Kumekuchwa!
Askofu Gwajima, naona umezunguka sana kwenye hiyo press yako.
Pakiwa na Sheria isemayo watu wote nchini akiwemo Rais wapo chini ya sheria, na Rais ashtakiwe iwe akiwa Rais, au baada ya kustaafu Urais.
Hakuna mtu asiyejulikana ambaye atahatarisha usalama wake kwa mtu anayeshtakiwa. Huyo mtu hayupo.
Wapo wenye tamaa wanaweza kuchukua baadhi ya tenda lakini vyombo vya Dola vitakuwa na nguvu ya kufuatilia.
Huko jeshini wapo watu waaminifu, wapenda haki. Tatizo linakuja hata ukiwa mwaminifu na mpenda haki, hauwezi kuwa na tija ikiwa kuna watu wapo juu ya sheria.
Rais kushtakiwa ndio njia sahihi ya kila mhimili kufanya KAZI kwa ufanisi. Sio Bunge, mahakama au serikali yenyewe.
Rais kushtakiwa huwezi kusikia kauli ya maagizo kutoka Juu. Hakuna cha maagizo.
Kila kitu kifuate utaratibu na Sheria.
Na ili kila kitu kifuate utaratibu na sheria basi lazima watu wote wawe chini ya Sheria.
Rais kushtakiwa ni tafsiri ya vyombo vya Dola kutokuwa vibaraka vya watawala. Vyombo vya Dola vitatumikia wananchi na nchi kwa weledi.
Wasiojulikana nguvu yao kubwa IPO kwenye Sheria za nchi.
Unaposema Rais hashtakiwi ni unajaribu kueleza nchi IPO mikononi mwa kukundi kidogo ambacho ni untouchable.
Kama Rais hashtakiw unafikiri marafiki zake utaweza kuwashtaki? Watoto wake je? Wabia wake wabiashara je? Hawara na michepuko yake je? Wakwe zake je?
Gwajima, ushauri ulikuwa, tunahitaji Katiba Mpya. Basi!
Jioni njema