Hadithi: Mzaha wa damu

Hadithi: Mzaha wa damu

Gily popote ulipo pokea shukran zangu za dhati, nimekuta tag za kutosha kule kwny "mpangaji bwana sele" nisamehe bure sikua online kwa sababu ya kaubize flan mkuu, na huku tena hujanisahau, ahsante we pepon direct.
 
Dr wa Kaliua said:
Mimi so tajiri ila nina mindset za kitajiri boss
Matokeo yake nitakuwa tajiri tu.

You become what you think.
Roli linalobeba mafuta yaliojaaa huwa na thamani zaidi ya 600m
Ila basi la abiria likijaza watu maximum ni 2m per trip.


Sasa angalia wapi kuna umakini wa uendeshaji kati ya 2m na 600m
Shame on you
Click to expand...

Napenda sana kununua ugomvi kwa watu kama wew, unautafuta umaarufu wa jf kupitia CK? acha ufala
 
Antennah said:
Gily popote ulipo pokea shukran zangu za dhati, nimekuta tag za kutosha kule kwny "mpangaji bwana sele" nisamehe bure sikua online kwa sababu ya kaubize flan mkuu, na huku tena hujanisahau, ahsante we pepon direct.
Click to expand...
Pamoja sana
Usicheze mbali unga ukiwa robo utakosa kula ugali😀
 
