Zitto Kabwe ni mwenyekiti mstaafu wa chama cha
ACT- Wazalendo aliyehudumu nafasi hiyo kwa muongo mmoja. Zitto alihamia ACT- Wazalendo mwaka 2015 baada ya
kuvuliwa uanachama ndani ya
CHADEMA kutokana na kilichoelezwa kukiuka katiba ya chama hicho kwa kupeleka mahakamani migogoro ambayo ilitakiwa kushughulikiwa ndani ya chama kwa mujibu wa katiba.
Kupitia tiketi ya CHADEMA Zitto aliwahi kuwa mbunge wa jimbo la Kigoma Kaskazini mwaka 2005 mpaka 2015. Akiwa kiongozi mstaafu ndani ya ACT- Wazalendo ameendelea kuwa mwanachama muhimu ndani ya chama hicho kutokana na uzoefu wake wa muda mrefu katika siasa za Tanzania.
Lipo
andiko linalosambazwa mtandaoni likonekana kuchapishwa na Zitto Kabwe kwenye mtandao wa X kuwa "CHADEMA na wanaharakati sasa wamekuwa mashabiki wa CCM badala ya kuwa wapinzani.
Je, ni upi uhalisia wa taarifa hiyo?
Ufuatiliaji uliofanywa na JamiiCheck kwa kutumia utafutaji wa maneno muhimu (Key word search) umejiridhisha kuwa andiko hilo si la kweli bali ni la kutengenezwa na wapotoshaji kwani halijachapishwa na
Zitto Kabwe kupitia Kurasa zake rasmi za mitandao ya kijamii.
Kumbuka wapotoshaji wanaweza kutengeneza machapisho kwa kutumia utambulisho wa watu maarufu kama wanasiasa, viongozi wa serikali, wasanii na kadhalika, ili kusambaza taarifa zisizo za kweli. Rejea
hapa,
hapa na
hapa.
