Kilimo cha vitunguu (saumu na maji): Ushauri na Masoko

[Nena]

Safi sna mkuu,

Haya ndio mawazo tunataka hapa JF,

Kuna technolojia mpya na rahisi mno nimeinyaka sehemu juu ya huu ulimaji bado naimalizia resecrh yake nafikiri baada ya miezi sita itakua imekamilika nitaimwaga hapa jamvini.

Kifupi inawezekana kabisa kuchagua ukubwa wa kitunguu chako, kukuza ndani ya miezi miwili tu na kuchangua shape ya kitunguu.

Hii nikiikamilisha nitaileta hapa maana nafikiria kuteka soko lote la Comorro, Kenya na Zanzibar kwa vitunguu bora kabisa na vya bei nafuu na hakuna atakaye shindana na mie.

ulifikia wapi mkuu na tafiti yako?

 

[gervasy]

wakuu hv soko la kitunguu swaumu na kitunguu maji.kipi kinasoko

 

[Nena]

Wakuu naomba nitoe mrejesho wa kilimo cha vitunguu. Nililima ekari 3 na mavuno ni gunia 80 tu. Gharama nilizotumia kuvitunza vitunguu hadi kuvuna ni kama milioni 9 hivi. Bei iliyoko huku shambani ni Tshs. 40,000 Kwa gunia la ndoo 8 a.k.a lumbesa. Kwa maana hiyo nikiuza Kwa bei hiyo nitaambulia kupata Tshs. milioni 3 na laki mbili tu. Kwahiyo sasa nimeamua kuvitunza Hadi mwezi wa pili mwakani na nitakuwa nauza rejareja Kwa ndoo elfu ishirini ili kurudisha pesa yangu niliyotumia. Kwa kifupi ni kwamba mkulima anapunjwa sana. Muuzaji wa mwisho anapiga faida kubwa mno bila kutaabika. Kwa mfano naambiwa hilo gunia la ndoo 8 laweza kuwa na kilo zaidi ya 120 na bei ya kilo Kwa uchache Kwa sasa ni Tsh. 1500. Sasa 1500x120 = 180,000. Kwa uzoefu huu nitaacha kulima niwe naenda kununua tu nakuja kuuza huku Dar. Mfano hizo milioni 9 zangu ningepata gunia 225 badala ya hizi 80 nilizovuna na taabu ya kuhudumia shamba n.k. Nimejifunza kitu.

Pole kwa yaliyokukuta. Bado unaendelea na kilimo cha vitunguu?

 

[elishaeli]

Natamani sana nianze kilimo cha vitunguu maji,nahitaji msaada wa watu wanaolima vitunguu maji maeneo ya Mto RUVU ( nimesikia kuna watu wanalima Ruvu) au kama kuna watu wanaolima kitunguu maeneo ya Kilwa Masoko sehemu iitwayo Makangaga.

Kama kuna mtu analima katika haya maeneo naomba tuwasiliane pia ningependa nifahamu kuhusu Masoko

 

[Kisambo]

Hivi wadau kuna mbegu ya red Bombay huuzwa kwa lita 20, 200000? Me nilipata dukani gram 250,30000 ila kuna mshikaji wangu akaniambia Singida huwa zinapatikana 200000 kwa lita 20, mwenye kujua anijulishe tafadhali

Mkuu zile mbegu huwa mavuno yake siyo mazuri sana.....chukua hiyo ya dukan uwezekano wa kuota ni 90%

 

[Crocodiletooth]

mbona kimya?

 

[Atukilia]

