Je, moto wa ajabu ardhini rombo ni dalili za kulipuka volcano iliyolala ya mlima Kilimanjaro?

Je, moto wa ajabu ardhini rombo ni dalili za kulipuka volcano iliyolala ya mlima Kilimanjaro?

Kumbe hii dunia imetoka mbali sana eeeh mimi nilifikiri dunia inaumri wa miaka 2021 tu, sasa hiyo miaka ya nyuma kwanini wasingeiongezea na hii 2021 ili tungejua saizi tupo mwaka wa ngapi e.g 3,676,066
 
Ikiwa ni mboji iliweza kufikia kiwango hiki basi pia naamini eneo litakuwa na rutuba nyingi sana na linaweza kutumiwa kwa kilimo cha zao lolote kama mahindi au ndizi ikiwa chanzo cha maji ya uhakika kitapatikana . Sema nijuavyo Rombo tatizo moja kubwa ni ukame uliotokana na uharibifu mkubwa wa mazingira, zamani kabla ya uharibifu huo inasemekana mvua zilikuwa ni za kutosha sana.
 
King Kong III said:
Wanasayansi wa bongo ni bure kabisa yaani ni empty set ,jana maTV yote yameonyesha kwamba wamegundua mifupa ya mjusi iliyoishi miaka milioni 160 hahaaaaa ukiangalia hiyo mifupa ni kama jiwe lilitokana na zege,mfupa ukae miaka milioni 160 halafu utoke kama jiwe hahahaaaa nonsense.

Hapo wakija wazungu hapo rombo watatoa report sahihi lakini hao ma geologist wabongo wanaenda kupiga perdiem tu.
Click to expand...
Punguza dharau mkuu.
 
Nakumbuka kuna wakati tulipanda mlima Kilimanjaro, ile siku moja kabla ya kufika Uhuru Peak, watu waliumwa sana vichwa na wengine kujisikia vibaya, tukaambiwa mlima umepumua. Unatoa hewa aina ya Sulphur, sikuelewa sana nimesoma kwenye hii makala ikanikumbusha hiyo siku.

Uko vizuri mkuu.

Samahani naomba kutoka nje ya mada kidogo. Niliwahi soma huko maeneo ya Moshi, niliona kama kuna idadi kubwa ya Albino, hii ina uhusiano wowote na athari za Volcano au kuna kitu kingine?
 
geologist
Peter Agostino said:
Kwa wakaazi wa Wilaya ya Rombo na maeneo mengine yote kuuzunguka mlima Kilimanjaro chochote kinachotokea kuhusiana na Mlima huu ni lazima kiwaguse moja kwa moja kutokana na maisha yao kutegemea miteremko yake kwa maelefu ya miaka iliyopita. Ingawa uwezekano wa Volcano ya mlima huu kulipuka wanasayansi wanasema ni mdogo sana lakini bado wanasisitiza kwamba ni jambo linaloweza siku moja kuja kutokea kutokana na sababu kwamba volcano yake imelala tu na si kama imekufa kabisa.

Mlima mrefu kuliko yote Afrika Kilimanjaro(Kibo) ni mlima uliotokea Duniani baada ya mlipuko wa Volcano chini ya ardhi yapata miaka zaidi ya 1,000,000 hivi iliyopita. Ukiwa na vilele duara 3 (cones), Shira, Kibo na Mawenzi, kila kimoja kilijitengeneza kwa wakati wake huku Shira(kilele-mama) kikiwa ndicho kilichoanza kutokea yapata miaka zaidi ya mlioni 2.5 iliyopita kisha kikaja kuzimika kabisa (kufa) na kuzuka Mawenzi na Kibo vilivyoanza wakati mmoja miaka 1,000,000 iliyopita.

Kufikia miaka 450,000 iliyopita kilele cha Mawenzi kilisimama kabisa kurusha volcano na kuwa volcano mfu pia(iliyokufa) huku Kibo kikiendelea kurusha volcano yake mpaka ilipofika miaka 150,000 hadi 200,000 iliyopita ambapo nacho kilisimama lakini kwa muda tu siyo kufa kabisa kama wenzake Mawenzi na Shira. Hii inamaanisha kwamba kuna uwezekano siku yeyote ile Kibo kikaja kuanza tena kulipuka na kurusha volcano na majivu ya moto.

