Kanda ya Mashariki ya Kati yakaribisha nafasi ya kiujenzi ya China

ldleo · 2023-04-20T06:15:40+00:00

Mkutano mwingine kati ya Saudi Arabia na Iran uliofanyika hapa Beijing umeonyesha kuwa China ni nchi inayotetea amani, na sera zake zinaendana na matakwa ya nchi za Mashariki ya Kati. Waziri wa Mambo ya Nje wa Iran Hossein Amir-Abdollahian na mwenzake wa Saudi Arabia Mfalme Faisal bin Farhan Al Saud walikutana hivi karibuni hapa Beijing, na mkutano huo ulikuwa ni mkutano wa kwanza rasmi kati ya wanadiplomasia wa ngazi ya juu wa nchi hizo mbili kwa zaidi ya miaka saba. Uamuzi wan chi hizo mbili kukutana nchini China kwa mara nyingine tena ni mwendelezo wa makubaliano yaliyofikiwa Beijing tarehe 10 mwezi Machi, 2023, ya kuanzisha tena uhusiano wa kidiplomasia na kufungua tena balozi za nchi hizo. Hii ni ishara chanya kuwa nchi hizo mbili zinaelekea kwenye maridhiano zaidi ya uhusiano ambao tayari umeanza kurejea. Profesa Liu Zhongmin wa Taasisi ya Elimu ya Mashariki ya Kati katika Chuo Kikuu cha Elimu ya Kimataifa cha Shanghai anasema, mkutano wa wadadiplomasia hao mjini Beijing pia unatoa ishara kuwa China itaendelea kuchukua nafasi muhimu katika kuendeleza amani katika Mashariki ya Kati katika siku zijazo. Anasema, katika mchakato huu, China, kama upande wa tatu unaoweza kutoa mchango muhimu katika kurejesha tena uhusiano wa kidiplomasia kati ya nchi hizo mbili, inaweza kutakiwa kuendelea kuchukua nafasi ya mpatanishi na mratibu. Mtafiti katika Taasisi ya Uhusiano wa Kimataifa ya China, Tian Wenlin anasema, Saudi Arabia na Iran ziko tayari kuiamini China kimsingi kwa sababu ya taswira chanya ya China katika jamii ya kimataifa, ikiwemo Mashariki ya Kati. Ametolea mfano sera za china, kwamba zinaendana na maslahi ya nchi za Mashariki ya Kati, huku zile za Marekani zikiendeleza vitendo vya upande mmoja na umwamba, kulazimisha maslahi yake yenyewe katika kanda hiyo. Saudi Arabia na Iran zote zinafahamu, kutokana na makubaliano yao ya muda mrefu na Marekani, kuwa nchi hiyo haitabiriki. Marekani inafahamika kwa kutumia vurugu na migogoro katika kanda ya Mashariki ya Kati, hususan kati ya Saudi Arabia na Iran, ili kuendeleza vurugu katika kanda hiyo na kuonyesha ushawishi wake katika eneo hilo. Hivyo, Marekani kuanzisha vurugu, kutengeneza migogoro, na kusababisha uharibifu wa kihistoria katika uhusiano wa kidiplomasia kati ya Saudi Arabia na Iran, kunazifanya nchi hizo mbili kutoiamini Marekani kirahisi. Tofauti na hapo, sera za kigeni xa China kwa Saudi Arabia, Iran, na nchi nyingine za Mashariki ya Kati kwa ujumla ni za msimamo wa usawa na kutopendelea upande wowote, na daima China imekuwa ikijitahidi kupunguza mivutano na kutetea maridhiano kati ya nchi za kanda hiyo. China iko tayari kuchukua nafasi ya mratibu katika kumaliza migogoro kwenye kanda ya Mashariki ya Kati, na msimamo wake wa usawa, uwazi na usio na upendeleo, na pia ushirika wake wa awali na Saudi Arabia na Iran, vimejenga uaminifu mkubwa kati ya China na nchi hizo mbili, hali ambayo ni tofauti na jinsi Marekani inavyoshughulikia masuala husika. Katika miaka ya karibuni, uhusiano kati ya Marekani na Saudi Arabia umepata mabadiliko makubwa. Uhuru wa kujitawala wa Saudi Arabia umeendelea kuongezeka, na mikakati ya kiuchumi inayofuatwa na nchi hiyo haitegemei tena Marekani, na zaidi ya yote, nchi hiyo imeacha kuitegemea Marekani kisiasa. Kwa sasa, nchi hiyo inaongeza uwekezaji wake nchini China, na inatafuta upatanishi wa China katika uhusiano wake na Iran. Hisia za kuipinga Marekani katika eneo la Mashariki ya Kati zinaonekana wazi, na si Saudi Arabia kwa pekee, kwa kuwa ushiriki wa Marekani katika kanda hiyo unaonekana kuwa na lengo moja la kuchukua kwa nguvu rasilimali ya mafuta. Kwa Marekani, nani anaungana naye na nani anatengana naye, imewekwa wazi katika mkakati wa nchi hiyo, wa maslahi ya nchi hiyo pekee, jambo ambalo liko wazi kwa kila mtu. Lakini, hakuna anayetaka kuwa chombo cha kutumiwa na nchi hiyo milele. Pia, Marekani inataka kubadili kanda ya Mashariki ya Kati kuwa uwanja wa vita kwa ajili ya nguvu zaidi ya ushindani wa siasa za kijiografia, jambo ambalo nchi nyingi za kanda hiyo zinalipinga. Marekani bado inaishi katika wingu la umwamba wake na mahitaji yake, lakini, hata hivyo, kama kila mtu anavyojua, dunia inasonga mbele. Kwa ufupi, Marekani inapaswa kutambua kuwa, masuala ya Mashariki ya Kati, yanapaswa, na yataamuliwa na nchi husika za kanda hiyo, na si kwa mabavu wala maslahi ya upande mwingine.

Thread starter ldleo
Start date Apr 20, 2023
Tags

china kanda mashariki mashariki ya kati nafasi

ldleo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Kanda ya Mashariki ya Kati yakaribisha nafasi ya kiujenzi ya China

ldleo

JF-Expert Member

Our Community

Regional Communities