Lazima nikiri wazi hizi ni "habari za mitaani".Leo nilikuwa katikati ya mji napata chakula cha mchana katika mgahawa maarufu Alshababu au kwa waSomali ndani ya vyumba vya uwanja wa michezo Sheikh Amri Abeid.Nimekaa katika meza yenye watu wanne siwajui hata mmoja isipokuwa navutiwa na mazungumzo yao.
Mazungumzo yao yamejikita katika uchaguzi wa mwaka 2015.Wote wanakubaliana uchaguzi wa mgombea wa CCM tayari umeshaanza tangu mwaka 2011 najikuta nikijikaribisha mwenyewe bila kukaribishwa,nauliza ni kitu gani kimewaaminisha uchaguzi ndani ya CCM umeshaanza wote wanacheka mmoja anajibu unasikia Bwana hizi kelele za kuvuana gamba unafikiri ni nini kama siyo mkakati wa kumtafuta mgombea au wewe huko dunia ipi ?.Najianda kutoa majibu naambiwa na Kijana mwingine tulia Mzee unajua Kikwete mjanja sana anajua kundi la mapacha watatu lina nguvu kubwa sana na linaweza kuzuia chaguo lake ahaa naingilia kati kwani chaguo la Kikwete ni nani ?.Mzee mpaka leo hujui chaguo la Kikwete we mtanzania kweli kwa taarifa yako Dr Asha Rose Migiro Rais wako 2015.
Mkakati wa Mwenyekiti wa CCM ni kupendekeza mgombea mwanamke "Safari hii ni mwanamke".Upo Mzee wataangaliwa wanawake wenye uzoefu mkubwa.
[1] Anna Makinda Spika wa bunge la JMT,huyu atagaragazwa kwa skando la posho.Suala la posho kwa taarifa yako Rais analijua na alishalikubali kaamua kuliacha lilivyo ili kumuondolea sifa Makinda.Nauliza wapi mmepata hizi habari [Naomba source].Mimi mbunge wangu kanimbia kila kitu,vikao vya wabunge wa CCM suala la posho lilishapitishwa siku nyingi Mama wa watu kaachiwa kikapu.Hivi vikao vya CDM Magogoni nia yake kubwa ni kumdhalilisha spika asivyojua kazi yake vizuri.
[2] Professor Tibaijuka Waziri wa Ardhi,huyu atagaragazwa na waZanzibar au hujasikia alivyoshutumiwa na waZanzibar Tanzania kujiongezea mipaka ya eneo la Bahari kuu.Mzee huu ni mkakati wa Kikwete kamtuma Jussu kupayuka maksudi auanataka kujifanya hujui Jussu alipewa ubunge na Kikwete hawa ni marafiki wakubwa wana mikakati yao siku mkishtuka Dr wake kashakalia kiti cha magogoni.
[3] Dr Asha Rose Migiro Naibu katibu mkuu UN,huyu atapeta hana kashfa wimbo sasa ni zamu ya kina mama utaimbwa waTanzania kama kawaida yenu mtaupokea na kuongezea madoido.Mzee kwa taarifa yako huyu Mama kaambiwa ni lazima arejee nyumbani haraka wajumbe na warasimu wa CCM wamzoee mapema siku ngoma ikipigwa msijesema alikuwa wapi siku zote.Namalizia juice baridi tunaagana na hawa marafiki zangu wapya nafurahi uTanzania wangu namkumbuka Nyerere lugha ya kiswahili imetuunganisha waTanzania.Marafiki zangu wapya hatukuulizana dini wala makabila yetu.
Mungu Ibariki Tanzania Mungu Ibariki Afrika na watu wake.