MZAHA WA DAMU 09
By CK Allan
“mama, mama” nilisema sasa nikiruka pale kwenye sofa na kwenda kumkumbatia mama yangu
“mwanangu nimepona kabisa poleni sana nimewasumbua kwa kuwalaza hospitali jamani” alisema
‘tafadhali mama usiseme hivyo” tulisema wote kwa pamoja mimi na Josephine
“oneni mpaka mnaongea kwa pamoja” mama alisema akiwa anatushika mikono
“shosti, umeniogopesha ujue” alisema Josephine sasa akimtania mama
“vipi mzee Tito kaenda kuzimua?” nilisema nikimuulizia baba
“hahaha hana ujasiri huo, tangu lile tatizo litokee Tito kaacha kabisa kunywa pombe anaenda kanisani asubuhi mchana na jioni,hivyo kapitia kanisani ibada ya asubuhi kisha apitie nyumbani kuchukua nguo zangu kadhaa za kubadili leo tunaweza kuruhusiwa” alisema mama akijiweka vizuri pale kitandani
“hahaha mzee Tito kaokoka! Kweli Mungu yupo!” nilisema huku tukicheka wote pale
Baada ya dakika kadhaa Dokta Longino alikuja,
“aisee poleni kwa uchovu, nikasema leo sikuamshi hata kidogo” alisema dokta Longino
“hahaha ni kweli, nimelala sana” nilisema nikiona aibu kidogo
‘mama leo anarudi nyumbani , sioni haja ya kuendelea kumuweka hapa ana hamu sana na mwanae , Furaha hebu niletee faili la mama” alisema Dokta Longino huku akiwa anaendelea kumpima mama mapigo yake ya moyo kwa kifaa chake alichokuwa ameshika mkononi na kuweka masikioni,
Baada ya saa moja baba alirejea akiwa na mfuko mdogo wa plastic ambapo aliuweka pale kisha nikatoka na mzee na kumuacha mama akiwa na Josephine kwa ajili ya kujiandaa kurudi nyumbani.
Saa tano na dakika kadhaa hivi sasa tulikuwa nyumbani mama yangu alikuwa amepona kabisa na kurudi katika hali yake ya kawaida ilikuwa ni jumamosi na hivyo alituambia kesho twende nae kanisani kwa ajili ya kumtolea Mungu sadaka ya shukrani kwani alikuwa ameweka nadhiri yake kama nikirudi hai basi kama ujuavyo walokole tena, mama nae alikuwa mmoja wao! Basi tulianza maongezi yetu huku mama akiwa anasikiliza kwa makini na kila wakati mwingine angetoka kwenda chumbani kwake kisha kurejea tena,
Sebuleni kusikiliza maongezi yale baba sasa alibaki na mshangao mkubwa na kila wakati nilipokuwa nikimtaja mkuu wa wilaya na mume wake, baba na mama walitazamana na sasa na mimi nikawa namtazama Josephine na kukonyezana kuashiria kuwa kuna kitu tulikuwa tumegundua na hatimaye baada ya maongezi sasa mzee Mzee Tito nae akaanza kuhadithia habari zake ambazo zilibaki kutuweka sisi mdomo wazi
