Ditopile awaasa juwakita kumuombea Rais Ramia

[AKILI TATU]

MBUNGE wa Viti Maalum Wanawake Mkoa wa Dodoma, Mariam Ditopile amewataka Wanawake nchini kuwa mstari wa mbele katika kuhakikisha kuwa watoto wa kike wanapata elimu iliyo bora ili waweze kushindana kwenye soko la ajira sambamba na kushika uongozi kwenye nafasi mbalimbali.

Ditopile ametoa kauli hiyo katika Msikiti wa Masjid Taqwa wakati akifungua Kongamano la Wanawake wa Kiislamu (JUWAKITA) Kata ya Kingale wilayani Kondoa ambapo amewataka kutumia kongamano hilo pia kumuombea Rais Samia Suluhu Hassan na Serikali yake ya awamu ya sita.

Akizungumza katika ufunguzi huo, Ditopile amesema Wanawake wamekua ni nguzo kubwa kwenye jamii hivyo kupitia kongamano hilo anaamini jamii ya Kingale na Kondoa kwa ujumla itakwenda kunufaika na kubadilika.

" Niwapongeze sana JUWAKITA Kata ya Kingale kwa kongamano hili, tumezoea kuona JUWAKITA ngazi ya Wilaya, Mkoa au Taifa ndio wanafanya makongamano lakini nyinyi mmefanya ngazi ya Kata, niwapongeze sana na niwaahidi kuwaunga mkono katika kutatua changamoto ambazo mmeziainisha katika risala yenu.

Kupitia kongamano hili nitoe rai kwa viongozi wa Dini zote kumuombea Rais wetu na Serikali yake, wote tunaona Rais Samia anavyojitahidi kufanya kazi kwa weledi na bidii kubwa. Pamoja na kuingia madarakani katika kipindi ambacho Dunia imechafuka na Corona na Vita za Urusi na Ukraine bado ameendelea kupambana kutuletea maendeleo.

Nyie ni mashahidi namna alivyoleta madarasa kila kona ya Nchi yetu na hapa Kingale ameleta pia, ameruhusu elimu bila malipo hadi kidato cha sita tumeona ameongeza bajeti ya Kilimo lengo lake ni kuleta mapinduzi makubwa kwenye sekta hii muhimu, hivyo ndugu zangu niwaombe tumuunge mkono Rais wetu," Amesema Ditopile.

Amesema kupitia kongamano hilo anaamini JUWAKITA Kata ya Kingale itakua mstari wa mbele katika kuhamasisha elimu kwa watoto wa kike katika Halmashauri ya Mji Kondoa.

" Nimeambiwa kupitia kongamano hili ambalo hufanyika kila mwaka limesaidia pia kumaliza changamoto ya kuvunjika kwa Ndoa, sasa niwaase sasa kupitia kongamano hili tukahamasishe elimu kwenye Wilaya yetu na hasa kwa watoto wetu wa kike," Amesema Mbunge Ditopile.

 

[Nyabukika]

Rais Samia Suluhu anaupiga mwingi mungu amuweke kwaajili ya watanzania maana ndani ya siku 572 Rais Samia Suluhu ameleta maendeleo mengi sana nchini yanayomlenga direct mwananchi

 

[jiwe angavu]

Rais Samia Suluhu anaupiga mwingi mungu amuweke kwaajili ya watanzania maana ndani ya siku 572 Rais Samia Suluhu ameleta maendeleo mengi sana nchini yanayomlenga direct mwananchi

Ni wakati sasa nyie chawa muwe mnapewa mafunzo ya uandishi mzuri..mana kwa uandishi huo unawadharirisha hata waliokutuma humu.


#MaendeleoHayanaChama