kiukweli waliokuwa wanatushawishi kulima niwaongo, ni vigumu kupata hizo gunia 100 wastan ni gunia 40. pia nimeamin wengi wao nahisi niwafanyakaz wa maeneo hayo kwa hiyo wanakuwa wanakupiga kwenye mbegu. mimi mwaka jana nimejaribu ila nilikuwa tofauti na wenzangu mimi nilinunua lita moja tu za mbegu. kiukweli ni mbegu nyingi sana kwa ufupi wasiozijua ni vimbegu vyenyewe ni saiz ya mbegu ya nyanya . na baada ya kuzihudumia nilifanikiwa kupanda zote na chache zilibaki, pia sikutaka kubana sana kama wengi wetu wanavyoshauri humu eti size ya kiberiti.
kuhusu dawa mara nyingi nilipulizia dawa ya kuzuia wadudu tu tena mara moja kwa wiki kopo nilikuwa nanunua buku tano mpaka navuna nilitumia kopo kumi ambayo total ilikuwa 50000.
mbolea kwetu huku zipo za kununua mchanganyiko ila mimi nilinunua mfuko mmoja mmoja kwa kila mbolea na bei zake kwa mbeya ni
urea 48000
can48000
npk nilikuwa nanunua ya unga inauzwa 5000 na kila baada ya siku 14
sa 45000
uchumi haukuwa mzuri sikununua dap
kuandaa kitalu mpaka kupandikiza jumla ya matumizi ilikuwa35000 na mimk mwenyewe nilikuwa nashiriki.
nilivuna jumla gunia25 kwa eka moja.
NILICHOJIFUNZA
watu wanadanywa kuhusiana mbegu hivo wanajikuta wananunua mbegu nyingi na kumwaga shamban. hata wakati wakupandikiza vitunguu vinabanwa sana hivyo mbegu nyingi inakufa au mkulima anajikuta anapata vitunguu vidogovidogo vingi sana badala ya vile vya wastan. pia mbolea inatakiwa iwekwe kila baada ya siku ishirini na moja na ingependeza upandikize kwa mstari hata wakat wa kumwaga mbolea ufuatishe mstari badala ya kumwaga ovy sabab ukimwaga onyo wakati wakumwagilia mbolea inaweza sombwa na kujikuta ni sehem moja ndo imenawili tena kwa muono wangu ni vyema kupitisha mstari wa kishimo pembeni ya mstari wa vitunguu na uksha mwaga ufukie.
kwa ushauri wangu ni vyema kama ndo unaanza ushiriki mwenye kwa usaidiz wa wafanyakazi kuna uongo mwingi sana unaenezwa ambao ndo unawaliza wengi humu. mtu anakwambia unahukika wa kuvuna gunia 100. wadau gunia linalozungumzwa hapa sio kilo mia ni debe nane ambalo si chini ya kg 130 sasa hata ukiingia kenyanseed.com hizo mbegu za red bombay na redcreole wamekadilia kg 10000 per hectare ambazo ni acre 2.5 pia kitunguu kwa jinsi nilivoona ukijitoa mwenyewe kwa usimamizi mzuri hupaswi kufikisha gharama ya milion. pia tusikariri maeneo mfano lumuma wenyeji washakuwa matapeli wanapokuona mgeni wenyewe wanachofikiria ni kukukamua tu. pamoja na kuwa bei haikuwa nzuri lakini nashukuru gharama yangu ilirudi na faida pia. twenden shamban lakini kabla ya yote tutafute information bila kukurupuka. love you all. sikuwahi kulima ila mwaka huu mungu bariki ntalima kila kitu mpaka nyanya

Ahsante mkuu kwa mrejesho. mimi ndio nataka kuanza. nilishangaa sana eti mbegu lita 20 kwa ekari. kwanza mbegu kipimo ni kilo sio lita mbegu za vitunguu sio maji

 

[Macky]

Natamani sana nianze kilimo cha vitunguu maji,nahitaji msaada wa watu wanaolima vitunguu maji maeneo ya Mto RUVU ( nimesikia kuna watu wanalima Ruvu) au kama kuna watu wanaolima kitunguu maeneo ya Kilwa Masoko sehemu iitwayo Makangaga. Kama kuna mtu analima katika haya maeneo naomba tuwasiliane pia ningependa nifahamu kuhusu Masoko

Kwa mwangaza zaidi jaribu kutembelea

• Tujifunze Kilimo Bora kwa Maendeleo Yetu: Kilimo na Hifadhi Bora Ya Vitunguu Maji
• Tujifunze Kilimo Bora kwa Maendeleo Yetu

 

[Yieen]

Mkuu Malila naomba na mini nisiwe mchoyo wa kutoa shukrani zangu!

Kwa kweli nimekuwa nafurahia sana mchango wako.....na umekuwa muwazi sana.....na hivi ndo wajasiriamali wa Tanzania tunatakiwa tuwe! big up saaaanaaaaa!!!

 

[Yieen]

Kaka naomba uni pm unipe gharama kwa kila hekari kwa maeneo husika

 

[kanyan]

[ATTACH

=full]330346[/ATTACH]

 

[hyman]

[ATTACHView attachment 330346=full]330346[/ATTACH]View attachment 330346

mkuu iyo ni green house au

 

[Kalimati]

Kilimo cha kitunguu

- Andaa shamba lako tayari Kwa upandaji

- Ikiwezekana Pima udongo wako kujua pH yake

- Kitunguu hustawi vizuri kwenye hali yenye ubaridi na Kisha baadae huhitaji jua Kwa ajili ya kukauka. Hii ni kukupa muongozo ni kipindi gani uanze kupanda kutokana na mkoa na pindi za mvua

- panda mbegu yako kwenye kitalu wiki 10 hadi 12 kabla hujahamishia shamani
- Andaa matuta yako Kwa ajili ya kuhamishia miche shambani

- Kawaida wakulima wengi hupanda miche 75,0000 hadi 120,000 ya kitunguu kwenye tuta moja ndani ya eka 1 ikiachiana nafasi ya inchi 2 na inchi 24 kati ya tuta na tuta kulingana na aina ya kitunguu

- Tumia mbolea kama NPK

Kwa maelekezo zaidi wasiliana nasi Kwa kutumia namba zetu za simu au barua pepe info@kilimojoint.co.tz usisahau pia kutufuatilia kwenye Instagram au facebook page yetu KilimoJoint

 

[kiogwe]

Kwangu ni habari njema hii napenda sana kilimo ila msimamizi ameniangusha sana najipanga najua wapi nilikosea

 

[erique]

Hivi hivi vitunguu vinaweza kustawi maeneo ya bagamoyo?

