JENERALI DAN CAINE AKITOA UNDANI WA Operesheni iliyobatizwa jina la 'Absolute Resolve' ilivyoweza kutimiza majukumu na malengo yake ya kumkamata Maduro.
Nitakuwa makini kutosema yote kabisa, maana tunaweza kuwa na operesheni inayofanana na hii katika eneo jingine, wakati mwingine tukipewa amri
Mwenyekiti wa Wakuu wa Majeshi jenerali Dan Caine akizungumza wakati wa mkutano na waandishi wa habari na Rais wa Marekani Donald Trump katika klabu ya Mar-a-Lago mnamo Januari 3, 2026, huko Palm Beach, Florida. Joe Raedle/Getty Images
Jinsi Operesheni iliyobatizwa jina la 'Absolute Resolve' ilivyotumia ndege zaidi ya 150 na kuwezesha mabadiliko ya utawala nchini Venezuela
Mwenyekiti wa Joint Chiefs alielezea operesheni ya kijeshi "isiyo na mapungufu" na "isiyo ya kawaida" katika mkutano na waandishi wa habari Jumamosi.
Bradley Peniston
Januari 3, 2026 04:26 PM ET
Mwenyekiti wa Joint Chiefs alisema Jumamosi kwamba shambulio lililomkamata rais wa Venezuela Maduro lilikuwa matokeo ya miezi kadhaa ya mazoezi makali ili kuhakikisha kwamba mamia ya ndege na maelfu ya wanajeshi wanaweza kutekeleza majukumu mengi ya kuunganisha hadi sekunde ya mwisho ya misheni ya operesheni hii.
"Neno 'ujumuishaji' halielezi ugumu wa misheni kama ilivyo," Jenerali Dan Caine alisema katika mkutano na waandishi wa habari uliofanyika katika eneo la Rais Trump huko Florida. "Upatikanaji wa vyombo / zana / askari sahihi kabisa hivi kwamba ulihusisha zaidi ya ndege 150 kuruka katika uwanda wa Magharibi ya dunia kwa uratibu wa karibu, zote zikikusanyika kwa wakati na mahali safu kwa kusudi moja kuleta athari chanya ya kufikia malengo ya misheni bila kufeli, ili kupata muunganiko wa vikosi vyetu kuingia katikati mwa jiji la Caracas huku kikidumisha kipengele muhimu cha kumletea adui mshangao wa kimkakati. Kushindwa kwa sehemu moja ya yoyote vikosi vyetu vilivyoshiriki operesheni hii kungehatarisha na kutibua misheni nzima."
"Kwa pamoja Tunafikiri, tunapanga, tunafunza, tunafanya mazoezi, tunatoa maelezo (debriefing), tunafanya mazoezi tena na tena, si tu ili tufanye vizuri, bali kuhakikisha kwamba hatuwezi kukosea," jenerali Caine alisema.
Kwa miezi kadhaa, jenerali huyo alisema, timu za ujasusi za Marekani zilikuwa zikimfuatilia Rais wa Venezuela Nicolás Maduro na mkewe, Cecilia Maduro kwa ukaribu bila kupepesa macho tusikose kitu. Timu zetu za kijasusi wa kitambuzi zilimfuatilia muda wote "kumpata Maduro na kuelewa jinsi anavyohama sehemu moja kwenda nyingine, alikoishi, alikosafiri, alikula nini, alivaa nini, na wanyama wake wa vipenzi mbwa, paka n.k walikuwa wapi."
Wakati huo huo, Caine alisema, viongozi na wanajeshi katika matawi yote ya jeshi, pamoja na maafisa wa idara ya ujasusi na vyombo vya kutekeleza sheria, waliandaa mipango na kuanza kufanya mazoezi ya operesheni hiyo.
Mapema Desemba, alisema, "jeshi letu lilikuwa limewekwa likisubiri mfululizo wa matukio yaliyopangwa," ikiwa ni pamoja na kutafuta "siku sahihi ya kupunguza uwezekano wa madhara ya raia na kuongeza mshangao, na kupunguza madhara kwa wafanyakazi walioshtakiwa [Maduro] ili, kama rais alivyosema, waweze kufikishwa mahakamani."
ABC News imeripoti kwamba Siku ya Krismasi ilizingatiwa kwa ajili ya operesheni ya Venezuela, ambayo iliahirishwa huku jeshi la Marekani likishambulia maeneo ya Nigeria
kwa mabomu katika hatua dhidi ya "watu wa kigaidi wa ISIS," kama Trump alivyosema wiki iliyopita.
Caine alisema hali ya hewa haswa ilikuwa sababu ya muda wa operesheni ya Venezuela, iliyopewa jina la Absolute Resolve.
"Jana usiku hali ya hewa ili kuwa njema vya kutosha, ikifungua njia ambayo ni waendeshaji ndege hodari kabisa pekee walio na wenye ujuzi zaidi duniani ndio wanaweza kujipenyeza—baharini, milimani, mawingu ya chini, anga la chini , lakini pia lenye watejelezaji wote wanaohakikisha jukumu walilopewa la kufanya misheni, haliachwi," alisema akimaanisha
Kikosi cha 160 cha Operesheni Maalum za Anga za Jeshi (Angani) .
Saa Nne dakika arobaini na sita (22:46hrs) Usiku kwa saa za Mashariki ya bara la latin Amerika mnamo Januari 2, 2026 Trump alitoa amri ya kuendelea, Caine alisema.
Zaidi ya ndege na drone ndege zisizo na rubani 150 zilianza kuruka kutoka kambi na meli za kivita takriban 20 "kote katika Ulimwengu wa Magharibi," alisema, ikiwa ni pamoja na ndege za kivita za F-22, F-35, na F/A-18; ndege za kielektroniki za kivita za EA-18G; ndege za mabomu za B-1; ndege za upelelezi; na zaidi. Huenda meli za mafuta za angani zilishiriki pia.
