Mkono Mmoja
JF-Expert Member
- Jan 26, 2019
- 4,994
- 9,625
Amani itawale.
Watu wa taifa la Thamud walipata kuishi katika nchi/mji uliofahamika kama Al-Hijr kaskazini magharibi mwa taifa la Saudi Arabia hivi leo.
Ni watu waliokuwa na nguvu sana na utimaku wa viwiliwili ,walikuwa na maarifa mengi ya ujenzi kiasi kwamba majumba yao waliyajenga kwa kuchonga milima. Mabaki ya mji huu yapo mpaka hivi leo. Wanasayansi wanastaajabu uwezo wa hii jamii ya watu waliopata kuishi katika eneo hili, miongoni mwa maswali wanayojiuliza na wanakosa majibu ni kuwa waliwezaje kuchonga milima na kutengeneza majumba makubwa kwa ufasaha mkubwa sana.
Mji wa Al-Hijr ulikuwa ukisifika kwa kuwa na Rutuba sana, wakazi wake walijikita katika shughuli za vilimo,ufugaji,ujenzi,biashara n.k pia ni mji uliokuwa katikati ya njia kuu za biashara ukiunganisha njia ya kutoka Yemen kuelekea Misri na Sham na maeneo mengine hivyo wakazi wake pia walinufaika katika masuala ya biashara na kupelekea kujizolea utajiri mkubwa.
Kama ilivyo ada kwa wanaadamu pindi wanapopata neema nyingi huanza kumkufuru Mungu na kufanya ufisadi na udhalimu mwingi katika ardhi. Ndipo Mungu alipoamua kuwaletea Mtume kutoka miongoni mwao ,aliyefahamika kwa jina la Saleh. Saleh alikuwa ni kijana mchamungu na alikuwa akifanya kazi kubwa ya kuwalingania watu wake wasifanye uasi na kufuru pia waache ukatili wa kupora wafanyabiashara na wasafiri waliokuwa wakipita karibu na mji wao. Watu wake hawakutaka kumsikiliza wala kuacha mienendo yao.
Mwiso waliendelea kumdhihaki sana huyo Mtume aliyetumwa kwao na kumwambia kuwa kama ni mtume kweli basi awaletee Muujiza mkubwa wa kumtoa ngamia jike mkubwa katika Moja ya jabali lililokuwa katika mji huo.
Saleh aliwaonya kuwa pindi waliletewa wale wanayoyataka wasije wakakanusha. Kweli Mungu alilipasua jabali na kuwatolea ngamia mkubwa sana . Ngamia ambaye hajawahi kuonekana katika uso wa dunia. Ila walipewa na masharti kuwa wapeane zamu katika kuchota maji kwenye kisima kikubwa (OASIS) ya mji huo. Siku moja wamuache ngamia anywe maji peke yake na siku nyingine watumie wao peke yao. Maziwa ya yule ngamia yalikuwa yanawatosha watu wa mji wote.
Hilo sharti moja liliwashinda kuvumilia na kupanga njama ya kumuua. Waliteua watu wenye nguvu kutoka katika koo na kwenda kufanya mauaji ambayo yalimkasirisha Mungu na kupelekea kuuangamiza mji wote na watu wake , kasoro Saleh na watu wachache waliomuamini.
Mabaki ya mji huo yapo mpaka leo katika karibu na mji wa al-Ula, kaskazini mwa Saudi Arabia ikiwa ni ukumbusho kwa vizazi na vizazi juu ya watu hao walioangamizwa.
View: https://m.youtube.com/watch?v=T1emV3ZTzUg&pp=ygUTYWwgaGlqcmkgc2V0dGxlbWVudA%3D%3D
Watu wa taifa la Thamud walipata kuishi katika nchi/mji uliofahamika kama Al-Hijr kaskazini magharibi mwa taifa la Saudi Arabia hivi leo.
Ni watu waliokuwa na nguvu sana na utimaku wa viwiliwili ,walikuwa na maarifa mengi ya ujenzi kiasi kwamba majumba yao waliyajenga kwa kuchonga milima. Mabaki ya mji huu yapo mpaka hivi leo. Wanasayansi wanastaajabu uwezo wa hii jamii ya watu waliopata kuishi katika eneo hili, miongoni mwa maswali wanayojiuliza na wanakosa majibu ni kuwa waliwezaje kuchonga milima na kutengeneza majumba makubwa kwa ufasaha mkubwa sana.
Mji wa Al-Hijr ulikuwa ukisifika kwa kuwa na Rutuba sana, wakazi wake walijikita katika shughuli za vilimo,ufugaji,ujenzi,biashara n.k pia ni mji uliokuwa katikati ya njia kuu za biashara ukiunganisha njia ya kutoka Yemen kuelekea Misri na Sham na maeneo mengine hivyo wakazi wake pia walinufaika katika masuala ya biashara na kupelekea kujizolea utajiri mkubwa.
Kama ilivyo ada kwa wanaadamu pindi wanapopata neema nyingi huanza kumkufuru Mungu na kufanya ufisadi na udhalimu mwingi katika ardhi. Ndipo Mungu alipoamua kuwaletea Mtume kutoka miongoni mwao ,aliyefahamika kwa jina la Saleh. Saleh alikuwa ni kijana mchamungu na alikuwa akifanya kazi kubwa ya kuwalingania watu wake wasifanye uasi na kufuru pia waache ukatili wa kupora wafanyabiashara na wasafiri waliokuwa wakipita karibu na mji wao. Watu wake hawakutaka kumsikiliza wala kuacha mienendo yao.
Mwiso waliendelea kumdhihaki sana huyo Mtume aliyetumwa kwao na kumwambia kuwa kama ni mtume kweli basi awaletee Muujiza mkubwa wa kumtoa ngamia jike mkubwa katika Moja ya jabali lililokuwa katika mji huo.
Saleh aliwaonya kuwa pindi waliletewa wale wanayoyataka wasije wakakanusha. Kweli Mungu alilipasua jabali na kuwatolea ngamia mkubwa sana . Ngamia ambaye hajawahi kuonekana katika uso wa dunia. Ila walipewa na masharti kuwa wapeane zamu katika kuchota maji kwenye kisima kikubwa (OASIS) ya mji huo. Siku moja wamuache ngamia anywe maji peke yake na siku nyingine watumie wao peke yao. Maziwa ya yule ngamia yalikuwa yanawatosha watu wa mji wote.
Hilo sharti moja liliwashinda kuvumilia na kupanga njama ya kumuua. Waliteua watu wenye nguvu kutoka katika koo na kwenda kufanya mauaji ambayo yalimkasirisha Mungu na kupelekea kuuangamiza mji wote na watu wake , kasoro Saleh na watu wachache waliomuamini.
Mabaki ya mji huo yapo mpaka leo katika karibu na mji wa al-Ula, kaskazini mwa Saudi Arabia ikiwa ni ukumbusho kwa vizazi na vizazi juu ya watu hao walioangamizwa.
View: https://m.youtube.com/watch?v=T1emV3ZTzUg&pp=ygUTYWwgaGlqcmkgc2V0dGxlbWVudA%3D%3D