Roving Journalist
JF Roving Journalist
- Apr 18, 2017
- 5,352
- 15,876
Katika mazungumzo hayo, Balozi Kaganda aliishukuru Serikali ya Ethiopia kwa kuendelea kudumisha urafiki wa muda mrefu na Tanzania, huku akisisitiza kuwa uhusiano huo ulianzishwa na waasisi wa mataifa haya mawili, Hayati Baba wa Taifa wa Tanzania, Mwalimu Julius Kambarage Nyerere, pamoja na Hayati Mfalme Haile Selassie wa Ethiopia.
Balozi Kaganda ameipongeza Ethiopia kwa maandalizi ya uchaguzi mkuu unaotarajiwa kufanyika mwezi Juni 2026, akieleza kuwa Tanzania ni mshirika wa karibu wa Ethiopia, ambapo amewatakia wananchi wa nchi hiyo amani, umoja na mshikamano katika kipindi chote cha uchaguzi huo.
Vilevile, alieleza kuwa anatambua mchango unaotolewa na Tanzania kwa Ethiopia katika majukwaa ya kikanda na kimataifa, ikiwemo kuunga mkono jitihada za nchi hiyo katika kuwania nafasi mbalimbali katika taasisi na majukwaa hayo.
Katika hatua nyingine, Balozi Kaganda alitembelea Ubalozi wa Jamhuri ya Indonesia nchini Zimbabwe kwa ajili ya kutoa salamu za rambirambi kufuatia kifo cha aliyekuwa Makamu wa Rais Mstaafu wa Indonesia, Jenerali Mstaafu Try Sutrisno, aliyefariki dunia tarehe 02 Machi 2026.
Ziara hiyo ilikuwa ni ishara ya mshikamano na kuendeleza mahusiano mazuri ya kidiplomasia kati ya Tanzania na Indonesia