7 JKT kama mama wa uchumi - mfumo uliyoua uwezo wa taifa kwa makusudi”

[CHAGOSI GERALD]

Hapa tunafungua ukurasa ambao mfumo haujawahi kutaka uandikwe.
Hapa ndipo roho ya JKT inajitokeza kama mzimu wa baba aliyenyang’anywa ardhi yake na majambazi halafu akaitiwa polisi ati ni kelele anapiga.

Karibu.

JKT Ilipangwa Kuwa “Uchumi wa Taifa kwa Ujumla”, Sio Idara ya Parade.
JKT inavyotakiwa kuwa ni kitu kikubwa zaidi ya serikali.

Ni mfumo unaojitegemea wenyewe kama:
-TANESCO ya viwanda
-NHC ya majengo makubwa
-NMB ya mikopo
-TTCL ya digital infrastructure
-TPA ya bandari
-Air Tanzania ya anga
-TPDC ya mafuta
-Wakala wa kilimo cha kisasa
-Kiwanda cha vifaru, drones, na ulinzi wa kitaifa
-Silicon Valley ya Tanzania kwa innovation

JKT ilitakiwa kumiliki mifumo yote hii kwa pamoja - kwa sababu ni taasisi pekee yenye uwezo wa kuunganisha:
-nguvu
-nidhamu
-uzalendo
-utaalamu
-mkusanyiko wa vijana
-uwezo wa kufanya “mass production” bila woga

Haya yote hayahitaji chama cha siasa - yanahitaji taasisi yenye roho ya taifa.

JKT Ingekuwa Benki ya Vijana - Fedha Zinazozunguka Tanzania Zingekimbilia Kwao.

Hivi leo vijana wanaenda kwa benki kuomba mkopo, wanakaziwa masharti kama wanaomba kupandisha angani roketi ya NASA.

Kwa mtazamo wa mwalimu Nyerere:
Benki zote za vijana zingekuwa ndani ya JKT.
Mikopo ya:
-kilimo
-biashara
-ujenzi
-uvuvi
-tech startups
-viwanda vidogo

YOTE ingekuwa ndani ya JKT.

Kwa sababu JKT ina assets zisizoyumba: ardhi, viwanda, mashamba, rasilimali, wafanyakazi, na mfumo wa kufuatilia miradi.

Kijana asingepata mkopo kwa maneno - angepata kwa plan yake.
Na JKT ingenunua bidhaa zake baadaye.

Tatizo ni kwamba mfumo uliogopa sana kitu hicho:
“Vijana wakijitegemea, watahitaji nini kwa wanasiasa?”

Mfumo ukaamua: acha wajitegemee kwa miujiza.

JKT Kama Kiwanda Kikuu cha Teknolojia,
Hiki ndicho kitu ambacho ukikiambia kizazi cha sasa - wanafyonza pumzi ya mshangao.

JKT ilipangwa kuwa:
-watengenezaji wa drones
-wahandisi wa satelaiti rahisi
-watengenezaji wa bunduki na vifaa vya kiusalama
-program za digital identity
-AI Innovations za taifa
-mifumo ya kulinda data za Watanzania
-maabara ya kutengeneza mitambo
-metal factories zinazozaa spare parts za viwanda

Kwa nini?
Kwa sababu JKT ndiyo taasisi inayoweza kuunganisha:
-vijana wa electronics
-vijana wa IT
-vijana wa engineering
-vijana wa metal works
-vijana wa physics
-vijana wa mathematics
-vijana wa software development

Huu ndio msingi wa Silicon Valley, lakini Tanzania tulikuwa nao 1967 (AZIMIO LA ARUSHA ) - tukaufuta kwa makusudi.

Kwa nini?
Kwa sababu taifa likiwa na ubunifu wake, halitahitaji “ufadhili wa mabeberu”.
Na hilo halikuwapendeza wale waliotengeneza mfumo.

JKT Ingekuwa Mmiliki wa Migodi — Sio Mabwanyenye,
Hili ndilo eneo ambalo mfumo uliamua kutenda dhambi ya taifa waziwazi.

Nyerere aliwahi kusema:
“Madini ni mali ya wote - hayawezi kuwa ya mtu mmoja.”

JKT ilipangwa kuwa mmiliki mkuu wa migodi yote:
-dhahabu
-almasi
-tanzanite
-chuma
-makaa
-mafuta
-gesi
-uranium

Kisha mapato yote ya migodi yangekuwa:
-kulipa vijana
-kuendesha viwanda
-kujenga shule
-kujenga hospital
-kununua helicopters za uokoaji, sio za viongozi
-kutengeneza mazingira ya ajira milioni kwa mamilioni

Lakini mfumo ukasema:
“Kama JKT itashika madini, ni nani atapata ‘deals’ za kusaini mikataba gizani?”

Kwa hiyo kile ambacho JKT ingefanya kwa faida ya taifa, kimefanywa na watu wachache kwa faida ya matumbo yao.

JKT Kama Chuo Kikuu Kikubwa Kuliko Vyote Ndani ya Afrika Mashariki.
Hakuna chuo chochote kilichostahili kuwa na nguvu kuliko JKT.

Kwa sababu:
-kila kozi ingeunganishwa na vitendo
-kila mwanafunzi angekuwa na project ya taifa
-kila program ingezaa ajira
-hakuna mwanasiasa angejipenyeza kuiba
-vijana wangekuwa na uelewa wa taifa kuliko chama
-udanganyifu wa vyeti ungeisha
-elimu ingekuwa production, sio memorization

Mfumo haukutaka elimu ya vitendo — ilitaka elimu ya kuandika CV na kuomba ajira.

Nyerere hakutaka watafutaji ajira — alitaka watengenezaji ajira.
Na JKT ndiyo ingezaa aina hiyo ya vijana.

JKT Ingekuwa Ufalme wa “Mass Production” — Taifa Lote Lisingeomba Uwekezaji Hata Mara Moja

Vijana wanapotolewa kwenye kambi wakaenda kwenye ufundi, viwanda, kilimo, logistic, technology, construction, JKT ingeweza kuzalisha:
-saruji
-mabati
-nguo
-samani
-matairi
-electronics
-injini ndogo
-vifaa vya ujenzi
-mabomba
-tiles
-dawa
-vifaa vya ujenzi wa miundombinu
-mitambo ya kilimo

Taifa lingekuwa kama China ndogo.
Na vijana wangeshika uchumi wote kwa mikono yao.

Lakini mfumo uliamua:
“Tanzania lazima iwe soko la bidhaa kutoka nje.”

Na ili iwe soko, lazima JKT igandamizwe.

“Uchumi wa JKT usingetoa ajira — ungezaa UTAIFA.”
Na huo ndio mfumo uliouawa.

Sio kwa bahati mbaya.
Sio kwa ajali.
Ni kwa makusudi kabisa.

 

[Fbn]

JKT ni sehemu ya kupotezea vijana mda na kurundika wajinga.

Ukweli hiyo sehemu iliwekwa makusudi kwa maskini sio matajiri na viongozi wa ccm wazidi kuwa kandamiza.