Dunia mara nyingi huwajaribu watu wenye uadilifu

[Manyanza]

Mara nyingi watu wanaojaribu kuishi kwa uadilifu, kanuni na heshima ndio wanaopitia majaribu mengi zaidi.

Kisaikolojia, hii sio bahati mbaya. Maisha yana tabia ya kuwajaribu zaidi wale wanaojaribu kusimama imara kwenye misingi yao. Ni kama chuma kinavyopitia moto mkali ndipo huwa imara zaidi. Bila joto la moto, hubaki kuwa dhaifu.

Historia ya maisha ya binadamu inaonyesha jambo hili mara kwa mara. Watu wenye misingi imara ya maadili hupitia changamoto, vikwazo, na wakati mwingine hata upweke. Wanaweza kuchelewa kufanikiwa, kudharauliwa, au kuonekana kama wanaenda polepole katika dunia inayothamini njia za mkato.

Lakini majaribu haya mara nyingi huwa na kusudi la kina zaidi.
Ni mchakato wa kisaikolojia na kiroho unaowajenga kuwa watu wenye:

Hekima ya kweli, kwa sababu wameona pande nyingi za maisha;

Nguvu ya ndani, kwa sababu wamejifunza kustahimili misukosuko na ufahamu mpana wa maisha, ambao haupatikani kwa wale wanaopita shortcut katika safari ya maisha.

Wakati mwingine inaonekana kana kwamba dunia inawaadhibu watu wenye maadili. Lakini ukweli ni kwamba dunia inawafundisha. Inawajenga polepole kuwa watu wenye kina, uthabiti na uwezo wa kuona mambo kwa macho ya uzoefu.

Ndiyo maana watu wengi wenye hekima kubwa hawakuzaliwa na hekima hiyo.

Walipitia majaribu, wakavumilia, wakajifunza na hatimaye wakakomaa.

Kwa hiyo kama unajaribu kuishi kwa maadili na bado unapitia changamoto nyingi, usifikiri umechagua njia mbaya.

Huenda maisha yanakujenga uwe mtu wa juu zaidi kuliko wengi wanaopita juu juu tu katika dunia hii.