- Source #1
- View Source #1
- Tunachokijua
- Godbless Lema awali aliteuliwa kuwa mjumbe wa kamati kuu ya Chama cha Demokrasia na maendeleo CHADEMA kabla ya uteuzi wake kutenguliwa na Msajili wa vyama vya siasa, na kisha baadaye kuteuliwa tena kwa ajili ya kukaimu nafasi hiyo kwa kipindi cha mwaka mmoja.
Lema ni miongoni mwa wanachama wa CHADEMA wenye ushawishi mkubwa kwa watu wengi kutokana na dhamira yake ya kupigania demokrasia, uwajibikaji na haki za binadamu. Kumekuwepo na taarifa inayisambazwa mtandaoni ikidaiwa kuchapishwa na Lema kwenye mtandao wa X akisema,
"Watu wajinga ni Mtaji kwa watu wenye akili timamu naona kuna vijana wanajisahau sana labda niwakumbushe, Wakati unawaza kuamka kesho asubuhi kwenda kuleta vurugu au kuharibu jambo fulani fikiria anayekutuma kwanza amebeba dhamira gani juu yako kama kweli wanaosema kesho mkafanye jambo lolote baya ni wenzenu waambieni na wao wawe miongoni mwenu ili kama virungu mpigwe wote.
Nawashauri Vijana wa leo mimi kaka yenu kesho ukimaliza kupiga kura rudi nyumbani kalale achana na ujinga ambao hautakuwa na manufaa kwako wala familia yako"
Je, ni upi uhalisia wa taarifa hiyo?
Ufuatiliaji uliofanywa na JamiiCheck kwa kutumia utafutaji wa maneno muhimu (Key Word Search) picha ya chapisho hilo si ya kweli kwani ujumbe huo haujachapishwa na Lema kupitia ukurasa wake kwenye mtandao wa X kama inavyoonekana.
Kumbuka wapotoshaji wanaweza kutumia utambulisho wa mtu maarufu au kiongozi wa kisiasakutengeneza na kusambaza taarifa isiyo ya kweli kwa lengo la kupotosha.
