Jinsi biashara ya Uber ilivyonikutanisha na dada huyu mrembo wa ajabu

Jinsi biashara ya Uber ilivyonikutanisha na dada huyu mrembo wa ajabu

EPISODE 25

“A TRUE STORY BY INSIDER”

Mary hata hakutusemesha bali aliomba nifungue gari ili atoe mkoba wake ndani ya gari. Na baada ya kuchukua mkoba wake aliondoka eneo lile.

MIMI: “Hivi Mary anajua kinachoendelea kati yetu?”

PRISCA: “Hapana hajui ila leo kajua na kuprove kabisa. Si unakumbuka nilikwambia kuhusu da Mary?”

MIMI: “Sawa bhana kazi kwako na dada yako. Mimi naondoka naomba utanambia kinachoendelea na urudi home mapema sawa?”

PRISCA: “Sawa haina shida”

Na mimi niliondoka eneo lile kurudi zangu nyumbani kulala, kwa upande mwingine nilifurahi Mary kufahamu kinachoendelea kati yangu na mdogo wake.
***

Jumatatu asubuhi Msomali alinipigia simu na akaniuliza maamuzi niliyoyachukua kuhusu lile deal na mimi nilimdanganya kuwa sipo na niko mkoani mara moja, hivyo nikirudi ningemcheki. Na yeye alisema hakuna shida ananipa muda wa mimi kuendelea kufikiria ili nifanye maamuzi sahihi.

Kwa upande wa wateja zangu nao wabeba, ambao tulikuwa na mikataba, nilikuwa na Mama wa2 na Maggy tu kwa kipindi hiki, maana hata madogo wa kule shule Masaki walikuwa likizo ya Pasaka.

Baada ya kuwapeleka wateja zangu Posta muda ule nilimpigia simu Prisca ili nijue kama walirudi home salama. Na baada ya kumpigia alipokea simu na tukaanza maongezi,

PRISCA: “Hi baby”

MIMI: “Umeamkaje na Unaendeleaje?”

PRISCA: “Niko salama Insider hofu wewe.”

MIMI: “Jana mmerudi sangapi?”

PRISCA: “Tulikaa mpaka saa 8 usiku.”

MIMI: “Aiseeh, yale mambo uliyokuwa unafanya jana bila aibu unakumbuka?”

PRISCA: “Hahahaa kwani vibaya Insider?, Wale ni watu wazima washajua kinachoendelea. Siwezi kuficha hisia zangu kwako kisa wao.

MIMI: “Sawa bhana umefanya vizuri, see you letter. Nilitaka kukujulia hali.”

PRISCA: “Ahsante Insider I love you.”

MIMI: “Byee”

Hii jumatatu pia niliongea kwa simu na Muajemi kupitia Whatsapp na yeye alikuwa bado yuko Saudi Arabia na alikuwa akinijulia hali. Muajemi aliendelea kunisisitiza niendelee kuongea na Iryn ili waende Zanzibar akitoka huko, na alisema hataki kwenda nyumbani ikiwezekana aunganishe moja kwa moja mpaka Zanzibar. Na alisema angerudi mwisho wa mwezi huu April, kwa upande wangu sikutaka kumwambia chochote kinachoendelea kati yangu na Iryn.

Biashara ya Uber ilianza kuwa ngumu hasa upande wa request maana abiria walikuwa wa tabu sana. Kilichokuwa kinanisaidia kipindi hiki ni wale wateja zangu wa bank kuwapeleka sehemu mbalimbali. Wateja wengi walikimbilia kwenye bajaji ili kupunguza gharama za maisha, maana nauli zilikuwa juu sana.

Jumatano Mama wa2 alinipigia simu na akaomba tuonane kwake usiku nikiwa natoka kwenye mishe zangu bhasi nipitie pale nyumbani kwake, na mimi niliukubali ule wito.

Baada ya kumaliza mishemishe zangu saa 2 usiku nilikuwa nimewasili kwa mama wa2 na nilikaribishwa ndani nikakaa seblen na yeye alikuwa jikoni. Na muda huu Pili alikuja seblen na alinisalimia pale,

“Shikamoo.”

“Marahaba mke wangu nimekuja hapa kwaajili yako ujue.”

Pili alionekana kuwa na aibu sana maana hta kuniangalia alikuwa anashindwa. Na wakati huu mama wa2 alikuwa dining akiandaa chakula mezani.