‘mwaka Jana ile mwezi wa 12 , baada ya kupokea simu kutoka kwa Padri Jacob, kuwa ndoa inaahirishwa kwasababu ulikuwa umepotea ghafla, nakumbuka tulipata simu kwenye saa nane hivi mchana, sikuwa na jinsi isipokuwa kuondoka jioni ile kwenda Dodoma, na tulifika majira ya saa 5 usiku na hatukutaka kumsumbua Josephine usiku ule hivyo tukaanza kutafuta mahali pa kulala, lakini kabla hatujaanza kuzunguuka Josephine alinipigia kuniuliza tumeshafika wapi, basi tukamulekeza na akatuelekeza sehemu ya kwenda kumbe tayari alishalipia hoteli basi tukaenda mpaka hoteli husika na baada ya kujitambulisha mapokezi tulipewa ufunguo wetu na kwenda kwenye chumba tulichokuwa tumeandaliwa,
Asubuhi sana alikuja Josephine akiwa na baba yake na tukapata wasaa wa kuongea nao huku kila mmoja akitoa pole kwa mwenzake, kwa bahati siku ile Padri Jacob alikuwa ameenda Dumila kuhudhuria sherehe za kuapishwa kwa Padri mwenzao, na hivyo ikatupasa kubaki Dodoma kwa Siku kadhaa, kesho yake Josephine alinipigia akisema kuna mtu alitaka kuonana na sisi na amemtumia namba yetu aje pale hotelini, na ndipo siku iyo akaja huyo mkuu wa wilaya na mume wake kwenye majira ya saa 12 jioni hivi pale hotelini,
Walikuwa wanakusifia jinsi ulivyokuwa mchapakazi sana na jinsi ulivyomsaidia kumfungia mifumo ya komputa zake ofisini na mambo mengine, alitueleza jinsi ulivyomualika kwenye harusi yake na jinsi yeye na mume wake walivyojisikia vibaya kutokana na wewe kupotea katika mazingira ya kutatanisha, sisi tulimshukuru mkuu wa wilaya na wakati anaondoka alituachia laki 5 nakumbuka, na kisha akasema tutawasiliana zaidi tukirudi Dar, na mara baada ya kumaliza mambo yote tulirejea Dar, na baada ya wiki moja tena ndio mkuu wa shule wa Janeth akatupigia simu twende siku hiyo hiyo Janeth anaumwa, hakukuwa na namna tukarudi Morogoro shuleni na tulimkuta Janeth katika hali mbaya, imagine alishindwa kumtambua hata mama yake, tuliondoka na matron mpaka Dodoma na baada ya vipimo vya kiafya walisema hakukuwa na ugonjwa wowote na hivyo apatiwe tiba ya akili

