mambo kwa kina.

Changamoto: Wanaelekea kuwa na mawazo hasi, kujihisi vibaya haraka, na kupata msongo wa mawazo kutokana na kutafuta ukamilifu uliopitiliza.

Phlegmatic (Mpole na Mwenye Amani)

Sifa kuu: Ni introvert wa utulivu na amani. Watu waliotulia, wenye subira, wasio na haraka, na wanaopenda amani. Ni vigumu kuwakasirisha.

Mema: Wasuluhishi wazuri, waaminifu, na wanasikiliza wengine kwa makini.

Changamoto: Wanaweza kuwa wavivu, kuogopa mabadiliko, au kusuasua kuchukua hatua kutokana na kuepuka migogoro.

Angalizo:

Tathmini ya kisasa ya kisaikolojia inaonyesha kuwa hakuna mwanadamu mwenye kundi mmoja pekee; mara nyingi mtu huwa na mchanganyiko wa tabia hizi, huku moja au mbili zikiwa ndizo zinazotawala zaidi.

Je, wewe kundi lako ni lipi?

Soma pia: Madhila ya introvents

 

[Monetary doctor]

Kila mtu humu ni introvert na ni blood group O

 

[maranguvillage]

Kila mtu humu ni introvert na ni blood group O

THese people are rare and unique ukute na nyota ni samaki. Noma sana