MAMA WA2: “Pili umemwona mme wako? anasema anasubiri umalize shule akuoe.”

Pili hakuwa na chakusema maana alishikwa na aibu sana, nilihisi huenda pili ni Virgin bado sio kwa zile aibu na pia alionekana kujipenda sana, Mama wa2 alikuwa na binti mzuri sana.

MIMI: “Mama mkwe mbona Pili ana aibu hivi? Ana umri gani?”

MAMA WA2: “Sema anakuonea aibu wewe hana lolote. Mwaka huu september anafunga miaka 18.

MIMI: “Pili unasomea nini?”

PILI: “PCB”

MIMI: “Nice kumbe nitaoa doctor.”

Na muda huu Pili alionesha kutabasamu, ila ni lile tabasamu la aibu.

Na muda huu nikaribishwa dining kwaajili ya kula dinna na sikuweza kukataa, japo nilisema nitakula kidogo ili nikirudi home nisigombane na Mama J.

Mimi ndo nilikuwa wa kwanza kumaliza kula na Mama wa2 alishangaa sana.

MAMA WA2: “Insider ongeza chakula hata kidogo maana nilipika kingi kwaajili yako.”

MIMI: “Mama mkwe hata usijali na unanijua vizuri mimi, ukweli ni kwamba navyotoka huko nilikuwa nimekula tayari.”

Nilikwenda kukaa seblen na baada ya dakika 10 Mama wa2 alikuja ili tuongee na alikuwa na bahasha mkononi.

MAMA WA2: “Insider mzigo wako huo hapo.”

Aliiweka ile bahasha mezani na mimi nikaichukua na nilivyoifungua nikaona kuna hela ndani.

MIMI: “Mama mkwe nilijua nina jaza mafomu ya mikopo.”

MAMA WA2: “Insider mkopo mdogo huo huna haja ya kujaza forms nimekusaidia kwa njia nyingine na hakuna riba. Wewe utarejesha hio hio amount, kama utakuwa unakwama marejesho bhasi uwe unasema tujue tunasaidianaje kurejesha.”

MIMI: “Ahsante sana mama mkwe, mimi sikujua unaniitia hili kabisa.”

MAMA WA2: “Kuwa na amani Insider”

Sikutaka kabisa kuuliza maswali sana, niliendelea kukaa pale huku tukipiga story mbalimbali na alisema weekend hii tutakwenda kuangalia nyumba yake anayoijenga Madale.

Niliaga pale kwake na nilimshukuru sana Mama wa2 kwa lile jambo na nikaondoka kurudi nyumbani. Wakati niko njiani nilikuwa na furaha sana kwakweli sikutegemea kupata kile kiasi cha pesa kwa haraka vile.

Habari mbaya kwenye hii week ya kwenda Pasaka, Uber walisitisha huduma za usafiri wa TAX kwenye Application yao, ila huduma za Bajaji na Bodaboda zilikuwa zikiendelea kama kawaida na ilikuwa 14/04/2022 alhamis kitu kama hicho, ila waliendelea na wateja wa Card tu na kampuni ambao walikuwa wameingia nao mikataba.

Hizi zilikuwa ni habari mbaya sana kwa madereva tulikokuwa tukitumia hii App. Kitendo cha Uber kusitisha huduma kwa upande wa magari kilinipa stress sana maana kwa Tanzania wateja wengi wanalipa kwa cash, nikawaza hapa itabidi nitumie Bolt ambayo nilikuwa siipendi.

**********

Ijumaa jioni Mzee Pama alinipigia simu na akaomba jumamosi jioni tuonane kwani ana mazungumzo muhimu na mimi, nilimkubalia na akasema tutakutana pale Budget Bahari Beach. (Mzee wa Ununio mwenye mchepuko wake Kigamboni)

Ijumaa mimi nilikomaa na Bolt na nilipiga kazi mpaka saa8 usiku ndo nikarudi kulala, biashara ilianza kuwa ngumu sana wateja walikuwa wakuokoteza sana. Yaani unaweza kaa hata saa2 bila ya kupata request na hapa ndo nikapata wazo la kununua bajaji, maana nilikuwa nikiwasiliana na madereva wa bajaji walikuwa wanasema kwa kipindi hiki wanapiga sana hela.

Nikakumbuka wife ana pesa kwa Baba yake na kuna kipindi alitaka kuzichukua nikamkatalia, nilimwambia aziache kwanza Baba yake azitunze. Baba yake aliahidi kumpa milion 5 ili zimsaidie kwenye mambo yake. Mzee wake alimwambia zile pesa ambazo anampa zilikuwa ni ada zake za masomo, sababu aliamua kuolewa bhasi atampa zimsaidie kwenye mambo yake.

