Jifunze na ufahamu kuhusu tatizo la kusaga meno (Bruxism)

[JamiiTalks]

Tatizo la kusaga meno kwa kitabibu huitwa bruxism, hali hii inaweza kusababisha meno kuharibika na matatizo mengine ya kiafya kwenye kinywa yanaweza kutokea

Kwanini Watu Husaga Meno?
Hali hii husababishwa na vitu kama msongo wa mawazo, hasira na magonjwa ya usingizi

Unawezaje kugundua ikiwa unasaga Meno?
Kitengo hiki cha kusaga meno mara nyingi hufanyika wakati wa Mtu amelala, ingawa watu wengi hawajui kuwa wanasaga meno yao.

Lakini, maumivu ya kichwa mara kwa mara au taya kuuma wakati unapoamka ni dalili ya kuwa unasaga meno.

Ikiwa unahisi una tatizo la kusaga meno yako, zungumza na daktari wa meno. Wakati mwingine, tatizo hili likiwa kubwa linaweza kusababisha meno kupasuka au kulegea. Kusaga meno kwa muda mrefu kunaweza kuharibu taya au hata kubadili muonekano wa sura ya mtu husika.

Je, Unaweza kufanya nini ili kuacha kusaga Meno ?

Ikiwa magonjwa ya usingizi ndio chanzo cha kusaga meno basi huna budi kuonana na daktari na kutibu tatizo hilo.

Vidokezo vingine kukusaidia kuacha kusaga meno ni pamoja na:

Epuka au punguza vyakula na vinywaji vyenye kafeini, kama vile kola, chokoleti, na kahawa.​

​

Epuka pombe. Kusaga meno hufanyika zaidi baada ya Mtu kunywa pombe.​

​

Usitafune penseli au kalamu au kitu chochote ambacho sio chakula.​

​

Jifunze mwenyewe kutokukunja au kusaga meno yako. Ukigundua kuwa unasaga meno mchana, basi weka ncha ya ulimi wako kati ya meno yako. Mazoezi haya hufundisha misuli yako ya taya kupumzika.​

​

Pumzisha misuli yako ya taya usiku kwa kuweka kitambaa cha vuguvugu juu ya shavu lako karibu na sikio.​

Je! Watoto wanasaga Meno?

Shida ya kusaga meno sio tu kwa watu wazima tu. Takriban 15% hadi 33% ya Watoto husaga meno.

Watoto ambao husaga meno yao hufanya hivyo kwa nyakati mbili - wakati meno yao yanapoota na wakati wanapoota meno ya kudumu

Kawaida, watoto husaga meno wakati wa kulala badala ya wakati wa kuamka.

Kwa mtoto sababu za kusaga meno ni pamoja na mawasiliano yasiyo ya kawaida kati ya meno ya juu na ya chini, magonjwa na hali zingine za kiafya (kama vile upungufu wa lishe, minyoo na mzio), na sababu za kisaikolojia pamoja na wasiwasi na mafadhaiko .

Wasiliana na Daktari wa kinywa ikiwa meno ya mtoto wako yanaonekana kuchakaa au ikiwa mtoto wako analalamika kuhusu maumivu ya jino.