Nakumbuka El Nino ya mwanzo 1998 mamlaka ya hali ya hewa ilitoa utabiri na angalizo kua mvua zitakua kubwa sana na watu wachukue tahadhari ikiwa ni pamoja na kuhama mabondeni
Watanzania kama kawaida yao wakapuuza, sababu tu kulitokea mabadiliko kidogo kwenye utabiri. Mvua zikachelewa na vipindi vya jua kali vikawa virefu kidogo kuliko ilivyo tabiriwa
Miongoni mwa waliopuuza utabiri ni pamoja na watumishi waandamizi wa serikali. Aliyekua Katibu Mkuu wa Wizara ya Nishati na Madini wakati huo alizungumzia kwa kejeli kuhusiana na kukosekana kwa mvua
Kina cha maji katika mabwawa ya Mtera na Kidato ambavyo vilikua ndio vyanzo vikuu vya kuzalisha umeme nchini kilikua kimepungua kwa kiasi ambacho hakikuwahi kushuhudiwa katika historia ya mabwawa hayo na kukawa na tishio la kukauka kabisa
Ndipo Kiongozi huyo mwanadamizi wa Wizara(kama kumbukumbu zangu ziko sahihi alikua Ekiakimu Maswi) akatoa kauli kua mgao wa umeme utaendelea maana mabwawa yanaelekea kukauka na hata mvua inyeshe miaka kumi mfululizo haziwezi tena kujaza mabwawa hayo
Bwana eeh, hazikupita hata siku kumi mvua zikaitika! Zilikua mvua kubwa sana za kupita kiasi, mvua za uharibufu na madhara, mvua za shari zilizogharimu maisha ya watu, mali zao kama mazao shambani na majumba na miundombinu mbalimbali ya serikali kama barabara, njia za umeme na simu nk. Zilikua Mvua za El Nino
Ndani ya siku chache mabwawa yote ya Kidatu na Mtera yakawa yanatapika! Kingo zake zikasalimu amri kwa maji na sasa yakaenea katika makazi ya watu na kuzidi kuleta maafa badala ya heri
Tusipuuze tahadhari za wataalamu. Ingawa kuna wakati mwingine kunaweza kua na mabadiliko kiasi fulani kwenye utabiri wa hali ya hewa
