Kenya kuanza kutekeleza mfumo wa Recognition of Prior Learning - RPL unatambua ujuzi wa vitendo na Stadi za Kazi

Kenya kuanza kutekeleza mfumo wa Recognition of Prior Learning - RPL unatambua ujuzi wa vitendo na Stadi za Kazi

DodomaTZ

Senior Member
Joined
May 20, 2022
Posts
197
Reaction score
233
Screenshot 2025-11-14 112823.jpg

Kenya imeidhinisha rasmi kuanza kutekeleza mfumo wa Recognition of Prior Learning - RPL mfumo ambao unatambua ujuzi wa vitendo na stadi za kazi zilizopatikana nje ya elimu ya darasani na kuutoa kama njia halali ya kupata vyeti na kujiendeleza kielimu.

Hatua hii imeibua mjadala mpana ukanda wa Afrika Mashariki, huku ikifufua hoja ambayo nchini Tanzania imewahi kuibuliwa bungeni mara kadhaa na Mbunge Eric Shigongo.


Eric Shigongo ambaye katika miaka ya karibuni amelisukuma suala hilo kwa nguvu alipolizungumza mara kadhaa bungeni akishinikiza Serikali irejeshe mfumo huo uliositishwa Mwaka 2017.

Katika michango yake Bungeni, Shigongo aliwahi kusisitiza kuwa RPL ni mfumo unaotumika kwa mafanikio katika mataifa mengi na umewezesha watu wenye ujuzi mkubwa lakini wasio na vyeti kutambulika rasmi, kuendelea na masomo au kupata ajira zinazolingana na uwezo wao.

Kutangazwa kwa mfumo huo nchini Kenya mwaka huu imekuwa ni mfano mpya unaoonyesha umuhimu wa RPL katika kuwainua vijana na wabunifu wanaojifunza kupitia vitendo. Kwa hatua hiyo ya majirani zetu, wadau wa elimu na ajira nchini Tanzania wameanza kurejea mjadala wa Shigongo aliyeendelea kusisitiza kuwa maelfu ya Watanzania wana ujuzi wa thamani lakini hukosa fursa kwa sababu tu hawana vyeti.

Swali ambalo sasa linaibuka upya ni kama Tanzania inaweza kuchukua hatua kama ilivyofanya Kenya na kufufua mfumo uliowahi kuonekana kuwa na manufaa makubwa kwa jamii.
 
Kenya wako mbele sana kielimu, wanatambua ujuzi wa wananchi wao, ni kama wazungu na wachina. Mifumo hii huunda uwanja mpana wa ajira kwa wananchi kuliko kugombania ajira chache za white coller. Wafinyazi, wachoraji, wachongaji na wabunifu wengine wa kazi za mikono watatambuliwa na kuendelezwa. Kenya kitambo sana wana pollytechnical collages wakati bongo kuna NVTC/VETA ambayo haina kozi nyingi za mitaani
 
Kuna wakati VETA hubangaiza kupata mafundi wa mitaani kufanya kazi nyeti kwani kazi hiyo hufanywa na mafundi ambao ufundi wao haufundishwi kabisa VETA wala chuo chochote. Baadhi ya sekondari zilikuwa na option za masomo kama fine art, cookery, needle work, music ambayo hufundishwa mara moja kwa wiki na yapo kwenye mtihani wa taifa. Masomo yalionekana ni ya ziada tu na si ya lazima japo huongeza point kwenye division. OPTION huishia sekondari ya chini tu na hakuna muendelezo. VETA hulazimika kutafuta wachoraji wa mitaani kwa sababu hawana kozi za uchoraji kwenye vyuo vyao na walimu wa kufundisha uchoraji, signwritting, ni shughuli pevu kuwapata
 
Back
Top Bottom