Nikaplan nitaongea na wife ili tununue Bajaji na itakuwa ya kwake pesa itakayokuwa inapatikana itaingia kwenye mfuko wake. Niliona pale ni wazo zuri maana kama jambo litafanikiwa bhasi nitaweza kupunguza gharama nyingi sana.

Jumamosi ndo siku ambayo nilikuwa na miadi na Mzee Pama, niliamka saa11 asubuhi na hii siku nilipiga sana kazi na angalau pesa niliipata, japo Bolt niikuwa siipendi ila nilikuwa sina jinsi.

Saa11 jioni nilikuwa niko pale Magufuli stand mbezi mwisho nikisubir request na hapo nilikuwa nimeset destination ya Bahari Beach ambako nilikuwa nina miadi na Mzee.

Nilisubiri sana pale lakini sipati request na kuchoma mafuta kutoka mbezi mpaka Bahari beach niliona ni mbali sana afu hasara. Nilisubiri kwa saa 1 na nusu hivi ndo nikapata mteja alikuwa anaelekea Tegeta nyuki karibu na shule ya Canossa.

Baada ya kumshusha abiria nilikwenda na ile barabara ya nyuki inayokuja kutokea Bahari beach ndo nikaunga kwenda Budget.

Nilifika pale saa 2 kasoro lakini kwa upande mwingine mzee alikuwa bado hajafika, na ilimchukua dakika 20 Mzee Pama kufika eneo lile. Mzee Pama alifika moja kwa moja nilikokuwa nimekaa maana nilimuelekeza,

MZEE PAMA: “Nimeona gari yako hapo parking nikajua umefika muda sana, kwanza nisamehe kwa kukuchelewesha najua bado upo kazini.”

MIMI: “Usijali Mzee wangu kuwa na Amani kabisa.”

MZEE PAMA: “Kulikuwa na foleni kali sana pale Africana mpaka najuta kwanini sikupita barabara ya chini.”

MIMI: “Leo ni weekend lazima pawe na foleni, za siku na pole na majukumu Mzee wangu.

MZEE PAMA: “Ahsante sana kijana, kazi zinaendelea vipi kwa upande wako?”

MIMI: “Mzee kwa upande wangu ni ngumu, maana juzi tu hapa Uber wamefunga ofisi yao na wateja wamekimbilia bajaji, nauli ziko juu sababu ya kupanda kwa mafuta.”

MZEE PAMA: “Kweli kabisa bei za Petrol na diezel nimeona ziko juu sana hii ni hatari sana.”

Na muda huu dada alikuwa amefika kutusikiliza, wakati mara ya kwanza amekuja nilimwambia asubiri kidogo.

MZEE PAMA: “Kijana unaweza agiza chochote unachotaka kuwa huru.”

MIMI: “Dada naomba mchemsho wa Kuku na maji ya kunywa”

MZEE PAMA: “Niletee windhock na kuku choma nusu.”

Dada aliondoka na sisi tuliendelea na mazungumzo yetu,

MIMI: “Mzee uliniambia una jambo muhimu unataka kuniambia.”

MZEE PAMA: “Kuna jambo nilitaka unisaidie maana nalifanya kwa siri na sitaki ndugu au mtu yoyote wa karibu yangu alijue. Kwa muda mfupi tuliofanya kazi nimetokea kukuamini sana kijana na wewe ndo unajua siri yangu ya ule mchepuko hakuna anayejua mwingine zaidi yako.”

MIMI: “Kumbe! ni jambo gani mzee usiwe na wasiwasi mimi nitakusaidia kama litakuwa chini ya uwezo wangu.”

MZEE PAMA: “Ile nyumba ya Mbweni nayojenga bila shaka utakuwa unaikumbuka, tulikwenda wote kabla ya kwenda Kigamboni.”

MIMI: “Naikumbuka vizuri kabisa hata sasa naweza kukupeleka, ile mitaa yote ipo kichwani.”

