Mindyou
JF-Expert Member
- Sep 2, 2024
- 2,536
- 7,194
Wakuu,
Wananchi wa Kijiji cha Rwamgasa, Wilaya ya Geita, wamechoma moto sehemu ya pori la akiba lililopo katika Kitongoji cha CCM wakipinga kile walichokiita uonevu na ukatili unaofanywa na askari wa Maliasili.
Tukio hilo limeibuka baada ya watoto wawili kukutwa porini wakiwa wamepigwa na kuporwa kuni walizokuwa wamekwenda kukata kwa ajili ya matumizi ya nyumbani.
Wakizungumza na vyombo vya habari, wananchi hao walisema wamelazimika kuchukua hatua hiyo kutokana na madai ya mateso ya mara kwa mara, ikiwemo kupigwa, kujeruhiwa na kupokonywa mali zao kama vile baiskeli. Baadhi walidai hulazimika kulipa faini kubwa ili kurejeshewa vifaa vyao.
Mwenyekiti wa Kitongoji cha CCM-Rwamgasa, Bahati Charles, amethibitisha kuwepo kwa matukio hayo akisema amepokea malalamiko ya mara kwa mara kuhusu ukatili unaofanywa na askari wa maliasili katika eneo hilo.
Aidha, wananchi wameiomba serikali kutenga sehemu ya pori hilo kwa ajili ya shughuli za kilimo na malisho, wakisema ongezeko la watu limepelekea uhaba wa ardhi na hivyo kulazimisha baadhi ya wakazi kuingia katika eneo la hifadhi.
Wananchi wa Kijiji cha Rwamgasa, Wilaya ya Geita, wamechoma moto sehemu ya pori la akiba lililopo katika Kitongoji cha CCM wakipinga kile walichokiita uonevu na ukatili unaofanywa na askari wa Maliasili.
Tukio hilo limeibuka baada ya watoto wawili kukutwa porini wakiwa wamepigwa na kuporwa kuni walizokuwa wamekwenda kukata kwa ajili ya matumizi ya nyumbani.
Wakizungumza na vyombo vya habari, wananchi hao walisema wamelazimika kuchukua hatua hiyo kutokana na madai ya mateso ya mara kwa mara, ikiwemo kupigwa, kujeruhiwa na kupokonywa mali zao kama vile baiskeli. Baadhi walidai hulazimika kulipa faini kubwa ili kurejeshewa vifaa vyao.
Mwenyekiti wa Kitongoji cha CCM-Rwamgasa, Bahati Charles, amethibitisha kuwepo kwa matukio hayo akisema amepokea malalamiko ya mara kwa mara kuhusu ukatili unaofanywa na askari wa maliasili katika eneo hilo.
Aidha, wananchi wameiomba serikali kutenga sehemu ya pori hilo kwa ajili ya shughuli za kilimo na malisho, wakisema ongezeko la watu limepelekea uhaba wa ardhi na hivyo kulazimisha baadhi ya wakazi kuingia katika eneo la hifadhi.