Mkalukungone Mwamba
JF-Expert Member
- Aug 29, 2022
- 3,141
- 7,205
Chama cha Demokrasia na Maendeleo (CHADEMA) kimesikitishwa na kauli ya ndugu Samia Suluhu Hassan aliyoitoa hivi karibuni kwa Rais wa Jamhuri ya Kenya, Mheshimiwa William Samoei Ruto.
Ndugu Samia alimtaka Rais Ruto awakamate na kuwachapa mikwaju wanaharakati mwanaotoka Tanzania na akasema kuwa yeye atawachapa mikwaju wanaharakati wanaotoka Kenya kuja Tanzania.
Chadema inapenda kumkumbusha ndugu Samia kuwa anachofikiria au kutamani kifanyike ni kinyume cha Katiba hii mbovu ya Tanzania Ibara ya 16, 17 na 18 inayotoa haki ya kujieleza na kutoa maoni, haki ya kutoka na kuingia nchini na haki ya kupata hifadhi.
Ikumbukwe Serikali ya Tanzania chini ya Baba wa Taifa Mheshimiwa Julius Nyerere ilishawahi kuwapa hifadhi wanaharakati na wanasiasa wengi kutoka nchi mbalimbali za Afrika akiwemo Mheshimiwa Nelson Mandela wa Afrika Kusini, Mheshimiwa Joachim Chisano wa Msumbiji, Mheshimiwa Laurent Kabila wa Kongo na wengine wengi ambao walipewa mpaka ardhi ya kuweka kambi zao nchini Tanzania.
Pia Tanzania iliwahi kumpa hifadhi Mheshimiwa Raila Odinga na kumpa pasi ya kusafiria ya Tanzania ili aende nchi za Ulaya.
Chadema inasikitika kuona heshima hiyo iliyoasisiwa na kujengwa na Baba wa Taifa, Mwalimu Nyerere ikizikwa kwenye kaburi refu na watu waliojipachika madarakani wanaopambana kufuta heshima hiyo kwa taifa letu ambalo lilikuwa kimbilio la wanaharakati na wanasiasa waliokuwa wanaonewa kwenye nchi zao.
Soma Pia: Samia: Nimeongea na Rais Ruto, wale watoto wetu watovu wa adabu, wakija kwako chapa mikwaju, wakija kwangu nachapa mikwaju
Kwa uzito mkubwa Chadema inaitaka Serikali ya Kenya isikubali kuingizwa kwenye mtego wa kujichafua kwenye macho ya jumuiya ya kimataifa kwa kuonekana inakiuka haki za binadamu.
Imetolewa leo Jumatano, tarehe 06 Mei, 2026 na;
Brenda Rupia
Mkurugenzi wa Mawasiliano na Uenezi
Ndugu Samia alimtaka Rais Ruto awakamate na kuwachapa mikwaju wanaharakati mwanaotoka Tanzania na akasema kuwa yeye atawachapa mikwaju wanaharakati wanaotoka Kenya kuja Tanzania.
Chadema inapenda kumkumbusha ndugu Samia kuwa anachofikiria au kutamani kifanyike ni kinyume cha Katiba hii mbovu ya Tanzania Ibara ya 16, 17 na 18 inayotoa haki ya kujieleza na kutoa maoni, haki ya kutoka na kuingia nchini na haki ya kupata hifadhi.
Ikumbukwe Serikali ya Tanzania chini ya Baba wa Taifa Mheshimiwa Julius Nyerere ilishawahi kuwapa hifadhi wanaharakati na wanasiasa wengi kutoka nchi mbalimbali za Afrika akiwemo Mheshimiwa Nelson Mandela wa Afrika Kusini, Mheshimiwa Joachim Chisano wa Msumbiji, Mheshimiwa Laurent Kabila wa Kongo na wengine wengi ambao walipewa mpaka ardhi ya kuweka kambi zao nchini Tanzania.
Pia Tanzania iliwahi kumpa hifadhi Mheshimiwa Raila Odinga na kumpa pasi ya kusafiria ya Tanzania ili aende nchi za Ulaya.
Chadema inasikitika kuona heshima hiyo iliyoasisiwa na kujengwa na Baba wa Taifa, Mwalimu Nyerere ikizikwa kwenye kaburi refu na watu waliojipachika madarakani wanaopambana kufuta heshima hiyo kwa taifa letu ambalo lilikuwa kimbilio la wanaharakati na wanasiasa waliokuwa wanaonewa kwenye nchi zao.
Soma Pia: Samia: Nimeongea na Rais Ruto, wale watoto wetu watovu wa adabu, wakija kwako chapa mikwaju, wakija kwangu nachapa mikwaju
Kwa uzito mkubwa Chadema inaitaka Serikali ya Kenya isikubali kuingizwa kwenye mtego wa kujichafua kwenye macho ya jumuiya ya kimataifa kwa kuonekana inakiuka haki za binadamu.
Imetolewa leo Jumatano, tarehe 06 Mei, 2026 na;
Brenda Rupia
Mkurugenzi wa Mawasiliano na Uenezi