Na muda huu mzee alicheka sana,

MZEE PAMA: “Kijana uko vizuri, sasa ile nyumba ni ya yule mke mdogo, niliamua kumjengea Mbweni ile niwe naye karibu ili hata nikitaka kumwona iwe rahisi. Kwasasa iko kwenye finishing kuna vitu vya kumalizia (kama kuweka makabati jikoni, masink, taa za ndani na nje, kuweka pavings, tiles, kupaka rangi na kutengeneza bustani nknk). Nataka wewe unisaidie kusimamia mpaka finishing ikamalike maana mimi ninasafari na nitarudi 26/04.

Nilishangaa kuona ule mjengo mkali ni wa yule mchepuko wake wa Kigamboni.

MIMI: “Mzee hilo halina shida ni jambo dogo sana kwangu nitalisimamia vizuri kabisa na wewe utafurahi.”

MZEE PAMA: “Sasa nitakukabidhi pesa na nitakupa list ya vitu na material nayohitaji kuweka mle ndani, nakuomba usimamie manunuzi na usitoe hela mpaka kazi iwe imefanyika, Constructor wa kwanza tuligombana alikuwa muhuni huyu ni mpya simwamini bado.”

MIMI: “Mzee hilo ondoa shaka kila kitu kitakwenda vizuri”

MZEE PAMA: “Ahsante sana gharama zako tutaongea nikirudi wewe usiwe na wasiwasi.”

MIMI: “No problem Mzee wangu.”

Tulimaliza maongezi pale na mimi nilikuwa nimemaliza kunywa soup yangu, alifanya malipo na tukaongozana kwenda kwenye gari yake, ilikuwa ni Fortuner mpya kabisa na namba zake za usajili zilisomeka DY.

“Kijana fungua mlango ingia”

Nilivyoingia ndani Mzee alifungua drow na akatoa bunda za pesa ambazo alisema jumla ni 37 million.

MZEE PAMA: “Makubaliano yetu ni 36.5 million, hapo itabaki laki 5 hiyo itakusaidia mafuta, chakula na mambo mengine.”

Na muda huu akatoa karatasi ambayo imeandikwa mahitaji ya kununua kwaajili ya ujenzi.

MZEE PAMA: “Na haya ndo mahitaji yenyewe naomba uwe makini sana kwenye hizi materials, huku ndo tunakopigwa hela sana na unaweza wekewa fake, hakikisha fundi hakuzidi ujanja.”

MIMI: “Mzee hili halina shida kwangu wewe fahamu umekutana na mtu sahihi.”

MZEE PAMA: “Nikirudi tutaonana na ujenzi unaendelea kule, jumatatu unaweza kwenda kuanza kukagua, nitampa namba yako na wewe nitakupa namba ya fundi, mimi naondoka kesho ila tutakuwa tunawasiliana kwa whatsapp”

Mzee alinipa namba ya simu ya constructor na alitoa bahasha ili niweke zile pesa na tukaagana muda huo.

Mimi nilikwenda kwenye gari yangu na nikaziweka zile Pesa kwenye drow na nikaanza safari ya kurudi home. IST ilikuwa imebeba pesa za kununua wenzake kama watatu hivi, zilikuwa Pesa nyingi sana na sikuelewa kwanini Mzee Pama kaniamini sana vile.

Barabarani niliendesha gari kwa spidi sana maana niliogopa nisije kutekwa na Pesa za watu muda ule, na mapema tu nilikuwa nimefika home.

Na huu usiku Mama wa2 alinipigia simu akafanya booking ya gari kwaajili ya kesho ambayo ni Pasaka na tukakubaliana tuonane kwake 08:00 asubuhi.

********

Asubuhi nilimka mapema nikafanya mazoezi ya viungo kwa ujumla na baada ya hapo nikaingia bafuni kuoga na muda huo mama J alikuwa amelala bado.

Wakati navaa ndo nasikia Mama J akiniita,

WIFE: “Baba J asubuhi yote hii unakwenda wapi? Inamaana hujui leo kuna sikukuu?”

MIMI: “Mke wangu nakwenda kutafuta hela si unajua leo sikukuu kazi ni nyingi, hata leo na kazi na mtu.”

WIFE: “Sawa ila sisi tunakwenda kula sikukuu nyumbani.”

MIMI: “Mimi sina tatizo kama umeridhia ni jambo jema kuwa na familia labda unambie utahitaji kiasi gani cha pesa nikupe.”

WIFE: “Tutatoka out pia wewe utakayoona inatosha sawa tu.”

MIMI: “Afu naomba tuongee jambo ili ukienda huko nyumbani uone unafanyaje.”

WIFE: “Jambo gani?”

