Askofu Bagonza: Kuna watu wanasali Novena kumlilia Mungu leo siku ya tano

[Missile of the Nation]

Anaandika Askofu Bagonza


Chanjo Mbowe ,Katiba mpya, Tozo za miamala na Rais Samia.

Mambo haya 5 yameshikilia mustakabali wa nchi kwa sasa. Amani, haki, Maendeleo na ustawi vinatikiswa. Jiulize:

1. Kwa nini itumike nguvu na jitihada za ziada kuwaaminisha watu wakachanje wakati afya ni mali yao?

2. Kwa nini wana CCM wapinge chanjo wakati afya ni sera ya ilani yao ya Uchaguzi?

3. Kwa nini suala la Mbowe kufunguliwa mashtaka ya ugaidi linapigiwa kelele na watu bila kujali itikadi zao?

4. Kwa nini tozo za mihamala zimeligawa bunge na serikali na kuusambaratisha uwajibikaji wa pamoja?

5. Kwa nini madai ya Katiba Mpya sasa yanaanza kusikika ndani ya CCM kuliko ilivyokuwa katika awamu ya 5?

6. Kwa nini watu wengi wakiwamo Wana CCM wanamlaumu Rais SSH kwa yote 4 (Mbowe, Tozo, Katiba Mpya na Chanjo)?

Ukweli usiotamkwa
a). Awamu ya 5 ilimwaga sumu kali kupinga chanjo na uwepo wa Corona. Waliopinga chanjo na corona hawawezi kuvinadi leo ikakubalika. Watafutwe wengine kutoka makundi yote.

b). Serikali na Chama tawala vimegawanyika juu ya chanjo. Kila mtu anatamani katiba mpya inayoruhusu Rais kuhojiwa bila ya anayehoji kupata madhara. Kuna wengi waliomuunga mkono lakini sasa wanafikiri vinginevyo.

c). Tuhuma za ugaidi dhidi ya Mbowe zimeligawa Taifa. Zimefuta mazuri yote ya awamu ya 6. Zimechochea madai ya Katiba Mpya. Waliomshauri Rais hawalitakii mema Taifa. Hata chama tawala wanataka haki za Binadamu. Urais uko mnadani.

c). Mpaka sasa mawaziri (wa fedha na Waziri wa Miamala ya simu) hawajatoa hoja zenye nguvu kuhalalisha tozo za juu kwa watumiaji. Wengi wanaona mawaziri wanamhujumu Rais au Rais ameruhusu kuhujumiwa.

d). Rais Samia ni "Rais wa Katiba" kwa mujibu wa Katiba. Kuna "wapotoshaji" pande zote (CCM na Upinzani) wanaosema Rais hapendi katiba mpya kwa sababu hii anaiona nzuri kwa kumleta madarakani. Muungano huu wa "wapotoshaji" si salama kwa Rais. Rais ana fursa nzuri ya kuweka historia. Anaelekea kuipoteza.

Muhimu
Kumshikilia Mbowe kwa tuhuma zinazoonekana "bambikizi", kunaua uwezekano wa maridhiano na mazungumzo ya kuliunganisha Taifa.

Taifa lililogawanyika
-Haliwezi kujibu ushirikina wa
kisomi (conspiracy)

-Haliwezi kuchanja chanjo kikamilifu

-Haliwezi kuingia vita dhidi ya corona

-Haliwezi kuwa na bajeti endelevu

-Linaongozwa na nguvu kuliko akili

-Haliwajibiki kwa pamoja mbele ya
umma

-Huwaona raia kuwa maadui wa Taifa.

Damu isiyo na hatia isipokomboa huangamiza na mateso ya mwenye haki ni hukumu kwa matawala asiyeona dhuluma.

Kuna watu wanaomba Novena leo siku ya 5.

 

[johnthebaptist]

Bagonza ni CCM au Chadema?

 

[denooJ]

Bagonza ni CCM au Chadema?

Bagonza ni Mtanzania.

CCM mmechanganyikiwa sasa hivi hata hamjui mshike lipi, naona mwenyekiti wenu ameamua kuzurura tu nje ya nchi kichwa kisizidi kumuuma.

 

[kalonji]

Mungu ni mwema anawapenda watz.
Hakuna mtawala aliyecheza na maisha ya watz akabakia salama.

 

[Gulwa]

Tuone ndani ya mwaka mmoja, Mungu atatujibu haraka

 

[kalonji]

Nchi ikishaingia kwenye udikteta ni ngumu Sana kutoka, maana kila dereva ujifunza kwa dereva mstaafu

 

[Paf]

Bagonza ni CCM au Chadema?