Kwa mujibu wa Wataalamu wa mambo ya miamba(geologists) Mlima Kilimanajaro na milima mingine ya kivolcano iliyopo Africa Mashariki kama mlima Kenya, mlima Meru, Mlima Elgon, Ol Doinyo Lengai, Dalafilla, longonot, mlima Nyiragongo pamoja na Maziwa mbalimbali kama vile ziwa Victoria, Nyasa, Tanganyika, Turkana nk. ingawa si vyote vipo ndani ya bomde la ufa lakini vyote ni matokeo ya shughuli za kivolcano zilizosababishwa na mpasuko wa umbo la nje la ardhi ya dunia ( tectonic plates) ambazo kila moja hujivuta kutoka kwa mwenzake na kusababisha Bonde kubwa la ufa kutokea katikati.

Mpasuko huo umesababisha baadhi ya maeneo kuwa dhaifu hivyo kusababisha eneo la ndani kabisa la Dunia ambalo kimsingi huwa na joto kali sana kupitisha uji-uji wenye mchanganyiko wa madini mbalimbali na miamba nje ya uso wa dunia(volcano). Uji huu ndio husababisha milima kama Kilimanjaro kutokea taratibu baada ya maelfu ya miaka kupita ukitiririka. Bonde la ufa limeanzia huko Ethiopia mpaka Msumbiji likipitia nchi za Somalia, Kenya, Uganda, Burundi, rwanda, Malawi na Zambia.

Katika eneo ulipozuka mlima Kilimanjaro na kwa kuwa bado shughuli za kivolcano bado zinaendelea chini ya ardhi hasa ukanda mzima wa Bonde la Ufa la Afrika Mashariki basi kuibuka kwa hali kama tunayoishuhudia Rombo yawezekana isiwe ni jambo la ajabu sana. Eneo tukio la Rombo lilipotokea si mbali na ulipo Mlima Kilimanjaro.


VIASHIRIA VINGINE.

ZIWA CHALA

Ziwa chala ni moja kati ya “vijitoto” vilivyotokana na volcano iliyounda mlima Kilimanjaro, ni ziwa lililopo Wilayani Rombo na linakadiriwa kutokea muda sawa na kilele cha Kibo miaka takriban 200,000 ilyopita. Utafiti uliofanyika kwenye ziwa hilo kwa kuchunguza matabaka ya mlundikano wa majivu ya volcano (tephra layers) ndio uliothibitisha muda halisi wa kutokea kwa mlipuko wa mwisho kiasi cha mikaka 150,000 hadi 200,000 tofauti na jinsi ilivyodhaniwa kabla kwamba ni mamilioni ya mika mingi iliyopita. Hivyo unaweza kuona miaka 200 elfu si mingi sana katika umri wa kijiolojia.

Mpaka sasa hivi hata watu wanaopanda mpaka kufika kilele cha Uhuru wanaweza kuhisi harufu ya gesi za salphur kutokea katika Crater ya mlima Kilimanjaro pale juu kabisa, ishara kwamba bado kuna shughuli za kivolkano bado zinaendelea chini ya mlima huu lakini kwa kiwango cha chini (under low pressure) kiasi majivu na uji wa miamba haviwezi kuruka umbali mrefu

Binafsi mimi (Haya ni maoni yangu lakini) nimefikiria moto wa Rombo labda inawezekana ikawa ni moja kati ya viotea vya mlima Kilimanjaro (monogenetic parasitic eruption associated with Mt Kilimanjaro) mfano wa ziwa chala na vilele vingine mfano kama ilivyotokea mawenzi na Kibo baada ya Shira, ingawa hivi vya sasa vyaweza kuwa na athari ndogo sana na vinavyoisha muda mfupi tu vikiwa na majivu ya udongo wa moto badala ya volcano na uji mzito wa miamba ya chuma shauri ya presha ndogo iliyopo ardhini kwa sasa.

Katika maeneo mengine Afrika Mashariki katika ukanda wa Bonde la Ufa kumewahi kuripotiwa moto wa ardhini ingawa sifikirii kama unafanana kabisa na huu wa Rombo. Huko Kenya mpaka wamefikia hatua ya kufua umeme kwa kutumia moto kama huu (Geothermal energy). Katika maeneo mengine duniani mfano katika msitu wa Amazon nimewahi kusoma kuna eneo fulani pana mto wa maji moto yanayochemka, nadhani pengine inaweza kuwa ni kitu kama hikihiki kilichotokea Rombo.


MATETEMEKO YA ARDHI

Bado Rombo na maeneo mengine kando kando ya Kilimanjaro kuna nyakati hutokea matetemeko ya ardhi, ishara nyingine kwamba shughuli za kivolcano chini ya eneo zima na ukanda wa bonde la ufa la Afrika Mashariki bado zinaendelea. Tetemeko la ardhi la mwisho lilitokea Rombo mwaka jana.