"Mwanajeshi wetu mdogo zaidi katika operesheni yetu alikuwa na umri wa miaka 20 na wa umri mkubwa alikuwa na umri wa miaka 49," alisema.
Helikopta zilizokuwa zimebeba "kikosi cha kubeba washukiwa" cha wanajeshi wa Marekani na wafanyakazi wa Idara ya Sheria zilipaa na kuruka futi 100 juu ya maji kuelekea ufuo wa Venezuela, alisema.
Kikosi hicho pia kilijumuisha kikosi maalum cha makomandoo wa Delta Force, wapiganaji maalum wa hali ya juu ambao mara nyingi hupewa misheni za uokoaji mateka, Task and Purpose
iliripoti .
Wakati timu hii ikikaribia anga ya Venezuela, Caine alisema, "Marekani ilianza kuweka athari tofauti zinazotolewa na SpaceCom, CyberCom, na wanachama wengine wa shirika hilo ili kuunda njia."
Hii ilijumuisha mashambulizi ya anga kwenye vituo vya kijeshi, alisema: "kubomoa na kulemaza mifumo ya ulinzi wa anga nchini Venezuela, kutumia silaha kuhakikisha helikopta zinapita salama kwenye eneo lengwa."
Trump alisema katika mkutano na waandishi wa habari kwamba vikosi vya Marekani viliingiza mji mkuu wa Venezuela gizani.
"Taa za Caracas zilizimwa kwa kiasi kikubwa, kutokana na utaalamu fulani tulionao," alisema.
Caine alisema kwamba ndege za kimkakati zilizokuwa juu yake zilifunika kikosi cha kuwabeba washukiwa huku makamanda wa misheni wakifuatilia mbinu zao.
"Wakati kikosi kilipovuka sehemu ya mwisho ya ardhi ya juu, ambapo walikuwa wamejificha kwenye msongamano wa rada, tulitathmini kwamba tulikuwa tumedumisha hali ya mshangao mkubwa (shock and panic) kabisa kwa majeshi ya Maduro."
Helikopta hizo zilitua kwenye jumba la Maduro saa mbili dakika moja (08:01 am) asubuhi kwa saa za huko (saa 1:01 asubuhi Mashariki) mnamo Januari 3, 2026 na muda mfupi baadaye zikashambuliwa, ambapo timu ya Marekani ilijibu kwa "nguvu kubwa katika kujilinda," alisema. "Moja ya ndege zetu ilipigwa, lakini ilibaki kuwa uwezo rahisi kuruka salama salimini."
Wakati huo huo, alisema, "Kikosi cha kukamata watu kilishuka hadi kwenye eneo la Maduro na kusonga kwa kasi, usahihi, na nidhamu kuelekea lengo lao, na kutenga eneo hilo ili kuhakikisha usalama na usalama wa kikosi cha ardhini huku kikiwakamata watu walioshtakiwa."
Caine aliendelea, "Operesheni ilipoendelea katika eneo hilo, timu zetu za ujasusi wa anga na ardhini zilitoa taarifa mpya za wakati halisi (on real time)kwa jeshi la ardhini, kuhakikisha vikosi hivyo vinaweza kupitia mazingira magumu kwa usalama bila hatari isiyo ya lazima. Jeshi hilo lilibaki likilindwa na anga za kimkakati za juu. Maduro na mkewe, wote wawili walishtakiwa, walikata tamaa, na walikamatwa na Idara ya Sheria, wakisaidiwa na jeshi letu la kustukiza la Marekani kwa utaalamu na usahihi, bila kupoteza maisha ya Marekani."
Hatimaye, jenerali alisema, "Baada ya kuwatia nguvuni watu walioshtakiwa ( kina Maduro), kikosi kilianza kujiandaa kuondoka. Helikopta ziliitwa ili kutoa kikosi cha ukamataji, huku ndege za kivita na ndege za mashambulizi ya mbali zikitoa ulinzi wa juu na kuzima moto. Kulikuwa na mapigano mengi ya kujilinda huku kikosi kikianza kuondoka Venezuela. Kikosi kilifanikiwa kupenya na kurudi kwenye vituo vyao vya uzinduzi vilivyokuwa vimeelea baharini, na kikosi kilikuwa juu ya maji saa 3.29 asubuhi kwa Saa za Kawaida za Mashariki, huku watu walioshtakiwa wakiwa ndani. Na Maduro na mkewe wote wawili walipandishwa katika manowari ya kijeshi ya USS Iwo Jima iliyokuwa ipo eneo la bahari ya kina cha maji makuu."
Caine alisema hakuna wanajeshi wa Marekani waliouawa, wala ndege yoyote ya Marekani iliyopotea.
"Ingawa miongo miwili iliyopita imeboresha ujuzi wa vikosi vyetu maalum vya operesheni, misheni hii maalum ilihitaji kila sehemu ya kikosi chetu cha pamoja, pamoja na wanajeshi, mabaharia, wanajeshi wa anga, wanajeshi wa majini na walinzi, wakifanya kazi kwa pamoja na washirika wetu wa shirika la ujasusi na wenzao wa kitengo cha sheria kutekeleza jukumu la kumkamata Maduro katika operesheni hii isiyo ya kawaida," alisema. "Tulitumia uwezo wetu usio na kifani wa ujasusi na uzoefu wetu wa miaka mingi katika kuwinda magaidi. Na hatungeweza kufanya misheni hii bila kazi kubwa ya ajabu iliotukuka kutoka kwa
mashirika mbalimbali ya ujasusi ya Marekani, ikiwa ni pamoja na CIA, NSA na NGA."
