Huku Manispaa ya Songea, Watoto wadogo wamekuwa Machinga wa kuuza mifuko hadi muda wa usiku

[Mshangazi mdogomdogo]

Watoto wa Manispaa ya Songea ambao ni Wanafunzi wa Shule za Msingi wenye umri kuanzia Miaka 8 wamekuwa wauzaji wa mifuko (vifungashio) mpaka muda wa usiku.

Kipindi hiki ambacho wamefunga shule, wamekuwa wanaanza biashara hiyo asubuhi hadi usiku wa saa tatu hadi nne katika soko la jioni maarufu kama Kariakoo, ila kwa siku za shule wanadai wanaenda shule kisha jioni ndio wanaenda kufanyabiashara ila si kweli kwasababu kuna ambao huwa wanaonekana wakati wa masomo.

Watoto wote niliofanikiwa kuongea nao wanasoma Shule ya Msingi Ruvuma na Shule ya Msingi Mbulani, hizi shule zinapatikana katika Kata ya Ruvuma, Manispaa ya Songea.

Walianza wachache na kadri siku zinavyokwenda idadi imekuwa ikiongezeka kwa maana wanaalikana pindi wanapokutana shuleni ndo maana wengi wao ni wa kutoka kata moja.

Asilimia kubwa ya wanaowawezesha Watoto hao kwa mitaji ni Wafanyabiashara hasa Wanawake wauza matunda wa soko kuu na wengine wanawezeshwa walezi wa Watoto hao.

Hawa Wafanyabiashara utoa mtaji kwa mtoto kwa madai ya kumgaia faida itakayopatikana, wakiwa wanafanya hivyo na kushinda nao sokoni mpaka usiku muda wa saa tatu hadi nne na kuwaacha warudi nyumbani kwao wao wenyewe na kukutana tena siku inayofuata.

Endapo mtoto anafanya biashara na mifuko aliyopewa haijaisha basi ukabidhi kwa bosi wake (Mfanyabiashara) na siku ya pili kuichukua na kuendelea na biashara hiyo.

Watoto wanadai kuwa pesa wanazokusanya wanakabidhi kwa wazazi au walezi wao kwa ajili ya kujinunulia mavazi ikiwemo sare za shule na vifaa vya shule.

Wafanyabiashara niliozungumza nao wamekiri kuwapa mitaji Watoto hao ambao wanakutana tu sokoni na hawawajui hata wazazi au walezi wao na mahala wanapoishi.

Pia, kuna wazazi na walezi ambao wao huwatuma Watoto wao kwenda kufanya biashara hiyo na pesa wanakabidhiwa wao.

Hivi ni kweli imeshindikana kuwaondoa Watoto hao katika shughuli hiyo hatarishi? Wananchi na baadhi ya Viongozi tena wale wa Dawati la Jinsia na Ustawi wa Jamii ndio wateja wa mifuko hiyo inayouzwa na watoto, kwa maana moja ama nyingine tunaunga mkono kile wanachokifanya.

Inadaiwa kuna vikao vya ndani vimejadili sana kuhusiana na hili lakini hakuna utekelezaji wowote unaofanyika siku hadi siku watoto wanaongezeka sokoni.

Ushauri wangu Manispaa iweke mikakati ya kuwaondoa ikiwemo kuwakamata na kuwafungulia kesi wale wanaowapa mitaji watoto hao.

 

[oko majimaji]

Kuna wazazi/walezi madishi yameyumba hiivi unajisikiaje mwanao mdogo anahangaika sokoni kutembeza mifuko kuuza na wewe upo tu.

 

[ukawa dona]

Maisha ya kata ya Ruvuma yapo duni Sana,

 

[Mropoka Hovyo]

Huwa roho inaniuma sana nikikuta watoto wadogo chini ya miaka 12 wanahangaika na maisha wakati huo huo wenzako wanakomaaa na kitabu. Huwa inauma sana.

 

[magnifico]

Hakuna kitu kibaya duniani kama njaa. Misele yite hiyo unayoona wanapiga ni kwa ajili ya tumbo. Kila mmoja ana story yake hapo, kuna siku ukipata wakati jaribu kuwasikiliza.

Kipato changu hakiwezi kubadilsha maisha yao ila kinaweza kuleta tabasamu angalau kwa siku moja tu. Mkikutana na hawa watu na mna chochote basi hata chakula tu na watawakumbuka daima.

Naunga mkono hoja ya serikali kuliangalia hili jamnbo.

 

[Mshangazi mdogomdogo]

Kuna wazazi/walezi madishi yameyumba hiivi unajisikiaje mwanao mdogo anahangaika sokoni kutembeza mifuko kuuza na wewe upo tu.

Hahaha Dishi limeyumba

 

[Mshangazi mdogomdogo]

UWA

Huwa roho inaniuma sana nikikuta watoto wadogo chini ya miaka 12 wanahangaika na maisha wakati huo huo wenzako wanakomaaa na kitabu. Huwa inauma sana

Maisha ya kata ya Ruvuma yapo duni Sana,

Na Ni Kata kubwa Kwa manispaaa ya songea. Kata ambayo Ina wakazi wengi

 

[Numbisa]

Inasikitisha sana

 

[Mshangazi mdogomdogo]

Huwa roho inaniuma sana nikikuta watoto wadogo chini ya miaka 12 wanahangaika na maisha wakati huo huo wenzako wanakomaaa na kitabu. Huwa inauma sana.

Mimi uwa najiuliza tu.mzazi anajisikiaje mtoto anapokuwa mtaani kufanya biashara, Na watoto wanavyofanyiwa vitendo vya ukatili kila kukicha

 

[Mr nobby]

Tatizo kubwa ni mimba zisizo kweny mpango
Wanapeana mimba bila kupanga na mtoto akizaliwa nakosa malezi yaliyo Bora, unategema yeye ataishije?

 

[Mwana_ume]

Hatari sana