 

[Utotole]

Kilimo cha Kitunguu
Kilimo cha mhindi/hindi
Uuzaji wa yai
Kilimo cha harage

 

[mupanga]

Asante kwa taaruma sasa, nahitaji kifaa cha kupimia udongo je, nitakipata wapi na ni shilingi ngapi?

 

[Mwitakesowani]

Nicheki 0786855280 nipate ushauri nami napenda kulim

 

[Bilionea Asigwa]

VIJANA wasomi wanaounda Taasisi ya Maendeleo ya Vijana Tanzania (TAYODA) wameeleza mafanikio wanayopata baada ya kuamua kujikita katika kilimo cha vitunguu tangu mwaka 2013, muda mfupi baada ya kumaliza elimu yao ya vyuo vikuu.

Vijana hao wanaomiliki shamba lenye ukubwa wa heka 300 katika kijiji cha Idodoma wilayani Mpwapwa mkoani Dodoma, wamewataka vijana wanaolalamika kukosa ajira, kuunga mkono kauli ya hivikaribuni ya Rais Dk John Magufuli inayowataka wafanye kazi badala ya kucheza pool toka asubuhi.

Akizungumza na wanahabari waliotembelea shamba lao hilo hivikaribuni, Mkurugenzi wa TAYODA, Jackson Kangoye alisema; “taasisi imefanikiwa kukuza mitaji ya vijana walioko mitaani kwa kupitia sekta hii ya kilimo.”

Alisema mwaka 2013 walipoanza na vijana 25 walifanikiwa kulima zao hilo katika shamba lenye ukubwa wa heka 30, wakaendelea kupata mafanikio yaliyowazesha kupata shamba lenye ukubwa wa heka 300 huku idadi ya vijana wanaojishughulisha na kilimo hicho ikiongezeka hadi 230 mwaka huu.

“Lengo letu katika kipindi cha miaka mitatu ni kuwaingiza katika shughuli hii vijana 2500 walioko mitaani bila kujali viwango vya elimu,” alisema.

Kangoye alisema wakiwa shambani vijana hao ugawanywa katika makundi ya watu watano ambapo kila kundi hupewa heka tano kwa msimu mmoja na kuzitumia kupata mitaji.

“Tangu tuanze kilimo hiki uzoefu wetu unaonesha kwa kila heka moja, tunazalisha kati ya gunia 80 na 120 za zao hilo ambalo uuzwa kwa kati ya Sh 120,000 na Sh 170,000 ambazo ni sawa na wastani wa Sh Milioni 10 na Sh Milioni 20 kwa heka,” alisema.

Alisema kiasi kinachobaki baada ya kutoa asilimia 25 ya pato lote linalokwenda katika taasisi hiyo kwa ajili ya kusaidia vijana wengine na gharama zote za matumizi, hutolewa kwa vijana hao kama mtaji wanaoweza kuutumia kujiendeleza katika kilimo hicho katika mashamba yao wenyewe.

Kangoye alisema zaidi ya vijana 120 wamekwishanufaika kiuchumi kupitia mpango huo kwa kuanzisha miradi yao ya kilimo cha vitunguu, pilipili, tikiti na nyanya.

Source: Kijana msomi, J. Kayonge aeleza wanavyofanikiwa katika kilimo cha vitunguu - wavuti

 

[Bilionea Asigwa]

Mmoja wa vijana aliyenufaika na mpango huo, Kassara Mageni alisema; “baada ya kumaliza Chuo Kikuu cha Dodoma mwaka 2012, sikutaka kubweteka kusubiri kuajiriwa. Nimehamia shamba, nalima na ninawasimamia vijana wenzangu kupitia taasisi hii ya TAYODA kujiletea maendeleo.”

Mbali na kujipatia mapato makubwa kutoka katika mashamba anayolima, alisema mpango wake ni kuhamishia maisha yake moja kwa moja katika kijiji hicho.

“Wasomi wengi tuna ndoto ya kupata mafanikio ya haraka tena kupitia kazi za kuajiriwa, bahati mbaya wengi wetu tunachelewa kufikia ndoto hiyo, niwajulishe wasomi wenzangu maisha yako huku, sekta ya kilimo ina fursa kubwa inayoweza kubadili maisha yetu vijijini na mijini,” alisema.

Kwa upande wake kijana mwingine, Gapi Yohana alisema kwa miaka miwili ambayo amefanya kazi na taasisi hiyo ameweza kuongeza ukubwa wa shamba lake kutoka heka moja hadi tano pamoja na kujiimarisha kiuchumi ikiwa ni pamoja na kununua pikipiki pamoja na kiwanja anachotarajia kukitumia kujenga nyumba yake ya kisasa.