Tafiti nyingi sana zimeshafanyika na wanasayansi kuhusiana na uwezekano wa kulipuka tena kwa mlima Kilimanjaro, unaweza kutafuta “google’ na kuona ingawa karibu kila mtafiti anasema kwamba hamna uwezekano mkubwa wa mlima huo kulipuka tena hivi karibuni na hata yawezekana kilele cha Kibo kikaja kufa kabisa kama wenzake Shira na Mawenzi. Hili lakini halina uhakika kwa asilimia mia moja.

Wakaazi wa Kilimanjaro tukio kama hili la Rombo halipaswi kutupa taharuki, badala yake tutulie tukichukua tahadhari pamoja na ushauri serikali itakaoutoa baada ya Wataalamu wake kumaliza uchunguzi.

Ingawa Wataalamu wengi wameshafanya tafiti mbalimbali na kuthibitisha volcano ya mlima Kilimanjaro kutokuweza kulipuka hivi karibuni na hata hivyo kungelikuwa na viashiria vikubwa zaidi kama matetemeko na gesi nyingi kuonekana katika crater ya Kibo. Mabadiliko makubwa ya kijiolojia huchukua mamilioni ya miaka hivyo ukilinganisha na umri wa vizazi vyetu usiozidi hata miaka 100 unaweza kuona ni sawa tu na tone dogo sana la maji baharini.

Hata hivyo serikali ina wajibu wataalamu wake kuchunguza na kutoa maelezo ya uhakika zaidi kwetu wananchi ikiwa ni pamoja na tahadhari za kuchukua ikiwa kama kuna hatari zozote zile zinazoweza kuambatana na mabadiliko ya kijiolojia hata kama yatakuwa ni madogo kama haya ya Rombo ili kuepusha Wananchi kuingia taharuki au kwenye imani zingine potofu mfano za ushirikina nk.
View attachment 1960785
Makala hii imeandikwa na mtafiti wa masuala ya kijamii kwa msaada wa vyanzo mbalimbali mtandaoni.
Click to expand...
Jiolojisti
 
Kule Mbeya kuna chemchem ya maji ya moto,ukienda na majani ya chai na sukari unaweza kinywa chai ya moto kabisa.
 
Volcano eruption huwa ai beep kindezi ndezi…
 
Miaka million ,mm huwa nawaza sana,kama miaka ya uhuru tu ,hii 60 imetuchachafya namna hii vpi miaka elfu tano ijayo
 
King Kong III said:
Wanasayansi wa bongo ni bure kabisa yaani ni empty set ,jana maTV yote yameonyesha kwamba wamegundua mifupa ya mjusi iliyoishi miaka milioni 160 hahaaaaa ukiangalia hiyo mifupa ni kama jiwe lilitokana na zege,mfupa ukae miaka milioni 160 halafu utoke kama jiwe hahahaaaa nonsense.

Hapo wakija wazungu hapo rombo watatoa report sahihi lakini hao ma geologist wabongo wanaenda kupiga perdiem tu.
Click to expand...
Utakuwa huelewi kitu mkuu, wacha kubeza kama hujui kitu! Miaka yote hiyo kwa nini mfupa usibadilike kuwa mwamba? Unajua mbolea ya minjingu inachimbwa kutoka na maozea ya flamingos a kinyesi chao kilichokaa maelfu ya miaka?
 
Uchunguzi wa ule ujiuji uloibuka kutoka ardhini pale kurasini hali ile iliishiwa wapi.
Yaani nchi yetu kwa kutotoa mrejesho hawajambo.

Uchunguzi wa Moto Kariakoo sokoni
Umezimwa

Uchunguzi wa yule bwana aliyejiunganishia bomba la mafuta kule kigamboni
Ulizimwa

Uchunguzi wa moto ulisababishwa na tanker la mafuta kulipuka morogoro
Ulizimwa

Yaani tupo tupo tu hatuelewi kama tumekaa ama tumesimama.
 
Je tuandae makazi kilometres ngapi kutoka mlima kilimanjaro maana nahofia ng'ombe zangu 400 nilizotafuta kwa shida
 
Manjagata said:
Utakuwa huelewi kitu mkuu, wacha kubeza kama hujui kitu! Miaka yote hiyo kwa nini mfupa usibadilike kuwa mwamba? Unajua mbolea ya minjingu inachimbwa kutoka na maozea ya flamingos a kinyesi chao kilichokaa maelfu ya miaka?
Click to expand...

Mbolea ya minjingu ndiyo inajustify kwamba mfupa unaweza kukaa miaka milioni 160 bila kubadilika? Yaani unakuwa vile vile?
 
