Elections 2015 Humphrey Polepole: CCM ilifanya maamuzi ya kiume, Majizi na hasa kubwa lao yakakatwa...

Elections 2015 Humphrey Polepole: CCM ilifanya maamuzi ya kiume, Majizi na hasa kubwa lao yakakatwa...

chachu ombara said:
polepole sio mnafiki ila ukiacha mapungufu madogo madogo ya kibinadamu, polepole huwa anasimamia ukweli na ukweli siku zote utasimama.
Click to expand...

acha utoto wewe, watu wenye akili zao washashtuka.
Ficha umaamuma wako tulia usome comment zote kwa kina uelimike usikimbilie ku-comment kwa mshawasa wa akili ndogo.
 
Mmm. Naona CCM wanatupa bomu la ufisadi kwa Ukawa na Ukawa nao wanasema mbona na Ccm mafisadi wapo, hapo ngoma droo!!
 
chachu ombara said:
hakukuwa na mchakato huru baada ya kulambishwa mabilioni, mgombea urais kupitia ukawa kanunua vyama vyote vinavyounda umoja huo na ndio maana ukaona waliokuwa wanajielewa kama slaa na lipumba wakaamua kukaa pembeni.
Click to expand...

hoja nyepesi sana, kajipange zilishajibiwa hizi soma post za nyuma.
Comment zako kama hizi peleka facebook/....
 
Pole pole anazidi kujichafua....binafsi nilifikiri ni miongoni mwa vijana makini sana tulionao lakini naona anguko lake kwa kuamua kwake kutetea upande mmoja.... kipindi hiki kinahitaji kutoa maoni kwa taadhari kubwa.....utetezi wake kwa CCM na Magufuli unaelekea kumdhalilisha tu maana miaka 50 ya utawala wao inasema mengi ambayo unahitaji roho ya chuma kuyatetea....pamoja na mapungufu makubwa sana ya UKAWA ambayo kwasasa ni ngumu kueleweka kwa wafuasi wengi lakini msingi wa kuipumzisha CCM bila kujali matokeo yake utakuja kuleta manufaa vizazi vijavyo..... tunahitaji nguvu kubwa ya upinzani yenye tija ktk kuisimamia serikali.
 
Huyu Polepole lazima atakuwa mnafiki mkubwa sana. Yaani abaki ndani ya CCM akijidai kwa kujiamini kabisa kwamba yeye anawajua mafisadi kwa ukubwa wao na kwamba hivi sasa ameridhika kwamba wametoswa hivyo chama kimekuwa bora! Naweza kumwelewa akitoa msimamo dhidi ya Lowasa kuwa UKAWA (mtazamo wake) lakini si kuhusu mafisadi na ufisadi ndani ya CCM. Ni unafiki na/au ujinga uliopitiliza kutaka kutuaminisha (tena kwa jazba) uozo wa aina hiyo. Ni makosa kumpa attention mtu mwenye fikra duni kiasi hicho.
 
danimutta said:
Bwana Polepole wewe kama msomi, mzalendo na muungwana, unapowaita watanzania wenzako tena pengine wenye umri sawa na wazazi wako unao wajibu pia na uwezo wa kuwafungulia mashtaka mahakamani. Thats what courageous and brave people do in modern civilised world. Haitoshi Bwana Polepole kupayuka kila siku bila kuchukua hatua muafaka. Ni mahakama peke yake yenye jukumu la kikatiba kuhukumu watanzania, vinginevyo unataka tuishi katika mazingira ya utamaduni wa porini/ushenzini!

Ni wazi sasa Polepole umejitishwa mzigo wa uchunguzi, mwendesha mashtaka na hakimu dhidi ya Lowasa. Sina hakika pia kama unao mpango na dhamira ya kuwashughulikia watuhumiwa wengine hasa kwa misingi ya Ripoti za CAG ambazo zimeweka bayana upotevu wa fedha za umma nyingi zaidi kuliko zile unazoshupalia kila uchao!

Kiu ya Watanzania ni kuleta mabadiliko ya dhati ili pamoja na mambo mengine kuziba mianya ya ufisadi na kuimarisha taasisi zenye uwezo wa kuchukua hatua kila matendo ya ufisadi yanapojitokea. Watanzania hawana tatizo na watu binafsi au fisadi mmojammoja, bali mifumo ya utawala ambayo kimsingi imedumu zaidi ya miaka 50 sasa ikiwemo - "imperial presidency". This is the essence of the Change we yearn for. Sasa madhalo Lowasa amekubali kutekeleza sera ya UKAWA ya kutupatia katiba mpya kwa misingi ya maoni ya wananchi, huyo ndiye anastahili kuwa Rais wa Tanzania baada ya uchaguzi wa 25th Oktoba, 2015.
Click to expand...

cho gani ainda huyo form six failure kazi yake ni koa bikira visichanavya chuo kikuu vilvyokuwa vikienda kufanya field (Msigwa alituthibitishia)
 
Njaa mbaya polepole amegeuka kuwa mwanaharakati wa kampeni ccm
 
Julius Mtatiro said:
KWAKO NDUGU Humphrey Polepole, ENDELEA KUTUMIKIA MAJIZI MILIONI MOJA HUKO ULIKO!