Mwanafilosoph ya dini.
Ukitaka akuchambulie mambo huwa haegemei upande wowote.
Ila ukimchukulia kwa haraka waweza ona kama mpinzani.

Ni tabia za akina Sheikh Ponda(Maono kwanza)

 

[Kinyungu]

Bagonza ni CCM au Chadema?

Ni mlutheri

 

[Paf]

Ni mlutheri

Ni mfuasi wa Yesu,elimu aliyosoma siyo yakilutheri.

 

[VAPS]

Asante Baba Askofu Bagonza, hivi viongozi wengine wa dini na wazee wa Taifa hili wapo wapi!?

 

[Kinyungu]

Ni mfuasi wa Yesu,elimu aliyosoma siyo yakilutheri.

Basi sawa

 

[Zenis]

Hana msimamo, ukisoma atakuzungusha zungusha kama kichwa chake kilivyo pendulum. Hawezi kujenga msimamo wenye kujenga.
Bendela ya matukio.

 

[Bila bila]

Bagonza ni CCM au Chadema?

Bagonza ni Mtanzania mwenye madaraka ya Uaskofu. Hata angekuwa CCM ungeuliza swali la nyongeza; CCM ipi?

 

[Amun Ra]

Maneno kama haya ni ngum sana kuyasikia kwa viongozi wa BAKWATA,

 

[Paf]

Bagonza ni Mtanzania mwenye madaraka ya Uaskofu. Hata angekuwa CCM ungeuliza swali la nyongeza; CCM ipi?

Gwajiboy ni CCM au KADA WA UPINZANI NDANI YA CCM

 

[Iboya2021]

kumeibuka watu wqanaojiita maaskofu kumbe niwachumia tumbotu kama huyu aliyeharisha hapa na yule mwenzie mwanaharakati uchwara mwamakula wanaingilia mambo yasiyowahusu na ndiyo maana hawatafaulu katikaharakati zao.

1. hakuna sehemu serikali imetumia nguvu kuwataka watu wakachanjwe maana ni hiari na siyo lazima kwahiyo huyu jamaa ni muongo.

2. hakuna mwana ccm aliyepinga chanjo umeona ni kiongozi gani wa ccm ameibuka na kuipinga chanjo? huo ni uongo na uzandiki.

3.suala la mbowe wanaolivalia njuga kulipinga ni wana chadema pekeyao ulishaona mwana ccm analizungumzia suala ambalo liko mahakamani? usimhusishe kila mtu hao nchadema pekeyao.

4.suala la tozo mmeshaambiwa linashughurikiwa kwanini mnalifanya kama ajenda tena?

5.suala la katiba liko chadema lini umelisiukia kwa ccm huo ni uongo na askofu muongo huyo siaskofu bali ni mchumia tumbo mmekula hela za mabeberu zitapikeni tu hamna jinsi

Mengine yote hayana umuhimu askofu acha uchnganishi kama umekula hela za watu rudisha ulinde heshima yako najidharirisha

 

[Paf]

Hana msimamo , ukisoma atakuzungusha zungusha kama kichwa chake kilivyo pendulum. Hawezi kujenga msimamo wenye kujenga.
Bendela ya matukio.

Huyo ni kiongozi wa Dini,kwamba hana msimamo si kweli.hangetoka nakushusha nondo.Ila angepamba chama tawala tungesikia anamsimamo.
Gwajiboy anamsimamo?

 

[Odhiambo cairo]

Bagonza ni CCM au Chadema?

Hajasema hayo kwenye maandiko yake. Anachozungumzia ni HAKI

 

[mgen]

Bagonza ni CCM au Chadema?

Ni SAUTI YA WASIOKUWA NA SAUTI!

 

[Odhiambo cairo]

kumeibuka watu wqanaojiita maaskofu kumbe niwachumia tumbotu kama huyu aliyeharisha hapa na yule mwenzie mwanaharakati uchwara mwamakula wanaingilia mambo yasiyowahusu na ndiyo maana hawatafaulu katikaharakati zao...

Tumia akili japo kidogo Iboya2021 . Huyu ana PhD ya uhakika ya mambo ya dini.

Tang miaka ya mitume watawala huonywa na viongozi wa kiimani wanapopotoka. Katika hoja zako umekuwa ukiwataja Cdm as if hawana haki ya kudai haki za msingi eg. Katiba mpya au hata mwenyekiti wao kutendewa haki !!!.

Tumia akili vizuri