Kilo 1.2 ya heroin yawafikisha mahakamani

Kilo 1.2 ya heroin yawafikisha mahakamani

Analogia Malenga

Analogia Malenga

JF-Expert Member
Joined
Feb 24, 2012
Posts
5,108
Reaction score
10,191
1626099261070.png


Watu watatu wamefikishwa katika mahakama ya Hakimu Mkazi Kisutu mkoani Dar es salaam, wakikabiliwa na shtaka moja la kusafirisha dawa za kulevya aina ya heroin kilo 1 na gramu 200.

Washtakiwa hao ni Andrew Paul, Said Mugoha na Geroge Mwang’ata wote wakazi wa Temeke mkoani Dar es salaam.

Akiwasomea washtakiwa hao shtaka lao mbele ya Hakimu Mkazi Mkuu wa mahakama hiyo Ritha Tarimo, Wakili wa Serikali Yusuf Aboud amedai washtakiwa hao wametenda kosa hilo Juni 21 mwaka huu maeneo ya Mivinjeni katika manispaa ya wilaya ya Temeke.

Mara baada ya washtakiwa hao kusomewa shtaka lao hawakuruhusiwa kujibu chochote kwa kwa kuwa mahakama hiyo haina mamlaka ya kusikiliza kesi hiyo kwa mujibu wa sheria.
Aidha wakili Aboud amedai upepelezi wa kesi hiyo haujakamilika hivyo kuomba Mahakama kupanga tarehe nyingine kwa ajili ya kutajwa.

Kesi hiyo imeahirishwa hadi tarehe 27 mwezi huu kwa ajili ya kutajwa na washtakiwa wote wamerudishwa rumande.

TBC Taifa
 
Dah! Ila mjini watu wanatafuta hela kibabe!! Full kuendesha magari makali, kuishi kwenye mahekalu! Full kumiliki pisi kali!!

Ila siku ukiotewa, ndiyo basi tena!
 
​

Wafanyabishara watatu wa jijini Dar es Salaa wakiwa chini ya jeshi la Polisi katika Mahakama ya Hakimu Mkazi Kisutu.

Wafanyabishara watatu wa jijini Dar es Salaa wamefikishwa katika Mahakama ya Hakimu Mkazi Kisutu wakikabiliwa na shtaka moja la kusafirisha dawa za kulevya aina ya heroine zenye uzito wa kilo 1.02.

Wakili wa serikali , Yusuph Aboud akisoma hati ya mashtaka amesema washtakiwa hao kuwa ni Andrew Paul (34) Mkazi wa Kurasini, Said Mugoha (45) Mkazi wa Mtoni Kijichi Temeke na George Mwakang’ata (38) Mkazi wa Mbagala Kuu.

Washtakiwa hao wamesomewa Mbele ya Hakimu Mkazi Mkuu, Ritha Tarimo ambapo imedaiwa Juni 21,2021 huko Mivinjeni ndani ya Wilaya ya Temeke Dar es Salaam, walikutwa wakisafirisha dawa za kulevya aina ya Heroine kilo 1.2 huku wakijua ni kinyume cha sheria.

Washtakiwa hawakuruhusiwa kujibu kitu chochote mahakamani hapo kwa kuwa mahakama ya Hakimu Mkazi Kisutu haina mamlaka ya kusikiliza kesi za uhujumu uchumi ambazo kwa kawaida husikilizwa mahakama Kuu.

Upande wa mashtaka umedai upelelezi katika kesi hiyo bado haujakamilika na kesi hiyo imeahirishwa hadi Julai 27 mwaka huu.
 
Pesa ya Haraka.....

hakuna njia yoyote rahisi ya upatikani pesa, iwe ya halali au isiyo halali,

Tutatofautiana kwenye Muda tuu na hapa ndipo wengine wanaamua kupitia kwa njia isiyo halali na wengine wanapambana na kuvumilia...
huwezi ukaniambia watu kama hawa wanataka pesa kwa njia rahisi..
hawa wanataka pesa kwa njia fupi, na njia hio ndio yenye risk kubwaa.

Anayeiba ana risk uhai.
Tapeli ana risk Jela.
Ndumba mashart si mchezo,
Wadangaji Afya, utu n.k,
Madawa ndio haooo,

Cheza Salama.
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register