GE2025 Kada wa CCM apinga uteuzi wa Samia kugombea urais (Barua kwa msajili wa vyama)

GE2025 Kada wa CCM apinga uteuzi wa Samia kugombea urais (Barua kwa msajili wa vyama)

Matukio, Taarifa, Habari na Mijadala ya Wananchi WAKATI wa Mchakato wa Uchaguzi Mkuu 2025
gstar said:
Ndug. Davidilevi Nestory Kindikwa
Mwanachama wa Chama cha Mapinduzi (CCM)
KWIMBA, MWANZA

Kwa
MSAJILI WA VYAMA VYA SIASA
Viwanja vya Nanenane Nzuguni
S.L. P 2851
DODOMA.

YAH: MGOMBEA URAIS WA CHAMA CHETU CHA CCM KUKOSA SIFA

Tafadhali rejea somo la hapo juu.
Mimi ni mwanachama wa Chama cha Mapinduzi (CCM) wa Tawi la Nyamatala, wilayani Kwimba mkoa wa Mwanza.

Nikiwa na wajibu wa kulinda Katiba, Kanuni na Sheria kama mwanachama wa CCM na kama raia mwenye na Jamhuri ya Muungano wa Tanzania, natatandiki kuhusu mchakato wa upatikanaji wa mgombea wa chama changu cha Mapinduzi (CCM) wa nafasi ya Urais wa Jamhuri ya Muungano wa Tanzania Mh. Samia Suluhu Hassan, kuwa haukuzingatia utaratibu wa kikatiba wa chama chetu, hivyo anakosa sifa za kuwa mgombea.
Mchakato wa upatikanaji wa Mheshimiwa Samia Suluhu Hassan uliofanyika katika Mkutano Mkuu wa Taifa wa Chama chetu tarehe 19 Januari, 2025 uliikuka katiba na kanuni za chama, haukuzingatia ushindani wa kidemokrasia ndani ya Chama chetu na pia uliikiuka kanuni muhimu ya mgogano wa kimaslahi kama ninavyofafanua hapa chini:-

1. Ukiukaji wa Katiba na Kanuni za Chama

a) Kwa kuzingatia Ibara ya 105(7)(b) ya Katiba ya CCM, Kamati Kuu ya chama inapasswa kufikiria na kuwasilisha kwa Halmashauri Kuu mapendekezo ya majina yasiyozidi matano (5) ya wanachama wa CCM kwa ajili ya uchaguzi wa Mkutano Mkuu wa Chama. Hatuu hii haikufanyika. Vina la Mh. Samia Suluhu Hassan haijawahi kupendekezwa na kikao chochote cha Kamati Kuu ya Halmashauri Kuu ya chama chetu kuwa mgombea wa nafasi ya Urais wa Jamhuri ya Muungano wa Tanzania. Badala yake, lilikubwa na kwenye mkutano mkuu.

b) Kwa kuzingatia Ibara ya 103(12)(b) ya Katiba ya CCM, Halmashauri Kuu ya chama inapasswa kufikiria na kuwasilisha mkutano mkuu wa Chama mapendekezo ya majina yasiyozidi matatu (3) ya wanachama wa CCM ili miingoni mwao kuchaguliwe mmoja kuwa mgombea Urais wa Jamhuri ya Muungano wa Tanzania. Hatua hii pia, ambayo ni takwa la kikatiba haikufanyika. Mh. Samia Suluhu Hassan hakuwahi kupendekezwa na Halmashauri Kuu kwa Mkutano Mkuu ili ateuliwe kuwa mgombea wa nafasi ya Urais. Zaidi, mpaka leo Halmashauri Kuu ya CCM taifa haijawahi kukaa na kupitia majina ya wanachama wa CCM wanaopendekezwa kwa Mkutano Mkuu kwa wagombea Urais.

c) Kifungu cha 7(2) cha Kanuni za Chama toleo la mwaka 2022 za Uteuzi wa wagombea uongozi katika vyombo vya dola zinaelekeza wagombea kuchunguzwa na Kamati ya Usalama na maadili. Uteuzi wa mgombea wetu Mh. Samia Suluhu Hassan haukuchunguzwa na vyombo hivi vya chama, hivyo kukiuka matakwa ya kanuni zetu.

d) Vikao vya Sekretarieti ya Kamati Kuu ya CCM Taifa havikuketi na kuandaa ajenda wala utaratibu wa uchaguzi wa kumpata mgombea Urais jambo ambalo limekiuka Ibara ya 108(1)(d) ya Katiba ya Chama chetu.

e) Mgombea wa chama chetu CCM aliteuliwa bila kuchukua fomu ya kugombea na bila kupata wadhamini kwa mikoa 15 kama ambavyo Kanuni zetu za Uteuzi wa Wagombea Uongozi katika Vyombo vya Dola zinaelexeza. Aidha kifungu cha 6(4)(b) na (b) vinaeleza mgombea wa CCM wa nafasi ya kiti cha uchukuwa fomu na kupitishwa kwenye mchakato wa uteuzi wa vikao vya kitaifa ambavyo vina jukumu, wajibu na madaraka ya kuchunguza kwanza uadilifu na mwenendo wa mgombea.