MIMI: “Nataka tununue Bajaji maana Uber imekuwa ngumu kwa sasa wateja wamekimbilia Bajaji. Ulisema kwa mzee wako kuna hela kama unaweza ongea naye akupe hizo hela, lengo langu hio bajaji iwe yako na Pesa itakayokuwa inapatikana itaingia kwako. Nataka kupunguza gharama si unaona tuna ujenzi kule na pesa zinaishia kule?. Ukifanikisha hili sasa hapo nitakupa mpango mzima.”

WIFE: “Sawa ni jambo zuri sana nitaongea na Mzee na nitakupa mrejesho badae nikirudi.”

MIMI: “Ila usiseme lolote kwa Mzee, wewe angalia ni namna gani utaongea naye ili akupe hizo hela, usiongee masuala yoyote.”

WIFE: “Nimekuelewa Baba J usiwe na wasiwasi.”

Nilitoa laki moja nikampa zimsaidie kwenye matumizi yake ya sikukuu na mimi nikaondoka kuelekea kwa Mama wa2.

Nilifika mapema kabisa pale nyumbani na nilikuwa getini pale nje, nilipiga honi na Mama wa2 alitoka haraka ni kama alikiwa akinisubiri na alitoka na mwanae Pili wakaingia kwenye gari.

“Insider mambo, nataka twende sokoni sasa sijui twende wapi nahitaji na Kuku wa kienyeji wawili wakubwa”

“Hapa uhakika na soko kubwa twende Tegeta nyuki naamini utapata unachotaka.”

“Sawa twende bhasi chap.”

Tulikwenda Tegeta Nyuki sokoni kufanya manunuzi na siku hii soko likikuwa na wateja sana hata parking zilikuwa za shida. Tuliingia sokoni kufanya manunuzi na mimi nilikuwa nikimsaidia kufanya manunuzi na kupeleka mizigo kwenye gari.

Mimi hata niwe smart vipi kwenye suala la kuwasaidia wateja nilikuwa active sana, na hiki kilifanya wateja wanipende sana.

Tulitumia kama 1 hour hivi mpaka kumaliza manunuzi na baada ya hapo tulirudi home.

MIMI: “Mama mkwe mbona leo umenunua vitu vingi sana?”

MAMA WA2: “Na wageni leo ndomana, kuna rafiki zangu wa kazini wanakuja na pia kesho nina ugeni wa mdogo wangu kutoka Moshi.”

PILI: “Mama kumbe mamdogo Joana anakuja kesho.”

MIMI: “Kumbe una mdogo wako hongera sana.”

MAMA WA2: “Ehh Pili anakuja kesho…..Insider kesho tutakwenda AirPort kumpokea wote.”

MIMI: “Sawa haina shida Mama mkwe.”

Tulirudi pale kwa Mama wa2 na nikawasaidia kutoa vitu kwa gari na nikaingia ndani kupata Breakfast.

Na wakati niko kwa Mama wa2, Maggy pia alinipigia simu kuniwishi Pasaka na akanambia kama sitojali niende kwake maana hana kampani.

Mama wa2 hii siku alionekana kuwa busy sana na mimi sikutaka kuendelea kukaa pale na nilitamani sana kuondoka.

MIMI: “Mama mkwe kuna kazi yoyote ya mimi kufanya? Nataka nikukimbie.”

MAMA WA2: “Insider kwakweli hakuna nilitamani sana twende kule Madale ila tutakwenda kesho. Unataka kuondoka na hujala? Subiri chakula.”

MIMI: “Usijali nitakula kesho acha nikawasalimie ndugu zangu.”

Nilitoka pale kwake ilikuwa saa 7 mchana na wakati niko kwenye gari nilimpigia simu Prisca kumuwish sikukuu ya Pasaka. Na pia hii siku nilitamani sana ningeimaliza na prisca.

MIMI: “Hi bae, happy Easter”

PRISCA: “Thank you honey nilikuwa naogopa kukupigia maana nilijua upo nyumbani na mke mkubwa.”

MIMI: “Yeah sure ulifanya vizuri.”

PRISCA: “Honey karibu home bhasi hapa napika vitamu kwaajili yako, are you coming?”

MIMI: “Mmmh hata wewe unajua kupika? Hahahahahaha.”

PRISCA: “So unanicheka kwamba sijui kupika?, Insider hizo dharau has to stop.”

MIMI: “Baby utani tu unachukia, nilitaka kuspend na wewe leo vipi it’s possible?”

