Kati ya polisi na raia nani anatakiwa kutenda haki?

Jeshi la polisi ni chombo muhimu sana kwa ulinzi wa taifa lolote lile.

Hiki ni chombo amabacho kina jukumu la kulinda usalama wa raia na mali zao.

Lakini katika kulinda usalama wa raia na mali zao polisi wanatakiwa kutimiza majukumu yao kwa mujibu wa sheria ili kulinda haki za raia.

Raia nao wana wajibu wa kutii sheria za nchi ili kuhakikiasha amani na usalama wa nchi unakuwepo.

Kama raia akitokea akavunja sheria za nchi basi sheria ifuate mkondo wake.

Lakini kumekuwepo na lawama nyingi sana kwa jeshi la polisi. Kupiga watuhumiwa, kuua watuhumiwa na hata kudhulumu mali za watuhumiwa.

Hakuna anayepinga jeshi la polisi kutumia nguvu pale inapobidi. Lakini nguvu gani za ziada zinahitajika kwa mtuhumiwa akiwa mahabusu ya polisi? Kwa nini malalamiko ya watu kupoteza ndugu zao wakiwa mikononi mwa polisi ni mengi?

Sasa hivi Tanzania ni taifa lilioendelea hivyo linahitaji jeshi la polisi lisilokuwa na chuki na wananachi.

Nadhani Kuna mmomonyoko wa maadili katika jeshi la polisi,labda mmomonyoko huu unatokana na mfumo wa ajira uliokuwepo kipindi fulani ambapo,ajira nyingi walipata watoto wa polisi line.Kwa hiyo wanalindana wakifanya makosa/mambo ya kinyume na maadili ya kazi yao,utakuta wanalindana badala ya kurekebishana (hii inasababisha raia kunyimwa haki zao).

Kazi /Majukumu mama ya Jeshi la Polisi ni" kulinda Usalama wa raia na Mali zao," inasikitisha kuona baadhi Askari wachache wanafanya mambo kinyume.

IGP hawa Askari wachache watukutu,usiwafumbie macho,toa onyo kadi ya njano na wakirudia rudia wape kadi nyekundu kwa majibu wa sheria na taratibu na staff rules za Jeshi la polisi.ili jeshi la polisi lisipakwe matope.