Pfizer
JF-Expert Member
- Mar 25, 2021
- 819
- 1,093
IMEELEZWA a kuwa Faida ya Benki ya Biashara ya Tanzania (TCB) kabla ya kodi ilipanda kwa asilimia 201 hadi kufikia shilingi bilioni 44.81 mwaka 2024, kutoka hasara ya shilingi bilioni 44.42 mwaka 2023, huku faida baada ya kodi ikiongezeka kwa asilimia 170 hadi shilingi bilioni 32.62 kutoka hasara ya shilingi bilioni 46.28.
Mafanikio haya yalichangiwa na ongezeko la mapato halisi ya riba kwa asilimia 19.02 hadi shilingi bilioni 120.90, na mapato ya riba yalipanda kwa asilimia 16.93 kufikia shilingi bilioni 178.86. Hata baada ya gharama za riba kuongezeka kwa asilimia 12.79, mapato yalizidi gharama, hivyo kuimarisha matokeo ya kifedha.
Aidha, mapato mengine ya kiuendeshaji yaliongezeka kwa kiwango kikubwa cha asilimia 378.56 hadi kufikia shilingi bilioni 10.47, hatua iliyosaidia kupandisha mapato ya uendeshaji na kuondokana na hasara ya mwaka uliopita. Jumla ya mali za TCB zilipanda kwa asilimia 25 hadi kufikia shilingi trilioni 1.74, na amana za wateja ziliongezeka kwa asilimia 23.03 hadi kufikia shilingi trilioni 1.17, ikiwa ni ishara ya kuimarika kwa imani ya wateja. Uwiano wa mikopo chechefu uliongezeka kidogo hadi asilimia 3.08, lakini bado uko ndani ya kiwango cha juu cha asilimia 5 kinachokubalika na Benki Kuu ya Tanzania.
Akizungumza katika Mkutano Mkuu wa 33 wa Wanahisa (AGM) uliofanyika jijini Dar es Salaam, Mkurugenzi Mtendaji wa TCB, Bw. Adam Mihayo, alisema benki imejidhatiti kuendelea kutumia teknolojia ya kidijitali kuleta mageuzi ya huduma, hasa kwa kuwafikia wajasiriamali wadogo na wa kati. “Kwenye mwaka huu wa fedha, tunalenga kuendelea kuboresha ufanisi katika kutumia fursa zinazotolewa na teknolojia ya kidijitali, kwa lengo la kuwezesha ukuaji wa sekta hii ambayo ni nguzo kuu ya uchumi wa taifa,” alisema.
Kwa upande wake, Mwenyekiti wa Bodi ya TCB, Bw. Martin Kilimba, alibainisha kuwa benki itaendelea kujizatiti kutoa suluhisho la mahitaji mbalimbali ya kifedha kwa Watanzania. “Katika mwaka huu wa fedha, tunakusudia kuendelea kuboresha ufanisi wetu… Malengo yetu ni kuendelea kuboresha mizania, kujenga taswira mpya ya taasisi yetu, na kutumia fursa zinazoletwa na teknolojia ya kidijitali,” alisema Bw. Kilimba, akisisitiza dhamira ya benki hiyo kuchangia kwa dhati maendeleo ya kijamii na kiuchumi.
Mafanikio haya yalichangiwa na ongezeko la mapato halisi ya riba kwa asilimia 19.02 hadi shilingi bilioni 120.90, na mapato ya riba yalipanda kwa asilimia 16.93 kufikia shilingi bilioni 178.86. Hata baada ya gharama za riba kuongezeka kwa asilimia 12.79, mapato yalizidi gharama, hivyo kuimarisha matokeo ya kifedha.
Aidha, mapato mengine ya kiuendeshaji yaliongezeka kwa kiwango kikubwa cha asilimia 378.56 hadi kufikia shilingi bilioni 10.47, hatua iliyosaidia kupandisha mapato ya uendeshaji na kuondokana na hasara ya mwaka uliopita. Jumla ya mali za TCB zilipanda kwa asilimia 25 hadi kufikia shilingi trilioni 1.74, na amana za wateja ziliongezeka kwa asilimia 23.03 hadi kufikia shilingi trilioni 1.17, ikiwa ni ishara ya kuimarika kwa imani ya wateja. Uwiano wa mikopo chechefu uliongezeka kidogo hadi asilimia 3.08, lakini bado uko ndani ya kiwango cha juu cha asilimia 5 kinachokubalika na Benki Kuu ya Tanzania.
Akizungumza katika Mkutano Mkuu wa 33 wa Wanahisa (AGM) uliofanyika jijini Dar es Salaam, Mkurugenzi Mtendaji wa TCB, Bw. Adam Mihayo, alisema benki imejidhatiti kuendelea kutumia teknolojia ya kidijitali kuleta mageuzi ya huduma, hasa kwa kuwafikia wajasiriamali wadogo na wa kati. “Kwenye mwaka huu wa fedha, tunalenga kuendelea kuboresha ufanisi katika kutumia fursa zinazotolewa na teknolojia ya kidijitali, kwa lengo la kuwezesha ukuaji wa sekta hii ambayo ni nguzo kuu ya uchumi wa taifa,” alisema.
Kwa upande wake, Mwenyekiti wa Bodi ya TCB, Bw. Martin Kilimba, alibainisha kuwa benki itaendelea kujizatiti kutoa suluhisho la mahitaji mbalimbali ya kifedha kwa Watanzania. “Katika mwaka huu wa fedha, tunakusudia kuendelea kuboresha ufanisi wetu… Malengo yetu ni kuendelea kuboresha mizania, kujenga taswira mpya ya taasisi yetu, na kutumia fursa zinazoletwa na teknolojia ya kidijitali,” alisema Bw. Kilimba, akisisitiza dhamira ya benki hiyo kuchangia kwa dhati maendeleo ya kijamii na kiuchumi.