PRISCA: “Kwa leo ngumu maana mzee yupo na amesema tutatoka out kama family badae, pia niko period hapa mwenzako.”

MIMI: “Oohh sawa haina shida have funny mummy.”

Niliona Prisca hana deal tena kaanza kuniletea story za period tena na nikasepa zangu kwenda kwa Maggy Mikocheni.

Baada ya kufika Mikocheni kuna duka niliingia nikanunua wine na soda na mazaga mengine huyo nikaelekea kwake. Nilivyofika pale kwake nilifungua geti na nikaingia ndani na nikapark gari usawa wa apartment yake.

Niligonga mlango haikuchukua muda alitoka kufungua lakini alishangaa baada ya kuniona mimi ni kama hakuamini hivi.

MAGGY: “Yaani Insider sikujua kama unakuja ujue.”

MIMI: “Unipe mwaliko afu nisije? haiwezekani kabisa.” Na muda huu nilikuwa nampa ule mfuko.

MAGGY: “Waow! Umenunua nini?, Jamani thank you, karibu ndani.”

Niliingia ndani akafungua ile wine na akaniletea glass.

MAGGY: “Insider wewe endelea mimi napika huko jikoni. Nimefurahi kukuona maana nilikuwa bored hatari kuna best yangu kanipiga chini.”

MIMI: “Wewe endelea usijali.”

Maggy alionekana kufurahi sana muda huu ni kama nilimsaprize sana kwa upande wake. Na mimi nilikaa seblen nikaona acha niende jikoni tukaendelee na story.

MIMI: “Nakuona upo busy mwenyewe.”

MAGGY: “Nataka nimalizie kupika chap hapa vitu vingine nilikuwa nishapika tayari.”

MIMI: “Leo nitaonja mapishi yako kwa mara ya kwanza.”

MAGGY: “Hahahaa hivi hujawai eeh”

MIMI: “Sijawai zaidi ya mayai ya kukaanga”

MAGGY: “Usijali mimi niko vizuri sana jikoni. Insider nimefurahi sana ujio wako ujue maana niliona siku ishaanz kuwa mbaya.”

MIMI: “Usijali mimi nipo na wewe mpaka majogoo kama utataka, I’m not going anywhere.”

MAGGY: “Badae itabidi tutoke out bhasi au unaonaje.”

MIMI: “Nishasema nipo hapa kwaajili yako wewe utakachosema mimi nitakusikiliza leo.”

MAGGY: “Umetoka kazini?”

MIMI: “Hapana leo sikukuu napumzika, pesa zipo tu.”

MAGGY: “You are right.”

MIMI: “Ukiwa jikoni unaonekana kuwa sexy sana.”

MAGGY: “Mmmh Insider kweli? mimi naona unanizingua tu hapa.”

MIMI: “Kweli you look so sexy”

MAGGY: “Mmhh”

Tulipiga sana story hii siku na Maggy ila kwenye mazungumzo yetu nilikuwaga sithubutu kabisa kuongelea suala la mahusiano yake. Maana ningempa greenlight ya kuuliza mahusiano yangu na mimi sikutakaga wateja zangu wajue maisha yangu.

Saa 11 jioni tulitoka na tulikwenda “Cape Town Fish Market” tulikaa pale mpaka saa 5 usiku. Sikutegemea kuona Maggy kuwa mnywaji mzuri wa pombe kiasi kile na alizipeleka Savannah 8. Kwani nilikuwaga namchukuliaga mwanamke ambaye yuko busy na mambo yake. Maggy alionekana kulewa sana hii siku.

Tulitoka pale Capetown mpaka saa 6 usiku kasoro na nilidrive mpaka Mikocheni anakoishi. Nilifungua geti na nikaingiza gari ndani, na muda huu Maggy alioneka kalewa sana tofauti na wakati tunatoka kule Capetown. Japo alikuwa anajitambua, nilimsaidia kumtoa kwa gari na tukaingia ndani.

TO BE CONTINUED
 
Uzi huu umenifanya niwe na wivu wa maendeleo aisee nizidi kupambana , pia hapa bongo dili ziko nyingi za pesa ndefu ishu ni kuichezesha akili na kubali kula na wakubwa aisee , vijana tusiwe waoga mtu muoga hufa kabla ya kifo , ukiangalia kama dili za huyo msomali aisee ni noma sana , mimi kwa Sasa nipo tayari kwa ishu yoyote isipokua ushoga na kuua mtu basiii
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register