Ni maoni yangu kuwa, ikiwa utaratibu wote huu uliukrwa, haukufuatwa, na mgombea wa chama chetu CCM kupatikana pasipo kuzingatia utaratibu huu wa kikatiba na kikanuni, basi ni wazi Katiba ya chama chetu iliivunjwa na hivyo mgombea aliyepatikana ni batili. Mgombea halali ni yule anayepatikana kwa kuzingatia utaratibu na masharti yaliyowekwa na Katiba pamoja na Kanuni za chama chetu.

2. Ukosefu wa Fursa ya Ushindani wa Kidemokrasia

Mgombea wa chama chetu alipatikana pasipo kuhusisha mchakato wa ndani ya chama wa uchaguzi. Mchakato wa kumpata mgombea haukuwahi kutangazwa. Hapakuwa na kalenda ya uchaguzi wala wanachama hawakupata fursa ya kuchukua fomu ili waweze kuomba nafasi hiyo.

Hii imekiuka Ibara ya 14(3) ya Katiba ya chama chetu, CCM inayotoa haki kwa kila mwanachama kuomba na kuchaguliwa na kuchagua. Wanachama wa CCM hawakupata nafasi ya kuomba nafasi ya mgombea Urais wa Jamhuri ya Muungano wa Tanzania kama ambavyo fursa hiyo imepatikana kwenye nafasi nyinginezo za Ubunge na Udiwani.

Kitendo cha chama kutokutoa nafasi kwa wanachama wote kuchukuwa fomu na kuomba, ni kitendo cha kiimla, kisichotoa nafasi ya ushindani wa kidemokrasia. Hatua ya chama chetu CCM kutoruhusu mchakato wa kuchukua fomu na kuomba nafasi hiyo, moja kwa moja kinasadifu kuwa wanachama wengine isipokuwa mmoja pekee ndani ya Chama, wenye nia ya kugombea nafasi hiyo, tulinyimwa kwa makusudi.

3. Mgongano wa Maslahi

Katika sheria, kuna kanuni kuwa hakimu hatakiwi kuwa mwamuzi wa kesi yake mwenyewe. Kanuni hii hutumika pia kwenye vikao vya taasisi za kisiasa kama hii ya chama chetu, ambapo mwenyekiti wa kikao hupisha mtu mwingine aendeshe kikao pale panapokuwa na hoja au ajenda ambayo yeye ni mnuafaika. Matalani, pale panapokuwa na uteuzi au uchaguzi ambao yeye ni miingoni mwa wagombea. Lakini, katika uteuzi wa mgombea urais wa chama chetu CCM, Mh. Samia Suluhu Hassan, kanuni hii haikuzingatiwa.

Kwa mujibu wa beteri za kidemokrasia, mtu mwenye maslahi, lazima apishe kikao kinachotoana jambo linalomhusu. Mwenyekiti wa CCM Samia Suluhu Hassan alionekana akiendesha kikao cha Mkutano Mkuu wa tarehe 19 Januari 2025 kilichomtua. Jambo hili lina mgongano wa kimaslahi wa moja kwa moja.

Kitendo cha Mh. Samia Suluhu Hassan kuendelea kukalia kiti cha mwenyekiti wakati wa ajenda ya kupitishwa kwake kuwa mgombea, kinamaanisha kuwa alitumia nafasi yake kusukuma ushawishi wa kimaamuzi ili ateuliwe kuwa mgombea jambo ambalo ni kinyume na misingi ya kanuni za uchaguzi na demokrasia ndani ya chama chetu. Ni imani yangu kuwa jambo hili pia, linaondoa uhalali utaratibu mzima wa uteuzi wa mgombea urais wa chama chetu.

