Ndugu yangu Vodka, kuna vitu nakubaliana na wewe na kuna vitu sikubaliani na wewe.
(a) Ni kweli kuwa Kalenda tunayotumia leo hii ijulikanayo kama Gregorian Calendar iliamualiwa na Pope Gregory mwaka huo wa 1585. Hata hivyo madabiliko makubwa yaliyofanywa na Papa Gregory ilikuwa ni kuondoa leap year moja katika kila karne. Hii ilitokana na sababu kadhaa ila moja kubwa ikiwa ili kufanya namba ya siku katika mwaka mmoja iendane sawa na namba ya siku zitumiwazo na dunia kuzunguka jua ikiwa hasa na lengo la kutaka ni kulipa dakika 11 na nusu zilizokuwa zinaongezwa na Julian Calendar kila mwaka.
(b) Kwa muda mrefu sana kalenda za kirumi zilikuwa na miezi ama kumi, au kumi na mbili au kumi na tatu. Kalenda ya zamani sana ya kirumi ilikuwa na miezi kumi na siku 304 kama ifuatavyo:
Martius ( siku 31),
Aprilis (siku 30)
Maius ( siku 31)
Iunius ( siku 30)
Quintilis ( siku 31)
Sextilis ( siku 30)
Septimus ( siku 30)
Octo ( siku 31)
Novem ( siku 30)
Decemvis ( siku 30)
Nakubaliana na wewe kuwa majina ya miezi minne ya kwanza yalitokana na majina ya miungu wa kirumi wa wakati huo: Mungu wa vita (martius)- Mwezi huo baada ya baridi ndipo warumi walikuwa wakipigana vita. Mungu wa mapenzi (Aprilis)- mwezi huo ndipo walikuwa wakijamiiana sana, Mungu wa uzazi (Maius)- baada ya kuwa wamejamiiana sana mwezi Aprili, wanawake wengi walikuwa wakijifungua mwezi huu wa Maius, Mungu wa ndoa (Janisu), mwezi huuo ndipo vijana wange walikuwa wakifunga ndoa. Majina ya miezi sita inayofuata yalitokana na nafasi yake katika mwaka ambapo Quintlis ni namba tano ya kirumim Sextilis ni namba 6 septimus namba 7, Oto ni 8, Novem ni 9 na Decemvis ni 10.
(c) Kutokana na elimu ya unajimu kuongezeka, kalenda hii ilikuwa ikifanyiwa mabadiliko kidogo kidogo ili iendane na unajimu. Mabadiliko hayo ni pamoja na kuingizwa kwa miezi mingine mitatu ya Ianuarius, Februarius, Mercedonius kabla ya Martius na hivyo kuhamisha mwezi Martius kutoka mwezi wa kwanza wa mwaka hadi kuwa mwezi wa nne wa mwaka. Jina Ianuaris lilikuwa na maana ya mlango wa kuanzia mwaka. Mwaka 45BC, kalenda hii ilifanyiwa mabadiliko makubwa sana chini ya utawala wa Julius Caesar; mabadiliko haya yaliyoleta kalenda iliyojulikana kama Julian Calendar yalibadilisha idadi ya siku za mwaka kutoka siku 355 had siku 365 au 366 kama ifuatavyo hapa chini, na kuondolewa kwa mwezi wa Marcedonius.
Ianuarius (siku 31),
Februarius (siku 28 au 29)
Martius ( siku 31),
Aprilis (siku 30),
Maius ( siku 31),
Iunius ( siku 30),
Quintilis ( siku 31),
Sextilis ( siku 31),
Septimus ( siku 30),
Octo ( siku 31),
Novem ( siku 30),
Decemvis ( siku 31)
Baadaye majina ya miezi ya Quantilis na Sextilis yalibadilishwa kuwa Lilius na Augustus ili kuwaenzi wafalme Julius Caeser na Augustus Caeser. Kalenda ya Juliana ilikuwa inaamini kuwa dunia huzunguka juwa kwa masaa 8766; kwa hiyo kwa vile unajimu ulikuwa unaonyesha kuwa dunia huzunguka jua kwa muda wa masaa 8765.8, kalenda hii ya Julian ilikuwa inaongeza karibu dakika kumi na moja kwa kila mwaka. Hivyo mabadiliko yaliyofanywa na papa Gregory ni kutafuta idadi ya siku zilizokuwa zimeongezwa na kalenda hiyo ya Julian na kuzilipiza kwa kuondoa siku moja kwa kila baada ya miaka 132. Hapa ndipo sikubaliani nawe kuhusu mchango wa Pope Gregory kwenye kalenda yetu ya leo; hakufanya mabadiliko makubwa sana kama unavyoiweka.
(d) Kutokana na ukweli huo kuwa mchango wa Pope Gregory katika kutunga kalenda haukuwa mkubwa sana kwa vile hakubalidilisha miezi wala siku bali alirekebisha kosa na kuweka njia ya kulizuia kosa hilo, basi utagundua kuwa hoja yako kuwa kwa nini aliacha majina ya miungu yaendelee kutumika haina uzito sana kwa kuwa yeye hakutunga kalenda mpya bali alifanya marekebisho madogo sana katika kalenda iliyokuwapo.
(e) Hata hivyo umeleta swali la kufurahisha sana linaloweza kupanuliwa na kuwa la kwa nini dunia nzima leo hii imekubali kuendelea kutumia majina ya miungu wa warumi wa zamani kwenye kalenda hii.