Mimi napenda mijadala kama wewe na sina shaka katika hilo, tuendelee kujadiliana. Kuna watu unawaita majizi na wezi, kwamba mkubwa wao amekatwa na akaelekea kwa UKAWA-FEKI hii ya sasa na si ile ya BMK. Well and good brother.
Unachosahau ni kuwa, CCM ni kiwanda cha kuzalisha MAJIZI NA WEZI na wakiendelea kukaa hukohuko wanakuwa ni balaa na shida kubwa sana. MAJIZI na WEZI wengine wamekaa hadi IKULU na wakati wanaingia walitangaza mali zao na walipotoka madarakani walipoulizwa wana mali kiasi gani walikuja juu na kutukana, wengine walianzisha makampuni wakiwa ikulu na wengine wamejilimbikizia kila aina ya UKWASI, hawa unawajua lakini kwa sababu wewe ni CCM kindakindaki unaamini katika chama chako kuliko misingi.


Watu wengi walidhani misimamo yako katika katiba ni thabiti lakini ukweli ni kuwa kwa wanasiasa na vyama katiba ni jambo rahisi tu kutofautiana nao kuliko suala la kuendelea kushikilia madaraka ya dola. Ndiyo maana kwenye suala la katiba hata Ofisi ya Waziri Mkuu ilisema inataka serikali tatu japokuwa ilijua CCM inaamini katika serikali mbili. Jaji Warioba ambaye juzi alikuwa anamnadi Magufuli pia alihitaji serikali 3 kwa maana ya kutetea msimamo wa tume yake, hakuogopa kuwa watamshangaa. Leo limekuja suala la madaraka, wewe na wenzako hamuamini kama wapinzani wanaweza kuongoza dola, unaamini ni CCM tu ndiyo yenye uwezo wa kuongoza. Huu ni woga mkubwa sana kwa mtu ambaye hapo kabla alionekana anawaamini wapinzani kwa sababu ya kusimamia jambo kubwa kama katiba.


Unasema ati MAJIZI yalikatwa! Majizi ni yapi hayo? Na jizi KUU ni lipi hilo? Na huko kwenye kiwanda cha kuzalisha majizi yamebaki mangapi? Juzi wakati makada wa CCM wanashirikiana kuiba fedha za umma Bilioni 230 za ESCROW hilo jizi kubwa lilishiriki namna gani? Pale wizara ya ujenzi kwa rais wako Magufuli wakati mabilioni ya fedha yanaonekana kuporwa kwa mujibu wa ripoti za CAG hilo jizi kubwa lilihusikaje? Tunachotofautiana na wewe ni namna gani unautizama WIZI na UFISADI. Mimi nautizama kama KANSA ndani ya CCM na wewe unautizama kama JAMBO la MTU mmoja. Kwani hujui aliyeko madarakani leo anatuhumiwa kwa mambo lukuki tu? Mbona huyasemei? Unajua ukwasi wake ni kiasi gani? Unajua anajenda maghorofa na mahoteli mangapi? Umekaa kimya kwa sababu ni Kiranja mkuu japo najua hutafuti ukuu wa wilaya. Mfumo wa uongozaji wan chi kutoka CCM ni UOZO MTUPU na hapo ndipo tunatofautiana.


Hebu fuatilia kuona namna gani wabunge wa CCM na madiwani wamepitishwa ndani ya chama chao. Ni RUSHWA kuanzia jimbo kwa jimbo, kata kwa kata. Hii CCM unayoamini ati inaweza kusafishika haiwezi asilani, ni bora kufanya kazi nyingine kuliko kukisafisha chama ambacho juzi mlikiletea katiba bora kabisa ya kushughulikiwa MAJIZI NA MEZI MAKUBWA ikaikataa? Iliikataa ili kumlinda nani? Na aliyeongoza ukataaji yule unamjua, ni bwana mkubwa. Yeye humgusi na unajua who he is!