Ndugu Msajili,

Kifungu cha 4(5)(b) kikisomwa pamoja na kifungu cha 6A(2) cha sheria ya Vyama vya Siasa sura ya 258 R.E 2019 vinaweka masharti na kuelekeza kuwa, chama cha siasa kinapaswa kueonesha kwa kuzingatia Katiba ya Nchi, Sheria za Nchi, Sheria ya Vyama vya Siasa, Katiba na Kanuni za chama husika. Vilevile, Msajili amepewa madaraka ya kufuatilia chaguzi na teuzi za ndani ya vyama ili kujiridhisha kama zimefuata na kuzingatia sheria na kanuni.

Kwa kuzingatia hoja hizo, ninaomba kwa kutumia madaraka uliyopewa na sheria kama nilivyosema hapo juu uelekeze mgombea wa nafasi ya Urais wa Jamhuri ya Muungano wa Tanzania kupitia chama chetu, Chama cha Mapinduzi, Mh. Samia Suluhu Hassan aondolewe na uelekeze mchakato wa upatikanaji wa mgombea Urais wa Chama chetu utakaofuata na kuzingatia Sheria, Katiba na Kanuni za Chama uanze upya.

Ni matumaini yangu hoja zangu zitazingatiwa na hatua kuchukuliwa.

Nakutakia utendaji mwema.

Kidumu Chama cha Mapinduzi

Wako,

Davidilevi Nestory Kindikwa
Mwanachama wa CCM
Kwimba, MWANZA

NAKALA:
Katibu Mkuu wa CCM Taifa (kwa taarifa)
Mkurugenzi wa Tume Huru ya Taifa ya Uchaguzi (kwa taarifa na hatua)View attachment 3448250View attachment 3448254View attachment 3448255
Click to expand...
Barua feki haina kadi namba ya mwanachama
 
Yule wakuitwa sista atachukua na likizo kukimbia🤣🤣
 
Nitasoma baadae ngoja nimtafute Polepole kwanza
 
Sasa bwana Mutungi Anaweza kuifungia ccm kama alichofanya kwa chadema?

Huu ni Mchezo wa Tom & Jerry 🏃

Wacha tusubiri Nondo za Bwana Pole pole Leo Anapinga kichwa.
 
Hii ndiyo hatua ambayo wanachama wa CCM walipaswa kuchukua mapema mara walipoona katiba, kanuni na utaratibu wa uteuzi wa mgombea u Rais ndani ya chama chao umevunjwa na kukiukwa...!

Msajili wa vyama vya siasa hana option ila kuchukua hatua kwa kumtaka katibu mkuu CCM kutoa maelezo kujibu hoja hizi haraka kabla ya tarehe 29/8/2025 kama alivyofanya kwa malalamiko yanayofanana na haya ya mwanachma wa ACT Wazalendo kulalamikia utaratibu, kanuni na katiba ya chama kukiukwa kumteua Luhaga Mpina kuwa mgombea Uraia kwa tiketi ya chama hicho...

Aidha malalamiko haya yanafanana na ya mwanachama wa CHADEMA Lembros Mchome aliyekilalamikia chama kwa kukiuka taratibu, kanuni na katiba ya chama katika uteuzi wa sekretariati ya chama (Katibu mkuu, manaibu wake Tanganyika na Zanzibar) na baadhi ya wajumbe wa kamati kuu uliofanywa na Mwenyekiti mpya Tundu Lissu tarehe 21/1/2025...

Msajili wa vyama vya Siasa Jaji Mtungi, haraka haraka alichukua hatua na kutangaza kutowatambua viongozi hao na kuagiza mchakato wa kuwateua kurudiwa upya kwa kutumia vikao halali vinavyokidhi hitaji la katiba...

Hakuishia hapo, Msajili wa vyama vya siasa alizuia ruzuku ya chama kwa kigezo kuwa chama hakina uongozi wa kusimamia matumizi ya fedha hiyo..!

Tunataka tuone kwenye malalamiko haya mawili (ACT WAZALENDO & CCM) ambayo ni mabaya zaidi, makosa yao ni ya wazi zaidi kuliko ya CHADEMA kwa mbali atafanya nini. Atatenda haki au tutajionea na kuthibitisha unafiki na matumizi mabaya ya mamlaka ya ofisi ya msajili wa vyama vya siasa ya kuadhibu wengine na kuwaacha wengine kwa makosa yanayofanana..??

Tego hilo....
 
japo wanapoteza muda , ila waendelee kuwasha mashambulizi it iz vere nice
 
Kwa mujibu wa hiyo barua na vifungu alivyovitaja muandishi ni kweli kabisa kuna uvunjifu mkubwa wa katiba ya nchi pamoja na katiba ya ccm , haki itendeke katika hili
 
Napita kitahilatahila🚶‍➡️🚶‍➡️🚶‍➡️🚶‍➡️
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register