Tuliwasiliana na Josephine ambaye alisema ana wiki moja tangu aache kazi na yuko mbeya, hata hivyo alisema kesho ataanza safari kuja Dodoma , na akatuunganisha na baba yake ambaye alikuwa na rafiki zake pale Milembe, na ikatubidi kwenda pale kumpeleka Janeth, ilikuwa ni mwendo wa saa Moja na nusu kutoka pale Dodoma mjini kwenda Milembe, kama ujuavyo tulitoka Dar mbio mbio, sikuchukua leseni wala kadi ya gari, sasa wakati tunakaribia Kongwa mbele yetu kulikua na gari dogo kutokana na mawazo na haraka sikutazama indicator kuwa alikuwa anaingia kulia, na ilitakiwa nipunguze mwendo kumuacha avuke mimi nikaunganisha na kumkwangua na taa ya upande wa kushoto kwa Yule jamaa ikapasuka na mimi vile vile taa upande wa kulia ikapasuka sikuwa na jinsi isipokuwa kupaki pembeni na kumbe aliyekuwa anaendesha ile gari alikuwa mwanamke akaanza kuvurumisha matusi na japokuwa nilimuomba radhi lakini hakujali na ukizingatia tulikua karibu na makazi ya watu tayari umati ulikuwa umejaa pale na hatimaye polisi wakawa wamefika, kama ujuavyo polisi jambo la kwanza walitaka leseni na kadi ya gari, na hapo ndipo nilikumbuka kuwa sikuwa na chochote, na pasipo kujali polisi mmoja akaingia kwenye gari kuiendesha kuelekea kituo cha polisi na mimi nikapakiwa kwenye ile gari ya Yule mama na polisi mwingine kuelekea kituoni!
Nilikiri kosa na Yule mama akasema hataki kesi anataka tu gari yake itengenezwe labda kutokana na hali ambayo alituona tunayo au alidhani kuwa nisingeweza kulipa, polisi nao waliamua kuongeza kosa ikiwemo kuendesha gari bila leseni na kuendesha gari ambayo sikuwa na umiliki nayo, kwa haraka matengenezo ya gari pamoja na kununua taa mpya walikadiria kama laki 9 pamoja na faini ambayo ilikua zaidi ya laki moja,
Sikuwa na pesa iyo kwa wakati ule na ingenichukua angalau siku tatu au nne kutafuta ile pesa, niliomba masaa mawili ya kutafuta ile pesa huku nikiacha gari langu kama dhamana, nilikuwa nawaza wapi naweza kupata pesa ile kwa wakati, wakati tunajadiliana na mke wangu mara tukamkumbuka mkuu wa wilaya na bila kusita niliingia kwenye gari na kufunga vioo kisha nikampigia madam Cathe, na kwa bahati alipokea na nilipojitambulisha tu alinielewa nilimueleza kila kitu na alisikitika sana, alininiambia nisubiri ndani ya robo saa hivi au nusu saa
Hivi analishughulikia, nakumbuka baada ya kama dakika ishirini hivi ilikuja gari ndogo aina Toyota harrier nyeusi na mtu mmoja akashuka na kuingia pale kituoni na baada ya dakika kadhaa alitoka akiwa na Yule polisi ambaye alikuja nae mpaka pale tulipokuwepo, tulishangaa Yule polisi akituomba radhi sana na kusema hakujua, alirudia zaidi ya mara tatu akituomba radhi kisha Yule kijana akatuambia tuhamishe mizigo kwenye gari lile alilokuja nalo na kisha akasema tumuachie ufunguo Yule polisi ili akalifanyie matengenezo na tutalipitia hapo kituoni baada ya siku mbili! Hivyo tulimtoa Janeth na kwa bahati alikuwa amepitiwa na usingizi na kumhamishia kwenye ile gari na kisha Yule dereva ambaye baadae alijitambulisha anaitwa Jack akatupeleka mpaka hospitali ya Milembe na kwa kuwa tayari tulishaunganishwa na daktari pale Janeth akapokelewa!
Hata hivyo baadae tuliambiwa bili ya matibabu itatoka kesho yake na sisi tutafute sehemu ya kupumzika twende tena kesho yake asubuh,
Tulirudi kwa Yule kijana na baadae alinipa simu nikaongea na mkuu wa wilaya ambaye alisema asingeweza kufika pale kwakuwa hakuwepo Dodoma bali alikuwa Mwanza kwenye kikao cha wakuu wa wilaya na waziri wa Tamisemi, alidai hata wakati ule napiga simu ilikuwa ni bahati tu walikua kwenye mapumziko ya chakula, nakumbuka alisema Yule kijana atatupeleka sehemu ya kulala na kisha kesho asubuhi atatufuata tena kutupeleka hospitali na tusisite kumjulisha chochote,
Kwa bahati Josephine nae alifika kesho yake na tukakutana hospitali na pesa ya awali ya matibabu ilikuwa laki 4 na 70 hivi nakumbuka alilipa Josephine yote na hatukuona ulazima wa kumsumbua tena mkuu wa wilaya, kama ujuavyo huku nyumbani tulikuwa tumewaachia majirani tu na hatukuwa na jambo la kufanya pale hospitali daktari alisema tunaweza kumuona mara moja tu kwa mwezi na si zaidi, na kwahiyo hatukuwa na sababu ya kukaa Dodoma, tuliwasiliana na mkuu wa wilaya tena na akatupatia pole sana akasema bado hajarudi ila atamtembelea Janeth hospitali kwa niaba yetu, basi tulipitia gari letu pale kituoni na ilikua bado kidogo nilisahau!
“kwanini?”
nilimuuliza mzee nikiwa nimehamasika
“hawakubadilisha taa tu, walibadili vifaa vyote mpaka matairi na kulipiga rangi kwa upya!”

