Je, wajua kuna maeneo sita duniani ambapo Jua halizami kwa zaidi ya siku 70?

Je, wajua kuna maeneo sita duniani ambapo Jua halizami kwa zaidi ya siku 70?

Norway - Norway iko kwenye mzunguko wa Aktiki, na huitwa `Ardhi ya jua la usiku wa manane,' ambapo kuanzia Mei hadi Julai, jua halizami kabisa. Hii inamaanisha kuwa kwa kipindi cha siku 76, jua huwa halizami. Katika eneo la Svalbard, Norway, jua linaonekana mfululizo kutoka Aprili 10 hadi Agosti 23. Pia ni mkoa wa Kaskazini mwa Ulaya.
 
Nunavut, Canada - Nunavut iko karibu digrii mbili juu ya mzunguko wa Aktiki, katika maeneo ya Kaskazini Magharibi mwa Canada. Mahali hapa panakaribu miezi miwili ya jua kwa saa 24, huku wakati wa msimu wa baridi, mahali hapa huona karibu siku 30 mfululizo za giza kamili.
 
Iceland - Iceland ni kisiwa kikubwa zaidi barani Ulaya baada ya Uingereza, na pia inajulikana kwa kuwa nchi ambayo haina mbu. Wakati wa majira ya joto, usiku huwa uko wazi huko Iceland yaani hakuna giza, na wakati wa mwezi wa Juni, jua halizami kamwe. Ili kuona jua la usiku wa manane katika ubora wake likiwa linang'aa kweli, unaweza kutembelea jiji la Akureyri na kisiwa cha Grimsey kwenye mzingo wa Aktiki.
 
Barrow, Alaska - Kuanzia mwishoni mwa Mei hadi mwishoni mwa Julai, jua halizami hapa, ambalo baadae hufidiwa kutoka mwanzoni mwa November kwa siku 30 zijazo, ambapo jua halichomozi, na hujulikana kama usiku wa Polar au `Polar night'.
 
Finland - Ardhi yenye maelfu ya Maziwa na Visiwa, sehemu nyingi za Finland hupata kuona jua moja kwa moja kwa siku 73 tu wakati wa msimu wa joto. Wakati huu jua linaendelea kuangaza kwa karibu siku 73, huku wakati wa msimu wa baridi, eneo hilo halioni mwanga wa jua. Pia ni moja ya sababu kwanini hapa watu hulala kidogo tu wakati wa msimu wa jua, na zaidi wakati wa baridi.
 
Uswidi - Kuanzia mwanzoni mwa mwezi Mei hadi mwishoni mwa Agosti, Uswidi huona jua likitua karibu usiku wa manane na kuchomoza karibu saa 10 alfajiri. Hapo, kipindi cha jua kuwepo mara kwa mara kinaweza kudumu hadi miezi sita ya mwaka.
 
Unanikumbusha mbali kipindi flani nipo mtoto, basi mzee anakwambia uende ukachunge mifugo polini, ukicheki mazingira upo ww na miti pamoja na mikia yako unayo ichunga, ukicheki jua sasa walahi limeganda palepale hasira za hapo sasa.
ulikua huna rafiki mtiifu mbwa aka bobi au jeki hahaha majina maarufu sana ya mbwa enzi hizo tunachunga
 
Back
Top Bottom