Wala hamna haja ya PM. Nakwambia hapa hapa, wala sio mbinu ya siri.
Jitie uchizi.
Kivipi?
Jipange, kama inawezekana kesho au keshokutwa, uende tena hizo ofisi za NSSF. Ukifika hapo kama kawaida nenda dirishani kafuatilie suala lako, wakitoa majibu yasiyoeleweka tena au kuleta dharau, waambie hutoki hapo ofisini kwao hadi tupate suluhu ya hili suala lako hivyo utalala hapo. Tia presha hapo na uwe tayari kugoma kutoka hapo wakati wanafunga ofisi, hata wakikuitia security na/au polisi, uwe tayari kwa lolote hata kulala lock up. Ukitia hiyo amsha amsha hapo, nakuahidi kuwa ndani ya masaa 48 (siku 2), mafao yako yatasoma kwenye akaunti, labda uwe na kikwazo kikubwa.
Nakuambia hivi kwa uzoefu, mzee wangu alipigwa mizungusho mwaka mzima, siku hiyo nikawa nipo likizo nikaenda kumcheki, akawa analalamika kuwa mafao yake bado. Nikamwambia mzee nikupe mbinu utakua tayari? Akaniambia nakusikiliza mwanangu. Nikampa mchongo mzima. Akasema mimi niko tayari mwanajeshi wangu. Asubuhi yake tukashindilia chai nzito na kiporo matumbo yakajaa vizuri, mzee hata hakumwambia bi mkubwa kuhusu hii plan ya kimafia, tulipiga kimya kimya. Tukabeba na maji makubwa. Tukatimba NSSF ofisi ya Iringa pale. Kaenda kuulizia, wakamzungusha pale na majibu yasiyoeleweka, wanamwambia arudi baada ya wiki tatu. Akawaambia sasa jamani nimekuja hapa nipo na mwanangu, humu ndani leo hatutoki mkifunga ofisi mtatuacha humu, hadi tupate suluhisho la hili suala. Nikaenda pale dirishani alipokua, kwanza tukazuia yule staff aliekua anamu attend pale asihudumie mtu mwingine lisaa lizima, baadae tukasogea pembeni pale tukasema hatutoki leo humu, kaa pale muda wa kufunga watu wote wameisha tukasema tuambieni suala hili linaisha lini? Wakatutishia polisi, tukawaambia waiteni tu..... Meneja akaja pale anauliza shida nini? Akaelezewa pale, anawauliza wenzake why hadi leo hajalipwa mzee? Hakuna majibu ya kueleweka. Yule meneja akatusihi sana, akasema anaomba hilo suala alifuatilie mwenyewe, na kwamba ndani ya siku 2 mzee atapata mafao labda kuwe na ishu kubwa sana. Baada ya kutusihi sana na kuahidi, tukasepa kwa hiyo ahadi kuwa ndani ya siku 2 mzigo utasoma, na tukamwambia meneja mzigo usiposoma, siku ya tatu tutakuja tena na tutalala hapo ofisini. Tukasepa, hapo tayari kumi na mbili jioni.
Kesho yake tu jioni mida ya saa 10 jioni, muamala ukasoma.
Mzee alifurahi sana, akaniambia kweli wewe jembe mwanangu.
Masai wa Town