alisema mzee Tito akicheka
‘pamoja na hayo walituwekea mafuta full tenki ambayo nilifika nayo Dar bila kuongeza!
Alimalizia mzee Tito huku akinitazama usoni kwa macho kama yaliyokuwa yanauliza
“kwani wewe unasemaje?”
 
MZAHA WA DAMU 10
By CK Allan
Nilimtazama Josephine nae akainua mabega kidogo ikiwa ishara ya kuniambia kuwa nae hajui cha kufanya,
“baba tuachane na hiyo kitu kwanza, kwasasa tujiandae na safari ya Dodoma kwanza tukamcheki Janeth naamini tunaweza kurudi nae akiwa mzima halafu tuone utaratibu wa yeye kurudia mwaka, then mimi nirudi kazini, maisha yaendelee,
Naamini hata mke wangu mtarajiwa atapenda kurejea kazini tena” nilisema nikimshika bega Josephine
“yeah ni kweli sioni haja ya kukimbizana na mkuu wa wilaya na mume wake” alisema mama
“nina wazo” Josephine aliongea kila mmoja alinyamaza ili kumsikilikiza Josephine
“mimi naamini kabisa Janeth akimuona Ephraim atakuwa mzima kabisa na tutarudi nae, na mimi na Ephraim tushughulikie mambo kadhaa ya ofisini kule , mimi nashauri baba ubaki kidogo na mama hapa mimi na Ephraim twende Dodoma”
Alisema Josephine
“yeah hata mimi nashauri hivyo, mama Pumzika mimi mwanao nimerudi mzima kabisa salama salimini”
Baba alikubaliana na mimi na sasa tulitoka mimi na Josephine kutafuta mahitaji mbali mbali ya pale nyumbani
‘twende benki Josephine nikaangalie kilichomo kwenye akaunti” nilisema sasa tukiingia kwenye benki ya NMB pale Ilala,
“habari naitwa Ephraim, nilikuwa naomba statement ya akaunti yangu ya mwaka mzima” nilisema huku nikiwa natingisha vidole vyangu
“tafadhali jaza hapa” alisema akinipa kitabu maalum cha kujaza taarifa sasa niliamini kuwa nimepona asilimia 100 baada ya kukumbuka akaunti zangu zote mbili bila shida yoyote
“zote ni za kwako?” aliuliza Yule mhudumu wa benki huku akinitazama
“ndio, kwani kuna shida?” niliuliza
“hapana, subiri pale kaka yangu” alisema Yule mhudumu sasa nilisogea alipokuwa Josephine na kukaa baada ya dakika chache nilisikia jina langu na kwenda kwa mhudumu kuchukua ile taarifa yangu
“akaunti zako hazijatumika zaidi ya miezi 10 na hivyo haziko active je unahitaji tuziactivate kwa matumizi?” aliniuliza
“aah ndio” nilisema
“tafadhali jaza hii fomu hapa, kisha saini hapa!” alisema Yule mhudumu
“tafadhali naomba uweke kiasi chochote cha pesa kwenye akaunti zako kisha baada ya nusu saa akauanti zako zitakuwa sawa, si unazo kadi zako?” aliniuliza Yule mhudumu
“ah sikumbuki kama ninazo, labda niseme tu sina!” nilisema kwakuwa mara nyingi nilikua natembea na waleti ambayo nilikuwa naweka vitambulisho na kadi zangu
“basi itakupasa kuwa na loss riport ya polisi ili upate kadi nyingine Ephraim, ila kwasasa unaweza kufanya miamala dirishani” nilienda kuweka elfu ishirini yaani elfu kumi kila akaunti pesa ambayo alinipatia Josephine, kisha tukatoka na kuzunguuka kidogo halafu tukarudi tena benki , kulikuwa na kiasi kikubwa cha pesa kwenye akaunti yangu, kwanza ilionekana mshahara wangu ulikua unaingia kama kawaida, halafu nikalipwa pesa ya likizo, lakini nilishangaa pia kuona kiasi cha milioni 6 na laki 4 kimeingizwa kama pesa ya matibabu na pia miliioni kumi na mbili ambayo ilionekana kama mkopo wa elimu kutoka sehemu ambayo sikuifahamu, kisha pesa nyingine ilikua ya mfanyakazi bora mei mosi kutoka mkurugenzi Kongwa, kwa haraka ukijumlisha na mshahara wangu nilikua na zaidi ya milioni 26 kwenye akaunti yangu Ile ya mshahara halafu
akaunti yangu nyingine ambayo ilikuwa kwa ajili ya miradi yangu na “dili” nyingine ilikuwa na milioni mbili na nusu
Niliamua kutoa zile milioni mbili huku nikiacha zile pesa kwenye akaunti yangu ya ajira kwanza kisha tukarudi nyumbani tulikubaliana na Josephine kuwa bila shaka pesa hizi zilikuwa zinatoka kwa Madam Cathe,
“kwanini sasa aweke kwenye akaunti yako na anajua haupo?” alikuwa anauliza Joephine
“ni rahisi tu mpenzi, kama wazazi wangu wangefungua kesi ya mirathi ni kwamba malipo yote yangefanyika kupitia hii akaunti kwahiyo pesa zote zingechanganyika humo ni kama yeye alikuwa ametanguliza mchango wake!” nilisema sasa nikifungua geti kuingia ndani
“vipi tukasema hawa watu leo vipi , mlienda beach?” mama aliuliza
“hapana mama tulienda kutafuta mahitaji kadhaa na vitu vidogo kwa ajili ya Janeth”
“pesa umetoa wapi mwanangu?” mama aliuliza

