Jana niliandika uzi kuhusu njiwa kuingia nyumbani kwangu wakati wa mvua na alionekana wala hata hagomi kushikwa alikuwa mtulivu tu, hata akiruka anarudi mahala flani kwa muda huo
Sasa jana tulimtoa nje usiku leo asubuhi mida ya saa tano karudi , sasa tumemuacha tu.
Tusaidiane mawazo wakuu
Sijaona jirani wa karibu kama anafuga njiwa. Saa kumi na moja jioni, Mke wangu amerudi kutoka kusuka , ile anafika nyumbani ndio ikawa imeanza kunyesha, ndio akakukatana na njia ambaye kama amenyong'onyea. Akamasaidia kumtoa katika mvua akamwingiza ndani. Baadae akamtoa nje ila hajaruka na...
www.jamiiforums.com
Usiogope ndugu yangu. Ngoja nikupe ushuhuda wa kweli. Mimi kuna mnyama wa ajabu sijawahi kumuona maisha yangu yote. Nilimuona nje ya mlango wa kuingia ndani ya nyumba. Ana umbo dogo kama mpira wa tennis, ila kwa chini yuko bapa kidogo. Hana miguu wala kichwa wala mikono wala macho. Amejaa manyonya madogo madogo mwili mzima. Hasogei mbele wala nyuma. Anapumua kwa namna ambayo unaona waziwazi mwili unatanuka tanuka. Nadhani ungemuona huyo hapo kwako angekutisha zaidi. Mimi nilishuhudiwa moyoni kwamba huyo sio mnyama wa kawaida. Ametumwa na wachawi kunifadhaisha. Nilichofanya, nilichukua koleo nikamchota, nikamtupa nje ya nyumba huku nikitamka "
Kwa Jina la Yesu" ili kama ni mnyama aliyetumwa kwa njia za kichawi basi uchawi huo ushindwe. Hakuonekana tena mpaka leo. Hii ni faida mojawapo ya kuokoka. Nimeorodhesha humu maajabu ya maisha ya watu waliookoka, na mojawapo ya maajabu hayo ni kwamba "
Hawalogeki," lakini wengine wamebeza eti ni "chai"
Hapa duniani kuna watu wanaishi maisha ya ajabu sana. Watu hao ni wale wanaokiri kwamba wametubu dhambi zao, wanaamini kuwa Yesu ni Bwana, na wanaishi maisha matakatifu. Wanaowabeza na kuwadharau watu hao huwaita “walokole.” Haya ndiyo maajabu 20 ya maisha ya “walokole:” Hawalogeki. Wachawi...
www.jamiiforums.com
Kwa kawaida njiwa wa kufugwa huwa wanarudi 'nyumbani kwao', na wewe umesema hakuna jirani hapo anayefuga njiwa. Ulisema pia njiwa huyo alikuwa hawezi kuruka. Sasa jiulize amerudije tena ndani wakati ulimtoa nje ya geti?
Usikubali mtu akudanganye uende kwa waganga. Hapo ndio utajiharibia kabisa.
Nakushauri uamue kuokoka leo. Ukifanya hivyo sasa hivi utakuwa na mamlaka ya kukemea nguvu za kichawi kwa Jina la Yesu. Jina la Yesu linapotamkwa na mtu aliyeokoka linaharibu kazi zote za kichawi. Lakini likitamkwa na mtu ambaye hajaokoka, halileti matokeo.
Ukiishaokoka, mchukue huyo njiwa umrushe nje ya geti huku ukitamka "
kwa Jina la Yesu." Kama ni njiwa wa kichawi hutamuona tena akirudi nyumbani. Kama ni njiwa wa kawaida amepotea njia, akirudi hutaona madhara yoyote hata akiendelea kukaa hapo. Na utakuwa na amani sana.
Ukiomba sala hii ya toba, sasa hivi utakuwa umeokoka na utakuwa na mamlaka ya kuharibu nguvu za giza. Tafadhali omba sasa kwa moyo wako wa dhati sala hii ya toba. Omba kwa kufuatisha sala hii:
“Ee Mungu Baba, nimetambua mimi ni mwenye dhambi. Leo nakuja mbele zako nikiomba msamaha wako. Natubu dhambi zangu zote na kuziacha. Nakiri kuwa Yesu Kristo ni Bwana, na Yeye ndiye Mwokozi wa ulimwengu. Yesu karibu moyoni mwangu utawale maisha yangu kuanzia leo. Naomba unipe nguvu ya kushinda dhambi na kuishi maisha matakatifu. Namkataa shetani na kazi zake zote. Asante Yesu kwa kuniokoa. Katika Jina la Yesu Kristo, ninaomba na kushukuru. Amen.”
Kama umeomba sala hiyo kwa moyo wako wa dhati, tayari umeokoka. Chukua hatua ile sasa ya kumtupa nje huyo njiwa kwa Jina la Yesu.
Baada ya hapo anza kusoma Biblia kila siku na kumuomba Mungu akusaidie kuendelea vizuri kiroho na kukuepusha na hila zote za shetani na wachawi. Tafuta pia Kanisa linalohubiri wokovu na kufundisha utakatifu, ujiunge nalo, watakupa msaada zaidi wa jinsi ya kukua kiroho.
Mungu akubariki, Mungu akulinde, nami nitakuombea mipango yote ya wachawi dhidi yako ishindwe kwa Jina la Yesu. Amen.
