Mkuu ahsante sana kwa uchambuzi wako na nimeuwelewa vilivyo! Ila bado sijaelewa kuhusiana na Lau Masha
Je, huyu mtu yuko kundi gani? la Membe au la EL?
Lau yupo popote pale atakapoelekezwa na ENL. Historia fupi ya Lau na familia: Mzazi Lau (Masha Senior), alikuwa ni mmoja wa wasaidizi wa Mwalimu wakati wa kutafuta uhuru, lakini baadae alikuja kuwa sehemu ya timu iliyokula njama kumhujumu Mwalimu, akabahatika kutoroka nchi kupitia Kenya, na kwenda Marekani (NY), huku wenzake wakitiwa kizuizini. Kutokana na elimu yake nzuri, alipata kazi nzuri sana Umoja wa Mataifa, NY. Na katika maisha yake mapya ukimbizini, aliapia kwamba ipo siku atarudi Tanzania na wanae watakuja kutawala Tanzania, hivyo, akawaandaa kufanikisa hilo. Lau na nduguze waliishi vizuri sana huko New Rochelle, nje kidogo ya jiji la New York, na kupelekewa shule nzuri sana nchini marekani. Baadae hali ya kisiasa ilipobadilika Tanzania, Masha Senior alirudi na wanae Tanzania ili kuja kutimiza ndoto yake. Lau akaingia kwenye uwakili kwa malengo ya kisiasa, huku mdogo wake akaingia jeshini (JWTZ). Mdogo wa Lau ni msomi mzuri wa Chuo maarufu sana cha kijeshi nchini Marekani kinachoitwa West Point College. Pia ana Masters kutoka University of Westminster Uingereza. Lakini cha ajabu, aliporudi Tanzania, akajiunga moja kwa moja na jeshi kama kuruta. Hivi sasa amepanda cheo na kuwa Kanali Masha.
IMMA advocate ilipoanzishwa, iliwavutia mtandao original na wakaanza kuitumia kwa shughuli zao mbli mbali. IMMA pia wakamwahidi JK kwamba watamsomesha Ridhiwani Degree ya Sheria Uingereza bure, na kumwajiri. Walimpeleka Ridhiwani Uingereza kama walivyoahidi, akafeli katikat chuo cha kwanza, akapelekwa cha pili, napo huko akafeli. Sifa zake za elimu hapa Tanzania, pamoja na uwakili wake wa mahakama kuu ni wa kiujanja ujanja, wakufanyiwa mipango pamoja na mitihani na IMMA advocate. Ingawa Bado Ridhiwani ana ukaribu wa kikazi na IMMA, lakini hawapo nae tena kiroho, na hawamtaki, na wameapia kumvua nguo muda utakaporuhusu. Hii inatokana na tofauti zilizojitokeza baina ya God Father wa IMMA (ENL) na Baba mzazi wa Ridhiwani, huku Ridhiwani na yeye akipiga vijembe vya chini kwa chini.
Nilipotoa tahadhari hapo awali kuhusu mazungumzo juu ya ENL huko kwenye mabaa ni kwamba, vijana wote wa mjini wenye akili zao timamu, elimu nzuri, na pesa zao, kama wale wanaojiita G8, na wengineo wengi, wote wapo upande wa ENL, na wapo vitani na wote wale watakaothubutu kuchafua hali ya hewa juu ya God Father. Iwe ni kwenye mabaa, gesti, mahoteli makubwa kwa madogo, gymkhana, maeneo ya starehe ufukweni, au popote pale, vijana hawa wapo kazini, masikio yao ni marefu na mikono yao kunyamazisha maadui, ni mirefu zaidi, kuliko ile iliyopo ndani ya Ghorofa jipya la TISS, Ostabei.