‘mama mshahara wangu ulikuwa unaingia kwahiyo nimetoa huko” nilisema
“unaweza kuzitoa bila kuleta shida kazini?” baba nae aliingilia kati
“hakuna shida baba ndio maana tutaenda huko Dodoma tujue kinachofuata, inabidi tuondoke kesho asubuhi mapema baba,”nilisema
“ah gari ipo mkwe wangu asipande basi, sisi tupo hatuna safari za mara kwa mara” alisema baba
“sawa itakuwa vizuri tutaongea asubuhi ngoja tuweka mizigo sawa, hivi namba ya hamza si unayo?”
“fundi?”
“ndio” nilijibu
“ndio ila gari hii nilifanya service juzi tu hata wiki bado,labda oil tu na vitu vidogo kwakuwa unaenda mbali” alisema baba
_________________________________________-
Kesho yake asubuhi na mapema sasa tulikua tayari kutoka, nilimuachia kiasi kadhaa cha pesa baba huku nikimtania
“ubaki na mrembo wako hapo na mimi naondoka na wangu, mtakodi tax mkiwa mnaenda kanisani’ nilisema huku tukiondoka mimi na Josephine
Nilimpigia hamza kisha tukapitia kwenye gereji yake na kurekebisha vitu muhimu halafu safari ikaanza kuelekea Dodoma,
Safari ilikuwa njema nzuri sana mimi na Josephine tuliongea mengi sana huku tukikumbushana mambo yote mazuri tuliyokuwa tumefanya pamoja kipindi kile tukiwa katika mahaba mazito
“najihisi nimezaliwa upya Ephraim, yaani naona tu tuishi hivi hivi bila ndoa yaani” alisema sasa Josephine wakati tukitoka katika mgahawa mmojawapo uliokuwa kando ya njia tukielekea Dodoma,
Tulifika Dodoma majira ya jioni na kama tulivyopanga hatukutaka kuonekana tulitafuta lodge karibu na Hospitali ya Milembe na kuweka mizigo yetu chumbani
“usiku huu utakuwa mrefu au mfupi sana kwetu?” Josephine aliniuliza akijifunga taulo kuelekea bafuni kuoga
“otea!” nilisema nikijilaza Kitandani
“kwahiyo hutaki kuoga na mimi?” Josephine aliongea kutokea bafuni
“mi sina mpango wa kuoga leo!” nilisema huku nikisimama wima haraka kutoka pale kitandani na kuvua nguo kisha nikavuta taulo na kusukuma mlango wa bafuni.
Saa mbili na nusu tayari tulikuwa tumeshajiandaa na sasa tulikuwa kwenye gari kwenda hospitali , tayari Josephine alikuwa ameshawasiliana na Dokta Matilda ambaye ndie alikuwa daktari wa Janeth na tulifika na kumkuta akiwa tayari mapokezi akitusubiri.
‘hello huyu ni Ephraim bila shaka” alisema Yule daktari kwa uso wa bashasha
“ndio ni yeye na Bila shaka huyu ni Matilda” nami nilisema nikimpa mkono
“hakika, kwakweli Mungu ni mwema sana haya twendeni huku” alisema Matilda huku tukipiga hatua kuelekea ofisini kwake,
“tumechati sana na Josephine na kwakweli Alikuwa anakuja hapa kila mwezi kumtembelea Janeth, tatizo kubwa ambalo linamsumbua Janeth ni depression ambayo inamfanya kuwa na mawazo kupitiliza, na kama ujuavyo hakuna dawa ya moja kwa moja isipokuwa ni kumpa maneno ambayo yatamfanya mgonjwa kukubali hali halisi na kuamua kuanza upya, ama changamoto yenyewe iliyokuwepo kwa mgonjwa kutatuliwa, hii inatokea kwa watu wengi mfano, mtu anapohukumiwa kifungo gerezani , mtu anapofilisika kwa ghafla, mtu kufiwa na mpendwa wake, ama kuvunjika kwa mapenzi n.k” Dokta matilda alikuwa anatupa maelezo yake
“kwahiyo Janeth anaweza kuwa mzima kabisa?” niliuliza
“sio kuwa mzima tu bali hata kurudi shuleni na kuendelea na masomo yake, na nikueleze Tu Janeth anaendelea vizuri sana hebu angalia hapa,
Hapa ni wakati ambapo tunampokea Janeth mwaka jana., angalia hapa na hii ni jana tu wakati natoka kumjazia ripoti yake ya mwisho wa juma” alisema huku sasa akitugeuzia komputa yake kuangalia zile picha mjongeo za Janeth katika matukio mbali mbali,
“ijumaa walikuja hapa walimu wa Janeth na wanafunzi kadhaa huwezi kuamini Janeth aliwatambua wote kwa majina yao, na aliwasindikiza hadi getini akiwa na nesi” alisema sasa dokta akitueleza,
Na sasa tulienda katika eneo maalum kumsubiri Janeth aletwe, baada ya robo saa nilimuona Janeth akiwa pamoja na dokta matilda wakijongea sehemu tulipo
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register