The Monk said:
Nakumbuka kuna wakati tulipanda mlima Kilimanjaro, ile siku moja kabla ya kufika Uhuru Peak, watu waliumwa sana vichwa na wengine kujisikia vibaya, tukaambiwa mlima umepumua. Unatoa hewa aina ya Sulphur, sikuelewa sana nimesoma kwenye hii makala ikanikumbusha hiyo siku.

Uko vizuri mkuu.

Samahani naomba kutoka nje ya mada kidogo. Niliwahi soma huko maeneo ya Moshi, niliona kama kuna idadi kubwa ya Albino, hii ina uhusiano wowote na athari za Volcano au kuna kitu kingine?
Click to expand...
Ni ukweli kabisa hiyo hali huwapata watu wapandapo milima mirefu na pengine huwa serious zaidi kwa mlima kama Kilimanjaro ambao bado unapumua gesi kidogokidogo.

Nimekumbuka kisa kimoja nilichosoma wakati natafiti hili andiko mtandaoni, ambapo Mwanamke wa kwanza kabisa na binadamu wa tatu kupanda mlima Kilimanjaro Mwiingereza Bibi Gertrude Benham ilimbidi apande mlima akiwa peke yake huku Maporters wake(wabebaji mizigo wazawa) wakikataa kata kata kuongozana naye kwa kuhofia "Mountain sickness" au homa ya mlimani ambayo ni hali sawa na hiyo uliyosema ya kujisikia vibaya wakati mwingine hata kutapika.

Mwaka 1909 Getrude Benham akiwa na miaka 22 tu alifika Kilimanjaro kwa lengo la kupanda hadi kileleni. Askari wa Kijerumani walimuonya kuwa hakukuwa na Mwingereza mwingine aliyewahi kupanda mlima huo zaidi ya Wajerumani, Johann Rebman na Hans Meyer ambao hata hawakuweza kufika kileleni vizuri. Waliposogea mbele kidogo walikutana na lundo la mifupa ya wafu(skeletons) Maporters wakagoma kuendelea kwa kuhofia ule ulikuwa uchuro au mizimu. Lakini pamoja na Maporters kurudi nyuma wakajificha katika pango la barafu Mwanamama shupavu Benham yeye aliendelea tu kupanda peke yake hadi akafanikiwa kufika kileleni na kurudi salama.

Maporters wale walibakia wakifikiri labda Benham alikuwa na kinga ya homa ya mlimani(Mountain sickness) kumbe basi tu ilikuwa ni kutokana na uzoefu aliokuwa amekwisha upata tokea huko Ulaya kwani kwa maisha yake yote amewahi kupanda vilele vya milima zidi ya 300 duniani kote.

Hili la Malbino Mkuu labda waje wajuzi zaidi wa mambo ya utabibu lakini binafsi ninavyofikiri sidhani kama Moshi au Kilimanjaro Maalbino ni wengi kupita maeneo mengine nchini. Albino sawa na Walemavu wengine kila sehemu duniani wapo na kama pengine sehemu fulani unaweza kuwaona wengi yawezekana ni jambo la nasibu tu, sina uhakika lakini labda kama kuna ushahidi wa kisayansi.
 
Rodwell mTZ said:
Kule Mbeya kuna chemchem ya maji ya moto,ukienda na majani ya chai na sukari unaweza kinywa chai ya moto kabisa.
Click to expand...
Halafu Wachagga wakisema ukichoma nyama kwenye moto uliozuka ardhini inawiva vizuri mnawaita waroho wa nyama!🤣🤣
 
Peter Agostino said:
Kweli mkubwa nilikosea na nimeshasahihisha, badala ya miaka milioni moja niliandika elfu moja. Ingawa namimi pia si mwanasayansi mbobevu lakini hebu ngoja kwa uelewa kidogo nilio nao nijaribu kuweka vizuri hapa: Tangu kilele cha kwanza (Shira cone) kuanza kufoka wanakadiria ni miaka milioni 2.4 mpaka 3.5 iliyopita. Baadae tena miaka milioni moja(1.0) shira kilizimika vikajitokeza viotea vingine viwili ambavyo ni Kibo na Mawenzi. Viliendelea kufoka mpaka kufikia miaka 450,000(laki nne na nusu) ambapo Mawenzi kilizimika na kuacha kufoka(volcano mfu) huku Kibo kikiendelea kufoka mpaka hivi karibuni kabisa miaka 200,000(laki mbili) nacho kikasimama kwa muda kama volcano iliyolala. Kwa ujumla tangu vilele vyote kuanza mpaka sasa hivi inakadiriwa ni miaka zaidi ya milioni 2.5 na tokea mlipuko wa hivi karibuni kabisa kutokea inakisiwa ni miaka laki mbili(200,000)
Click to expand...
Moto umesababishwa na taka zilizofukiwa chini
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register