KERO ESS na PEPMIS ni kitanzi kwa Watumishi, kila muda mfumo huo unapotea hewani

[Anonymous]

Serikali ilitambulisha mfumo wa ESS kwa Watumishi wa Umma miaka mitatu iliyopita. Ndani ya mfumo huo kuna jukwaa la E-Utendaji (PEPMIS), ambalo mtumishi anatakiwa kuingiza majukumu yake ya kazi kila siku.

Bahati mbaya, kwa sasa mfumo huo hauko imara. Kuna muda unakuta jukwaa la E-Utendaji linapatikana na kuna muda hulipati kabisa.

Kimsingi, E-Utendaji ndiyo inayomfanya Mtumishi wa Umma aonekane anafanya kazi, kwa sababu kila siku anatakiwa kupandisha kazi anazozifanya. Sasa unaweza kuingia kwenye mfumo na usilikute jukwaa hilo, bila kuwepo kwa maelezo yoyote wala mtu anayewajibika.

Kwa mfano, jukwaa la E-Utendaji tangu jana, tarehe 7 Agosti 2026, halipatikani, hivyo huwezi kupandisha kazi yoyote. Na hakuna anayewajibika kwa hilo upande wa Wizara ya Utumishi.

Jukwaa hilo ndilo linaloonyesha utendaji wa mtumishi na baadaye hutumika katika masuala ya kupandishwa madaraja au kuongezewa mshahara. Wapo watumishi wengi ambao wameathiriwa na mfumo huo kutopandishwa madaraja kwa sababu alama zao ziko chini.

Ushauri kwa Serikali ni kwamba mfumo huo bado haujawa imara. Lazima tukubaliane uwe na kipindi cha majaribio na uboreshaji wa kutosha, badala ya kuendelea na mfumo huo kwa namna ambayo hatimaye inawaathiri wafanyakazi.

 

[Rabboni]

Duh, kupandisha majukumu ya kila siku kwa watumishi wote?
Mbona hii ni ngumu sana?

Kwasababu majukumu yako lazima yadhibitishwe na kiongozi wako,
Nani atapata huo muda?

Nawashauri ili liweze kuwa sawa, wawe wanafanya hata kwa kipindi cha robo term yani kila baada ya miezi mitatu.

Na sio muajiriwa aingize mwenyewe aingize akiwa na kiongozi wake.
Kila robo ya mwaka wakae wapangiane majukumu then baada ya robo mwaka nyingine wakae wafanye tathmini na kupeana marks kwa ajili ya hayo madaraja, sasa kwa kila siku itakuwa ngumu sana kufanya evaluation kwa kweli.

 

[Adharusi]

Serikali iboreshe huu mfumo ,uwe na uwezo wa kufanya kazi hata offline ili unapopotea hewani ,mtu akisevu kazi zake..ziwe ninaingia moja kwa moja..kimsingi huu mfumo ulikosewa toka mwanzo,ulipaswa kabla ya kutumiwa na watumishi wote uanze vipande vipande..kuliko sasa umeathiri watumishi wengi sana..