Asha D Abinallah
Platinum Member
- Apr 5, 2015
- 140
- 904
Habari Wakuu,
Siku ya kusheherekea siku ya Mwanamke duniani, inahusu si wanawake tu, bali hata wanaume pia. Hii ni siku maalum ya kila mwanadamu kutambua umuhimu na nafasi ya Mwanamke kwa kumwangalia kama mwanadamu na si kwa vigezo vya sifa ya kuzaliwa Mwanamke. Na kwamba anastahili haki na usawa katika maisha yetu ya kila siku.
Ujumbe wa Kimataifa wa mwaka huu katika kuadhimisha siku hiyo mhimu ni “I am Generation Equality: Realising Women’s Right” Ikimaanisha “Mie ni Kizazi cha Usawa: Kutambua Haki za Wanawake”.
Siku ya wanawake duniani inaadhimishwa kila mwaka tarehe 8 Machi ambapo mwaka huu kauli mbiu yetu Kitaifa ni “ Kizazi cha Usawa kwa Maendeleo ya Tanzania ya sasa na ya baadaye”
Jamii Forums katika kuhakikisha inasimamia lengo lake la kuhakikisha inachochea raia wa kidijitali uelewa na ufahamu imeamua kufanya “Digital Clinic” kwa wanawake wa Dar es Salaam.
Clinic hii inalenga kusaidia wanawake wote wenye matatizo yoyote ya kidijitali, wanaotaka kujifunza namna ya kufanya jambo lolote la kidijitali na ambao wanafanya kazi zozote katika majukwaa ya kidijitali na wangependa msaada wa namna ya kuboresha wanakaribishwa.
Mfano wa huduma zitakazotolewa
- Namna bora ya kutumia majukwaa ya mtandaoni ikiwemo JamiiForums, Twitter, Facebook, Instagram n.k
- Namna ya kulinda kifaa chako na akaunti zako dhidi ya hatari za kidijitali
- Namna ya kupata password ambazo umepoteza na zinakuzuia kutumia huduma mbali mbali mtandaoni
Tutakuwa Mlimani City siku ya Jumapili Tarehe 8 Machi kuanzia saa 3 asubuhi hadi 12 jioni mbele ya duka la game kwa ajili ya kukutana nanyi.
Mnakaribishwa sana!
Kwa niaba ya Uongozi na Team yote ya JamiiForums,
tunawatakia siku hii iwe nzuri kwenu
Happy International Women's Day 2020 #IWF2020