Wakuu,
Kuna basi moja la mwendokasi limenusurika kuwaka moto asubuhi hii. Stori inaanzia Mitaa ya Shekilango ambapo limetupita, mimi na rafiki yangu tukiwa kwenye bolt. Kwa moshi uliokuwa unatoka haikuwezekana hata kusoma number plate yake, ulikuwa mzito sana kiasi cha kuziba barabara yote.
Nawaza, dereva alikuwa haoni moshi huu kupitia side mirror? Maana hakusimama, aliendelea kwenda tu. Vipi lingewaka huku abiria wote wakiwemo?
Tulipokaribia maeneo ya kituo cha Mwembechai, tulishangaa kusikia kelele na watu wakiruka kutoka kwenye moshi mzito, kumbe ilikuwa ni ile mwendokasi watu wanaruka kutoka madirishani.
Ilibidi barabara ifungwe kwa muda maana watu walikuwa busy kujiokoa. Nasikitika sikuweza kurekodi video nzuri sababu ya upande niliokuwa nimekaa kwenye gari lakini nilichokiona asubuhi hii kinanipa wasiwasi sana kuhusu mustakabali wa usafiri huu wa umma unaopigiwa kelele kila siku bila mabadiliko yoyote.
Nasikia devera akisaidiana na wapita njia walizima ule moto kwa fire extinguishers.
View attachment 3313829