Ndiyo, nakubali kabisa kuitambua taswira ya huyu unayemuita JIZI KUU alipokuwa huko ndani ya CCM. Ndiyo, hadi leo na hadi kesho naamini kuwa watu wale waliokuwa wanakusanyika kwake walikuwa wananunuliwa tu, NDIYO. Na simlaumu kwa sababu huo ndiyo mfumo ambao uko huko, kununua watu. Ni kama leo hii namna ambavyo CCM itakuwa imetenga mabilioni ili kununua wasimamizi wa uchaguzi wa majimbo na kata ili ishinde uchaguzi na impeleke Magufuli Ikulu. Mfumo wa huko CCM ni kununua tu. Mabalozi wa nyumba kumikumi waligawa fedha toka enzi za chama kimoja wakati Mwinyi anaingia madarakani, 1985 wakati mkapa anakuja unafahamu kuwa CCM ilikuwa kwenye wakati mgumu na kwa macho yangu nilishuhudia milungula ikigawiwa ili CCM ishinde, 2005 pia hali hiyo iliendelea kama ilivyo, ni kugawa rushwa tu. Kwa hiyo hakuna mtu aliyekuwa CCM na hatoi rushwa, labda ni Nyerere na Sokoine tu. Waliobakia wengine wote wananuka rushwa, si Lowassa, si Magufuli, Si Mkapa na si kila unayemfahamu. Wote walipata madaraka kwa njia za Rushwa, kwa hiyo huyu unayemuita JIZI MKUU lazima angetenda vile atendavyo na tuliwaona wagombea urais wenzake wakitenda hivyo kwa sababu huo ndiyo mfumo wenu.


Lakini kuwa katika JUKWAA jipya lenye taratibu jipya kunabadilisha kila kitu. Kama juzi alinunua viongozi wa dini n.k. walionunulika, leo hawezi kufanya hivyo kwa sababu huku kuna nguvu ya wananchi, huhitaji kununua. Lakini kaa chini utafakari kuwa huyu JIZI moja aliyeongoka na kuja upande huu na kupewa USUKANI mbona amewaacha MAJIZI kibao tu huko CCM ukijumuisha na yule aliyepewa USUKANI huko CCM? Sasa watanzania watakuwa na kazi ya kuchagua JIZI wa UKAWA ambaye amehamia kwenye sehemu isiyooza na inayofuata misingi, au JIZI la CCM lililobaki katika chama kilichooza, kilichojaa rushwa, wizi, ufisadi, unyonyaji n.k.


Naam, fikisha salamu zangu kwa majizi MILIONI MOJA yaliyobakia CCM na endelea kuyatumikia kwa utashi wako!
Ni mimi ndugu yako katika mijadala, Julius Sunday Mtatiro.


POST HII INAJIBU HOJA ZA POLEPOLE ZILIZOKO KWENYE LINK HII https://www.facebook.com/hpolepole?fref=ts, MJADALA UENDELEE!
Click to expand...


Umeongea ya msingi, lakini kuna moja hujalizungumzia.

TWO wongs do not make its right. Kulikuwa na RUSHWA kwenye michakato ya UKAWA, na Kuna mafisadi UKAWA,waliothibitika na Bunge na waliotangazwa na wapinzani wenyewe. Hapa ndio UKAWA mlipokosea. Mlikuwa na kampeni nyepesi sana, kabla ya kunasa kwenye ndoano ya kupenda madaraka. Sasa wote mko kwenye dimbwi la tope la ufisadi na rushwa, mnatuiana vijembe nani msafi. HAKUNA. nyie wote ni wachafu toka mliporuhusu hao mliowaita mafisadi kutoka CCM kujiunga nanyi. Kutaka kuiondoa CCM hakuwasafishi hao mafisadi kw atuhuma walizorushiwa na wapinzani.

Hapa ndio ninamuelewa Dr.Slaa, na ninashindwa kuwaelewa nyie mliobakia.
 
Binafsi naona polepole siku hizi kapotea. Yule Polepole wa Tume ya Mabadiliko ya Katiba si huyo tena. Amegeuka na kuonesha rangi yake halisi sasa....
 
Bwana polepole naomba utuweke sawa tafadhari;

Kwa tafsiri ya maneno yako katika mijadala kadhaa kama vile “majizi yaliyokatwa (majabali) “mmoja wao ni Mh Lowasa, Je katika wagombea 38 wa urais CCM ndani yao kuna Makamu wa rais, Waziri mkuu ,jaji mstaafu Augustino Ramadhani na viongozi wengine tena waheshimiwa tu. Je tuamini wote 33 ni majizi? (38 - 5). (Yaani wote 38 ukitoa 5 tuliowaona wakipelekwa NEC).wengine ni akina nani maana umemtaja Dr Magufuli tuvambaye kwako na CCM ni msafi sana?

Huwa unatoa definition za kauli mfano, Mageuzi,Mabadiliko,mpumbavu nk. je unavyowaita watu Majizi au mafisadi huoni kama unafanya kazi ya polisi investigator, prosecutor na hakimu? Je maana ya majizi ni nini? na unapingana na ukweli kwamba chombo kinachothibitisha mtu ni mwizi au siye ni mahakama?


