Halmashauri ya Manispaa ya Kibaha: Tumetenga Tsh. 50 kuboresha barabara za Mtaa Kibaha Mwaka wa Fedha 2026/2027

[Roving Journalist]

Halmashauri ya Manispaa ya Kibaha Mkoani Pwani imetoa ufafanuzi kuhusu hali ya Barabara kutoka Sheli hadi Mpigi na ile ya kuelekea Tankini na Muheza katika Kata ya Mailimoja kwa kusema kuwa ilipeleka kiasi cha Shilingi Milioni 420 kwa mgawo wa Shilingi Milioni 30 kwa kila kata.

Taarifa ya Manispaa hiyo imeeleza kuwa kata zilizopata fedha hizo ni 14 ambapo ni mapato yaliyotokana na makusanyo ya ndani.

Hoja ya awali ~ Halmashauri ya Kibaha hizo Tsh. 420M za kuboresha Barabara, zimetumika katika Barabara zipi?

Imeeleza kuwa kila kata kupitia Kikao cha Kamati ya Maendeleo ya Kata kiliteua barabara ambazo ni kero na kufanyia marekebisho kutokana na kiasi hicho cha fedha.

Taarifa imeongeza kuwa kwa Mwaka wa Fedha 2026/2027 Halmashauri imetenga kiasi cha Shilingi Milioni 50 kupitia mapato ya ndani kwa kila kata kwa kata zote 14 kwa ajili ya maboresho ya barabara za mitaa.

Mbali na hapo imeelezwa kuwa Barabara hizo zipo chini ya Wakala ya Barabara za Vijijini na Mijini (TARURA) na inachofanya Halmashauri ni kutoa fedha kwa ajili ya maboresho.

 

[Marcostilone]

Kama TARURA ndiyo mwenye dhamana kisheria ya barabara za mitaa, kwa nini Halmashauri inatumia mapato yake ya ndani ambayo yangeweza kuelekezwa kwenye afya, elimu au maji kuziba pengo la wajibu wa taasisi nyingine?

Wamechanganyikiwa?

 

[kitalembwa]

Sh 50 ?

 

[merckme]

Kama TARURA ndiyo mwenye dhamana kisheria ya barabara za mitaa, kwa nini Halmashauri inatumia mapato yake ya ndani ambayo yangeweza kuelekezwa kwenye afya, elimu au maji kuziba pengo la wajibu wa taasisi nyingine?

Wamechanganyikiwa?

Halmashauri zilipangwa kwa madaraja kutegemea na mapato halisia wanayokusanya nje ya yale wanayokusanya kwenye huduma za hospitali na shule, na kila mwaka wanapewa mwongozo na maelekezo ya maeneo ya kufanyia kazi kwa daraja la kila halmashauri. Hapa ndipo kuna tatizo sababu halmashauri zinapangiwa cha kufanya na ndiyo sababu miaka nenda rudi halmashauri na watumishi wake wanaonekana hawafanyi kitaalam au matokeo yao hayaonekani kumbe wanapangiwa cha kufanya na mtu aliyeko wizarani bila kuacha wabunge sababu hiyo miongozo wanaipitisha wao. Halmashauri zingeachia mamlaka zake za kuibua, kupanga, kutekeleza na kutatua changamoto kwenye maeneo yao wao kama wao bila kuendeshwa tungekuwa mbali sana.

Tembelea website ya wizara ya fedha tafuta mwongozo wa maandalizi ya mpango na bajeti ya serikali....hii miongozo ipo wazi isipokuwa nyuma ya pazia kuna wanapokea maelekezo kibao ambayo matokeo yake ni haya tunayoyaona mtaani..

 

[Mad Max]

Roving Journalist rekebisha tittle kwenye Tsh 50 hapo.