Nilishuhudia ukiambiwa kuhusu tuhuma za mgombea wa CCM tena kuhusu report ya CAG kwenye wizara aliyopo Mh Dr Magufuli na tuhuma ya uuzwaji wa nyumba za selikari hukuzungumzia chochote au sio kweli kwamba kuna billions zinahitaji maelezo? Pamoja na kutetea watu kuitwa wapumbavu na malofa kwa tafsiri zako ni sahihi, kwakuwa tulikuona kama mwananchi wa kawaida mchambuzi na mpenda haki, kwanini tusiamini kwamba unachuki binafsi na mh Lowasa maana ndio pekee unamshambulia sana?

Kwakuwa kupenda chama chochote ni haki yako ya kikatiba, kwanini usivae tu sare za kijani ukaanza kupigia chama cha CCM kampeni badala ya sisi kudhania tunamsikiliza mchambuzi wa siasa kumbe ni kada tena anakayeshambulia upande mmoja tu, tutakusikiliza lakini hatutakushangaa kama vile tunavyomsikiliza Nape au Mzee Kinana.


Ni mimi mpiga kura nisiye na chama ila huwa nafuatilia hii mijadala ili nijiridhishe kura yangu haswa nimpe nani.
 
Chachu Ombara said:
Huyu mchambuzi ana hoja za msingi sana lakini kwakuwa anakwenda kinyume na matarajio ya UKAWA kipindi hichi cha uchaguzi basi anaonekana mpumbavu na lofa. Aliyokuwa anasimamia juu ya mgombea mwenye maadili CCM ndio hayo hayo anayosisitiza mpaka UKAWA.

Tuwe wakweli tuache kumshambulia Polepole, nakumbuka kabla ya Lowassa kuja UKAWA wapenzi wa CHADEMA pamoja na viongozi wao waandamizi walikuwa wakimshambulia sana Lowassa, rekodi zipo kwenye mitandao.Baada ya kukatwa huyo na kuhamia kwa wasakatonge basi wafuasi wa CHADEMA na UKAWA kwa ujumla wamejitoa akili na kusifia walichokuwa wakikipinga... Huu ni upumbavu.

Tubadilike tufanye siasa zenye mashiko tuweze kumpata kiongozi atakayeweza kutupeleka kwenye nchi ya ahadi.

Mimi kura yangu simpi kiongozi aliyeuza na kuifilisi ranchi ya Kitengule na kupeleka mradi wa maji Geita kwa sababu ana maslahi na madini kupitia kampuni dhalimu za madini, huku akiacha sehemu kubwa ya kanda ya Ziwa ikiwa haina maji.

Majibu Ya Julius Mtatiro
Click to expand...
Nahisi huyu dogo sifa za rasmu mpya ya katiba zinamchanganya. Sijui hata hajiulizi hivi lowasa /ukawa wanaungwa mkono na watu wangapi? Yeye kama anatumiwa kuendelea kumchafua rais wetu hatutakubali hili hata kidogo.
 
Suala la kusafishwa sio la vyama au MTU kama wewe au polepole Mahakama pekee ndio chombo sahihi cha kumsafisha MTU ndio maana Mh.sana tena sana mpiga debe Wa CCM aliyeshindwa kuitetea rasimu akiyohangaika nayo
Tanzania nzima tunamtaka akamfungulie kesi Lowassa.
 
Polepole wewe mwenyewe unavyoongea na kutupa tupa mikono nikukosa maadili pili nawewe pamoja na mzee warioba mbona mnawapigia debe waliyoikataa katiba na kuwatukana kama si kupigwa kabisa ni njaa kutafuta maslahi binafsi au???!!
 
Polepole ni mmoja ya wanamkakati wa CCM kwa sasa...

Kama yeye alivyotupilia mbali misingi ya katiba pendekezwa na kumpigia kampeni Makamu Mwenyekiti wa Bunge maalum la Katiba kwasababu ya mikakati ya KiCCM, ndivyo ilivyo kwa UKAWA kumchukua Lowasa kwasababu za kimkakati....

Hizo porojo nyingine nyiingi ni unafiki tu....

Siasa ni mchezo na ndio hata polepole anaucheza kwa sasa...

Huyu ni kijana ambaye hawezi kuishi nje ya mfumo wa KiCCM...
 
Eti uliwaambia ccm wawakate, kumbe wao wanafanya kazi kwa remote ya Polepole, sasa unataka na UKAWA wakusikilize,
 
Polepole alifanya kazi ya katiba tu ambayo chama chake kiliikataa huku katika midaharo hana jipya zaidi ya kuwapotosha na kuwachanganya watu tu
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register